" Көңілді түстер"

Тақырыбы: «Көңілді түстер»

Жас тобы: ортаңғы топ

Білім беру салалары: Таным, Шығармашылық, Қатынас

Кіріспе бөлім

Көңілді әуенмен балалар залға кіреді.

Тәрбиеші:

– Сәлеметсіңдер ме, балалар! Көңіл-күйлерің қалай?

– Қонақтарымызбен, достарымызбен амандасып алайық.

Шаттық шеңбері: «Ән салем-салем»

Тәрбиеші:

– Балалар, айналамызға қараңдаршы, нелерді көріп тұрсыңдар?

– Түрлі-түсті доптар бар екен.

– Бүгін біз түрлі түстермен танысамыз және оларды зерттейміз.

Негізгі бөлім

Түстер ханшайымы кіреді:

– Сәлеметсіңдер ме, балалар! Түстер әлеміне қош келдіңдер!

– Бүгін бізде ерекше сабақ. Біз 3 орталықта жұмыс жасаймыз:

1. Аспаз орталығы

2. Таным орталығы

3. Көркем әдебиет орталығы

Тапсырмаларды орындағыларың келе ме?

(Балалар орталықтарға бөлінеді)

1. Аспаз орталығы

Мақсаты: түстерді ажырату, дәмін сезу

Тәрбиеші:

Балалар, алдымен қауіпсіздік ережесін еске түсірейік:

1. Алжапқыш пен орамал тағамыз

2. Пышақты абайлап ұстаймыз

Алдымызда қандай жемістер бар?

Балалар: алма, банан, мандарин, жүзім

Ендеше, олардың түстерін атайық.

(Сары, жасыл, қызғылт сары)

Балалар жемістерді турап, салат дайындайды, шырынның дәмін ажыратады.

2. Таным орталығы

Мақсаты: түстерді тану, тәжірибе жасау

1-ойын: «Сиқырлы шарлар»

– Шардың ішіндегі суреттерді фонарикпен қарап, заттың атын және түсін айтады.

– Көрген затты құмға салады.

2-тәжірибе: «Биші түстер»

(Сүт + түрлі түсті бояу + фери)

– Балалар тәжірибені қызыға бақылайды, түстердің қозғалысын көреді.

3-ойын: «Жүзгіш доптар»

– Балалар түрлі түсті фломастермен доп салып, суға ағызып үрлейді.

3. Көркем әдебиет орталығы

Мақсаты: тыңдау, қиялдау, ұсақ қол маторикасын дамыту

Ертегі: «Жұлдыз қыз» (қысқартылған нұсқа)

Тәрбиеші ертегіні мәнерлеп оқиды.

Сұрақтар:

– Жұлдыз қандай қыз болды?

– Ол не үшін сыйлық алды?

– Ай мен жұлдыз неге бірге?

Қорытынды

Тәрбиеші:

– Балалар, бүгін біз нелермен таныстық?

– Қандай түс ұнады?

Мадақтау, түстер ханшайымының қоштасуы