м і н е з д е м е

Салауат осы аталған мектепте бірінші сыныптан бері оқиды. Осы уақыт ішінде Салауат алғырлығымен, оқуға деген жақсы ынтасымен көзге түсті. Сабаққа ұқыпты дайындалып, өз ойын толық білдіре біледі. Мектепте өте белсенді. Барлық әлеуметтік еңбекке белсенді араласады. Жаңа істі бастауда жиі көрінеді.

Өзіне берілген тапсырмаларды уақытында тиянақты орындайды. Ғылым мен мәдениеттің әртүрлі саласындағы жаңалықтардан әрдайым хабардар болып отырады. Қоғамдық іс – шараларға үнемі қатысады.

Салауат сыныптастарының, өз достарының ортасында беделді, сыйлы. Мұғалімдермен, ата-анасымен, достарымен қарым-қатынаста әрдайым шыншыл. Адамдармен әрқашанда жақсы тіл табысады, басқалармен бірігіп жұмыс істегенді, серуендегенді ұнатады. Үлкендерді сыйлай біледі. Ата-анасы да Салауаттың оқуына көп көңіл бөліп, қолдап, көмектесіп отырады.

Болашақта Салауатқа үлкен үміт артуға болады, яғни еліміздің үлгілі азаматы болады деген сенімдеміз.