"Бала болашағы үшін қызмет етемін!"

Менің мамандығым-тәрбиеші! Кейбіреулер үшін тәрбиеші жәй ғана сөз болып естілуі мүмкін, алайда бұл сөздің астарында қаншама қалтқысыз еңбек, сансыз жауабы жоқ жұмбақ, шексіз мейірім мен махаббат, толассыз төгілген тер жатыр!

Бала-адам жанының айнасы, бала көңілін табу, баланың жанын ұғу кез-келген жанның қолынан келе бермес ұлы іс.

Менің балабақшада жұмыс істеп жүргеніме он бір жыл толады, бұл еңбектен ешбір жалыққан емеспін. Өйткені менің жас бүлдіршіндерге арнаған осы уақытымды өмірімдегі ең бір бағалы уақытым, бақытты кездерім деп айта аламын.

Мен мамандығымды мақтан тұтамын! Себебі, осынау сатқындық пен әділетсіздік орнаған заманда, адал періштелер, балалар ғана. Осы балалармен бірге жұмыс істеудің өзі бір ғанибет!

Бала-ел байлығы, қоғам бақыты. Баланың балабақшадан жақсы тәлім-тәрбие алғанын қалаймын, аянбай сол үшін де еңбек етемін. Еркіндікке жол беремін.

Бала тәрбиесі мен болашағы үшін аянбай еңбек ету, әрбір адам баласының парызы деп білемін!

Балабақша білім ордасының бастауы, тәрбиеші-алғашқы ұстаз!

Бала мектеп табалдырығын аттамай жатып, алғаш қолға қалам алып, алғаш әріп танып, кім? не? деген сұрақтарға жауап табуды осы бақшадан үйреніп шығады. Түрлі мерекелерді тойлауды, ән айтып, би билеуді, көпшілік ортада өзін қалай ұстауды, жауапкершілікті сезінуді де бақшадан бастап үйренеді.

Сондықтанда балабақша--- болашақтың бастауы,

ал тәрбиеші сол бастаудың жол басшысы!

Менің мамандығым әлемдегі ең қажет мамандықтардың бірі. Сондықтан мен мамандығымды мақтан тұтамын.