Іс-шараның тақырыптары

« Мен және менің отбасым »

Қауіпсіздік сабағы № 2. «Төтенше жағдай туындаған кезде жедел қызметтерге қоңырау шалу скриптері»

ЖЖЕ №1 «Оқушылардың көшелерде және жолдарда өзін-өздері ұстауларының негізгі ережелері.»

Педагогтің Т.А.Ә. (болған жағдайда)

8775 763 53 96 ватсап

ақылы телеграмм каналға тіркелуге болады 1-тоқсан 2 ай 2000 тг

1-4 сынып , 5-11 сынып

Күні:

Сынып:

1-4 « »

Сабақтың мақсаттары:

1.«Отбасы» құндылығы туралы түсініктерді отбасы туралы ұғымдарды кеңейту, оны сүйе білуге үйрету.

2. Оқушыларды қауіпсіздік жүйесіне кіретін қызметтерді шақыру кезінде ақпараттың мазмұнымен таныстыру және туындаған қауіпті жағдай туралы қауіпсіздік қызметіне телефон арқылы дұрыс хабарлауға үйрету.

3. Оқушыларға көшеде және жолда өзін-өзі ұстау тәртібін үйрету.

Құндылық :

Қыркүйек – «Еңбекқорлық және кәсіби біліктілік» айы

2-апта дәйексөзі: «Жанұям – қорғаным, ата-анам – тірегім!»

Сабақтың барысы

Сынып сағатының кезеңі\ уақыт

Педагогтің әрекеті

Оқушының әрекеті

бағалау

ресурстар

Ұйымдастыру

35 мин

Ұйымдастыру кезеңі.
Психологиялық минут. Бүгінгі сабаққа қандай көңіл күймен келдіңдер? Табиғаттағы ауа - райын сипаттай отырып өз көңіл күйімізді айтамыз. Қалғандарымыздың көңіл күйіміз жақсы болса, бір - бірімізге қарап жымиямыз.

Ой жинақтау.
Отбасы дегеніміз не?

Отбасы — адам баласының түп қазығы, алтын ұясы. Адам баласы шыр етіп дүние есігін ашқаннан бастап сол ортаның ыстық-суығына бейімделіп, ықпалына көніп, осында ер  жетеді.                                                             Отбасының екі тірегі — әлпештеген әке мен аялаған ана. Ата-анаға үлкенге қызмет етіп, әкеңнің еңбегін, анаңның ақ сүтін өтеу — біздің борышымыз. Ата — ана — отбасының негізгі діңгегі, бастапқы дәнекері. Бала әкеден ақыл, анадан мейірім алады. Әке туралы айтсақ, әке отбасының асыраушысы, қамқоршысы. Ана — отбасының ұйтқысы, жылуы, шуағы.    

Отбасының басты қазығы, алтын діңгегі – бала. Баланың тәрбиелі жан - жақты болып өсуіне берекелі, өнегелі, ынтымақты отбасының ықпалы мол. Отбасын құрғанда Адам өмірге ұрпақ әкеліп қана қоймай, сонымен бірге оған жалпы адамзаттық және ұлттық құндылықтарды, ата - бабасының салт - дәстүрін, жас ұрпақтың бойына сіңіртеді. Балаларын өздерін қоршаған ортаға және қоғамға пайдалы азамат етіп өсіру – ата - ананың ең маңызды міндеті.

Оқушылар қойылған сұрақтарға жауап береді

Мадақтау

Суреттер

10 мин

 Енді осы тақырыптағы мақал-мәтелдерге кезек берейік.

1-оқушы: Бала тәрбиесі бесіктен.

2-оқушы:Баланың жақсысы – қызық, Жаманы күйік.

3-оқушы: Әке көрген оқ жонар, Шеше көрген тон пішер.

4-оқушы: Бала-көңілдің гүлі, көздің нұры.

5-оқушы: Құс балапаны үшін тозаққа түседі, Адам баласы үшін азапқа түседі.

6-оқушы: Ата-бәйтерек, бала –жапырақ.

7-оқушы: Атадан жақсы ұл туса,

Елінің қамын жейді.

Атадан жаман ұл туса,

Елінің малын жейді.

8-оқушы: Жақсы әке – жаман балаға қырық жылдық ризық.

9-оқушы: Әкең өлсе де, әкеңді көрген өлмесін.

10-оқушы: Әкесін сыйламаған кісіні баласы сыйламайды.

11-оқушы: Ананың көңілі балада, Баланың көңілі далада.

