Қазақ тілі мен қазақ әдебиеті пәнінен олимпиада тапсырмасы

І ТУР, 1 КЕЗЕҢ

7-СЫНЫП

...Сәлем де Жібек қорықпасын,

Өліп кетсем, Жібекті,

Еш жаманға қор қылмас,

Сансызбай атты інім бар.

Шын тілесе бендеге,

Тәңірім тілек береді.

Көктеме мұнда келіп ем,

Енді қыс боп келеді.

Елімнің ақын, көсемі,

Батыр Шеге дер еді,

Ақылға арқан кен еді,

Олай-бұлай боп кетсем,

Сансызбайға басшы боп,

Еліңізге жетіп келеді.

Тірі тұрса жанымыз,

Есен болса тәніміз,

Көктем шағы болғанда,

Қазбен бірге келем деп

Не салса да Құдайым,

Жібек үшін көрем деп,

Жібекке дұғай сәлем» деп,

Енді атына мінеді.

Тапсырмалар:

1. «Қыз Жібек» жырының жанры, өзге жырлардан ерекшеліктерін

көрсетіңдер.

2. Үзінді жырдың қай бөлімінен алынған? Жырдың осы үзіндіден кейінгі

оқиғаларын жоспар түрінде жазыңдар.

3. Үзіндіде аты аталған кейіпкерлер кімдер? Олар туралы толық жазып

шығыңдар.

4. «Қыз Жібек» жырының қазақ тұрмысын көрсететін дәстүр, әдет-ғұрып

түрлерін жазыңдар.

5. Ақылы арқан кен еді -

Көктеме мұнда келіп ем –

Қазбен бірге келемін –

Қор қылмас –

Тәңірім тілек береді –

Тіркестеріне талдау жасаңдар, мағынасын ашып жазыңдар.

6. Олай-бұлай боп кетсем,

Сансызбайға басшы боп,

Еліңізге жетіп келеді.

Морфологиялық, синтаксистік талдау жасаңдар.

7. «Лиро-эпостық жырлар: ел тұрмысының суреттелуі» деген тақырыпта эссе

жазыңдар. 80-90 сөз.