Пәні:физика

Мектеп: Аққала орта мектебі.

Ұзақ мерзімді жоспардың бөлімі: Тығыздық.

Мұғалімнің аты жөні:Аманжолова Маргарита Аманжолқызы.

Сынып:7

Қатысушылар саны: 12

Қатыспағандарсаны:3

Сабақ тақырыбы

Заттың тығыздығы және тығыздықтың өлшем бірлігі

Осы сабақта жүзеге асатын оқу мақсаты (оқу жоспарына сілтеме)

7.2.2.13 - тығыздықтың физикалық мағынасын түсіндіру;

7.2.2.14 –сұйықтар мен қатты денелердің тығыздығын тәжірибе арқылы анықтау;

Сабақтың мақсаты:

Барлық оқушылар істей алады:тығыздық анықтамасын білу, өлшем бірліктерін айту.Тығыздықты және оның табиғатын анықтайды.

Көптеген оқушылар істей алады:тығыздықтың формуланы пайдаланып есептерді шығару, мысалдар келтіру.

Кейбір оқушылар істей алады:сұйықтар мен қатты денелердің тығыздығын тәжірибеде қолдана алу, формуланы қолданып күрделі есептерді шығару.

Күтілетін нәтеже:

Тығыздық анықтамасын біледі, өлшем бірліктерін айта алады; Тығыздықтың формуласынкелтіріп, есептер шығарады, мысалдар айта алады; Тәжірибе жасайды,күрделі есептер шығарады;

Тілдік мақсаттар:

Тығыздық – density – плотность

Көлем-volume- обьем,

Масса –mass- масса

Құндылықтарға баулу

«Мәңгілік ел» ұлттық идеясы. Жалпыға бірдей еңбекқоғамы –еңбекке, шығармашылық өсуіне, ортамен ынтымақтастық қатынас орнатып, өмір бойы білім алуына баулу. Ақиқат құндылығының мәнін ашу.

Пән аралық байланыс.

Математика – есептер шығару, формула түрлендіру(амалдар қолдану);

Химия – сұйық және қатты денелерге тәжірибе жасау;

Информатика – ғаламтор желісінде ақпарат жинақтау.

Алдыңғы білім:

Масса және денелердің массаларын өлшеу. Дұрыс және дұрыс емес пішіндегі денелердің көлемін өлшеу.

Сабақ барысы:

Жоспарланған сабақ кезеңдері

Сабақта жоспарланған қызмет (іс-әрекет)

Ресурстар

Сабақтың басы:

5 минут

Тыныштық сәтi

3 мин

I.Ұйымдастыру кезеңі

1Сәлемдесу. Жағымды ахуалқалыптастыру.

Сыртқы интеграция

Оқушылармен бірге

5 «Т» ережесін еске түсіру.

Су асты патшалығына ойша саяхат. (Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).

Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Ескрту: Оқушылардың сабаққа керекті құрал жабдықтарын тексеру.

Баяу музыка жіберіледі.

Хрустальная грусть

А.Захаренко

Ішкі нтеграция.

3 минут.

Топқа бөлу:

«Стикер »әдісі арқылы.

I.Үй тапсырмасын тексеру.

«Ойлан, жұптас, бөліс» әдісі.

Әр топ үйге берілген тапсырма бойынша бір –біріне сұрақ қояды.

1. Масса дегеніміз не?

2. Масса шартты түрде қалай белгіленеді?

3. Массаны өлшейтін құрал қалай аталады?

4. Массаның еселік мәндерін жаз?

5. Денелердің инерттілігі.

6. Денеге еш нәрсе әрекет етпесе, ол қандай қозғалыс болар еді.

7. Инерция дегеніміз не?

Дескриптор

-Массаның анықтамасын біледі.

- Массаның формуласынтүрлендіре отырып есептер шығаруда қолдана алады.

Қалыптастырушы бағалау.

Сабақтың ортасы:

5 мин

Түсіну:

Тәжірибе

5 мин

Қолдану:

10 мин

Талдау:

5 мин

3 мин

II. Жаңа сабақ:

Жаңа сабақтың тақырыбын ашу мақсатында оқушыларға ребус жасырылады. Ребустың шешуі арқылы оқушылар бугінгі жаңа сабақтың тақырыбын тығыздық екенін анықтайды.

«Ортақ тұжырым» әдіс. Енді алюминий және темірден жасалған білеушелердің тығыздықтарын тәжірибе арқылы анықтайық.

Эксперименттік есептер:

1.Тығыздығы 8,9 г/см³ мыс білеуше және таразы берілген. Қандай шаманы анықтауға болады.

2. Тығыздығы 7, 8 г/см³ білеуше және темір сызғыш берілген қандай шаманы анықтауға болады.

Дискриптор

• Есептің шартын құра алады.

• Тығыздықтың формуласын пайдаланып, түрлендіре алады.

• Есептейді және жауабын шығарып топта талқылай алады.

Тығыздықты өмірде қолдану:

Көлем тобына.

Алдыңызда судың үш түрлі күйі берілген неліктен судың үш түрлі күйінің мәндері әр түрлі.

Масса тобына.

Теңізде жүзіп бара жатқан кеме неліктен суға батпайды?

Сәйкесін тап:

Жеке жұмыс.

Семантикалық карта

Сабақтың соңы

3 мин

Қорытынды:

«Еркін микрафон» әдісі.(тақырып бойынша не түйгендерінауызша кезекпен оқушылар бір –біріне сұрақ қою арқылы жауап алады)

Қалыптастырушы бағалау. «Екі жұлдыз, бір тілек».

Кері байланыс.Түймедақ гүліне бүгінгі сабақта алған әсерлерін жазып тұймедақты құрастыру.

Үйге тапсырма:3.2 жаттығу 5,6§14

Саралау – оқушыларға қалай көбірек қолдау көрсетуді жоспарлайсыз?

Деңгейі төмен оқушылар: тығыздық ұғымының мағынасын білу, таңбаларын, өлшем бірліктерін айту, ауызша сұрақтар қою; Деңгейі орта оқушылар: тығыздықтың формуласын түрлендіріп, мысал келтіру арқылы есептер шығару; Деңгейі жоғары оқушылар:тығыздықты табу жолдарына тәжірибе жасау, күрделі есептер шығару;

Тәжірибе жұмысын жасау кезіндегі қауіпсіздік техникасының сақталуын қадағалау.