12-оқушы: Ағайын – алтау, ана – біреу.

13-оқушы: Ағайынның алтын сарайынан, Ананың жыртық лашығы артық.

14-оқушы: Анаңды Меккеге үш арқалап барсаң да қарызынан құтыла алмайсың.

Отбасы тәрбиесі туралы түркі ойшылы Жүсіп Баласұғын былай дейді:

«Қатты тәртіп көрсе бала күнінде,

Өнерімен қуантады түбінде.

Бала нені білсе жастан ұядан –

Өле-өлгенше соны таныр қиядан.

Өнер-білім берем десең басынан,

Бер оқуға балалрды жасынан.

Ата-анадан өсіп ұрпақ тараған,

Жақсы, жаман болса, бала- солардан».

Балаларға тапсырма: Кәне, балалар, жеке-жеке мына сандықтың ішінен асық алыңдар, қандай нөмірлі асық алсаңыздар, сол нөмірдегі сұрақ оқылады.

1. Не тәтті? (Ананың сүті)

2. Не жұмсақ? (Ананың алақаны)

3. Не қымбат? (Алтын ұяң Отан қымбат, Құт-береке атаң қымбат, Аймалайтын анаң қымбат, Бәрінен де ар мен ұят қымбат.)

4. Отбасын кімдер құрайды? (Ата, әже, әке, ана, аға, әпке, қарындас, іні, сіңлі.)

5. Отбасының бүкіл міндеті кімге негізделген? (Ата-анаға)

6. «Үлкенге құрмет» дегенді қалай түсінесің? (Үлкендердің заттарын көтеру, айтқандарын істеу)

7. Отбасының ұйытқысы кім?(Ана)

8. Отбасының басшысы кім?(Әке)

9. Отбасының әдет-ғұрыптары туралы түсініктеме бер.(Үлкенді сыйлау, айтқан ақылдарын тыңдау)

10. Жоқты бар,ашты тоқ ететін кім?(Ата-ана)

Сіздердің алдарыңызда күннің шуағы ,бұлт,гүл күлтелері мен жапырақтары жатыр.Соларға сіздер білім сапасын арттыру мен тәрбие алу үшін ата-анаға,мұғалімге,оқушыға қандай талаптар қоясыздар. Соны жазыңыздар?(Әр топ мүшесі өз талаптарын жазған соң,тақтада көктем бейнесі шығады.)

Бір үйде біз нешеуміз?
Кел санайық екеуміз.
Бас бармағым — атам,
Балан үйрек — апам,
Ортан терек — әкем,
Шылдыр шүмек — анам,
Кішкентай бөбек — мен.
Біз үйде нешеуміз?
Біз үйде — бесеуміз.

***

Ең жақын адамдар,
Әкем мен анам бар.
Әкемнің әкесі,
Ақ басты атам бар.
Әкемнің шешесі,
Ақ шашты әжем бар.

Ұлдардың үлкені,
Бір туған ағам бар.
Қыздардың үлкені,
Бір туған әпкем бар.

Ұлдардың кішісі,
Бір туған інім бар.
Қыздардың кішісі,
Бір туған қарындас,
Әпкеге — сіңлі бар.

***

Ата-ана асқар тау алдымдағы
Әрқашан асқақтайсың алдымда әлі
Өзің берген өнеге тәрбиеңмен
Бақыттымыз жанұя бауырындағы.

***

Жылжи берші кезім емес жасқанар
Бөгей алмас білім атты тас қамал
Отанның аяулысы боларсың
Отан деген отбасынан басталар.

***

Атамнан басталар,
Әжемнен қосталар
Отбасым мынылар:
Ең жақын адамдар —
Әкем мен анам бар,
Бір туған ағам бар,
Бір туған апам бар…
Бәрін жақсы көремін,
Еркелеймін, еремін!

***

Титтей бөбек кезімнен
Әлдилеген емізген,
Еркелетіп күлгізген,
Алғаш «апа» дегізген.

***

«Қымбат машина» әңгімесі
«Бірде әкесі Аманға жаңа ойыншық сатып әкеліп берді де: «Сындырушы болма, қымбатқа сатып алдым»- дейді. Қандай ойыншық десейші. Қара бояуы жалтылдаған әдемі машина. Келесі күні Аман жаңа ойыншығын құшақтап аулаға шықты. Сыртта оны Рахат, Қанат, Мұса қоршап алды.
- Қараңдаршы, папам әперді. Аман машинасын құшағынан шығармай мақтана сөйледі.
- Келші көрейік...
Бере тұршы жүре ме екен?
- Қандай әдемі, кел. ойнайық.
Аман ойыншығын құшақтап оларға бермей қойды. Әрі - беріден соң Рахат та, Қанат та, Мұса да өз беттерімен ойнап кетті. Аман ойыншықты үйге әкеліп, төсегінің астына қойды да сыртқа шықты. Қараса, балалар өздерінше арық қазып ойнап жүр екен. Аман қызығып, жүгіріп қастарына келді.
- Мен де ойнайыншы.
- Ал, балалар болса үндемей, ойындарын жалғастыра берді.»

