Тақырыбы: « Алаш қайраткері-Міржақып Дулатұлы» тәрбие сағаты

Мақсаты:Міржақып Дулатовтың өмірі мен шығармашылығын кеңінен таныстыру; Алаш қайраткерлерінің ел үшін атқарған тарихи еңбегін ұғындыру.

Көрнекіліктер:

М.Дулатов портреті, кітаптары, «Оян, қазақ!» жинағы, «Бақытсыз Жамал» кітабы, хронологиялық кесте, слайд-презентация, музыкалық сүйемелдеу.

Жүру барысы

1-бөлім. Кіріспе

Жүргізуші 1:
– Құрметті ұстаздар,студенттер! Бүгін біз қазақ халқының ұлы перзенті, ұлт азаттығы үшін күрескен қайраткер, ақын, жазушы, Алаш арысы – Міржақып Дулатовқа арналған тәрбие сағатына қош келдіңіздер!

Жүргізуші 2:
– Оның қаламынан туған әрбір жол — еркіндікті аңсаған жүректің айғағы, қыспақ көрген халықтың мұңы, бостандыққа ұмтылған ұлы арманның үні.

(Экранда М.Дулатов суреттері слайд ретінде көрсетіледі.)

2-бөлім. «Өмір жолы – өнеге» (Тарихи таныстырылым)

Жүргізуші:
– Ендеше, алдымен ұлы тұлғаның өмір жолына шолу жасайық.

Студент 1 – деректі баяндау:

1885 жылы Торғай облысы, Торғай уезінде дүниеге келді.Алғаш ауыл мектебінде, кейін Қостанайдағы орыс-қазақ училищесінде оқыды.Мұғалімдік қызмет атқарды.1909 ж. «Оян, қазақ!» кітабын шығарды.1910 ж. қазақ әдебиетіндегі алғашқы роман – «Бақытсыз Жамалды» жазды.Алаш партиясының белсенді қайраткері болды.1935 жылы Соловки лагерінде қайтыс болды, 1988 ж. ақталды.

(Слайд: өмірбаяндық кезеңдер.)

3-бөлім. «Оян, қазақ!» – ұлтты оятқан үн

Жүргізуші:
– Ендігі кезек – шын мәнінде қазақ санасын дүр сілкіндірген жинаққа.

Студент 2 – өлеңнен үзінді:
«Оян, қазақ! Көтер басты,
Өткізбей қараңғыда бекер жасты...»

Талқылау:
– Бұл өлеңнің бүгінгі ұрпаққа қандай әсері бар?
(2–3студенттің пікірі )

4-бөлім. «Бақытсыз Жамал» – алғашқы роман

Жүргізуші:
– Міржақып Дулатовтың бұл шығармасы – қазақ қоғамындағы әйел тағдыры, әлеуметтік теңсіздік мәселесін көтерген тұңғыш роман.

Сахналық көрініс (қысқа):

Жамал мен Ғали арасындағы диалогтан үзінді, немесе Жамалдың ішкі монологы.

5-бөлім. «Алаш жолы – азаттық жолы»

Оқушы 3 – тарихи баяндау:
– Міржақып Дулатов Алаш партиясының бағдарламасын дайындауға атсалысты, «Қазақ» газетін шығарды, қазақ мемлекеттілігін жаңғырту ісіне белсене қатысты. Оның арманы — азат, дербес қазақ елі болатын.

Алаш арыстары туралы қысқа бейнетаспа көрсетіледі.

6-бөлім. Ақынға арналған шығармашылық арнау авторлық арнау

М.Дулатовқа арналған өз өлеңдерін немесе эссе оқиды.

2) Ақын өлеңдерін мәнерлеп оқу

7-бөлім. «Кім жылдам?» шағын викторина:

8-бөлім. Қорытынды

Жүргізуші 1:
– Міржақып Дулатов – тарих сахнасынан қасқайып орын алған, ұлт тағдыры үшін жан қиған ардақты есім. Оның мұрасы – мәңгілік.

Жүргізуші 2:
– Ұлыларды ұлықтау — ұрпақтың парызы. Ұлт үшін туған ерлерді жаттап өскен әр бала — елдің болашағы.