Сұрақтар:
1. Әңгімеден не түсіндіңіздер?
2. Кім қателік жіберді деп ойлайсыздар?
3. Аман кінәлі ме?
4. Аманның әкесінің орнында сіздер қайтер едіңіздер?

ЖЖЕ №1 Негізгі ережелер (1–4 сынып оқушыларына):

Жолдан тек жаяу жүргіншілерге арналған жерден өту

Жолақ (зебра), жаяу жүргінші көпірі, бағдаршам орнатылған жерлерден ғана өту.

Бағдаршамды қатаң сақтау

Қызыл – тоқта.

Сары – дайындал.

Жасыл – өтуге болады.

Жолды тек солға және оңға қарағаннан кейін өту

Алдымен солға қара, содан соң оңға қара. Машина жоқ екеніне көз жеткіз.

Жолда жүгірмеу

Жаяу жүргінші жолымен асықпай жүру.

Көліктің алдын кесіп өтпеу

Автобус, трамвай, такси сияқты көліктің алдынан және артынан шықпау.

Тек тротуармен жүру

Көшеде тек тротуар немесе жаяу жүргіншілерге арналған жолақпен қозғалу.

Ойын ойнамау

Жол бойында немесе көшеде доп ойнамау, сырғанауға болмайды.

Үлкендердің көмегін пайдалану

Жолдан өткенде егер сенімсіз болсаң, ата-анаңнан немесе үлкен кісіден көмектесуін сұра.

Қорытынды:

Балалар көшеде және жолда өзін-өзі ұстаудың негізгі ережелерін біліп, өмірде қолдана алуы тиіс.

Қауіпсіздік сабағы № 2. «Төтенше жағдай туындаған кезде жедел қызметтерге қоңырау шалу скриптері»(10 мин)

Сабақтың мақсаты: оқушыларды қауіпсіздік жүйесіне кіретін қызметтерді шақыру кезінде ақпараттың мазмұнымен таныстыру және туындаған қауіпті жағдай туралы қауіпсіздік қызметіне телефон арқылы дұрыс хабарлауға үйрету.

«Есте сақта!»

Өрт күзеті 101

Полиция 102

Жедел жәрдем 103

Төтенше газ қызметі 104,112

Бірыңғай құтқару қызметі 112

«111 жедел қызметі» байланыс орталығы балалар мен ересектер өздеріне көмек қажет екендігі туралы, тұрмыстық зорлық-зомбылық, бала құқықтарының бұзылуы туралы, баланың көшеде, үйде, көлікте жалғыз қалғаны туралы, өміріне және денсаулығына қауіп төнгенде хабарласу үшін ашылған.

-«111» нөмірі – 24/7 байланыста

-«111» нөмірі – құпиялылықты сақтайды

-«111» нөмірі – тәулік бойы ІІД және өңірлердің жедел топтарымен байланыста. МАҢЫЗДЫ!

Төтенше қызметкерге жалған қоңырау шалуға болмайды!

Мақал мәтелдер айтады

Асықтардағы сұрақтарға жауап береді

Мұғалімнің түсіндіргенін тыңдайды.

Сурет, слайд, бейнематери

ал арқылы жол белгілерін таниды.

«Бағдаршам» ойынын ойнайды (мұғалім түстерді айтады, балалар тиісті әрекет жасайды).

Қауіпсіздік ережелерін қайталап, мысал келтіреді.

Сызба

Мақал мәтелдер

Сандық асық

Қымбат машина

Мәтіні

https://www.youtube.com/watch?v=fyfkEuHSiIc&list=PLA5eCSY2FeoQL

LocS-IEuEG9KjOrJzvPM&index=5

https://orken-instituty.kz/ru/telefony-goryachih-linij

Қорытынды

5 мин

Барлық өнеге отбасынан басталады. Балаларымыздың бойына сіңген ізеттілік - дөрекілікке, қайрымдылық – қатігездікке, адалдық – арамдыққа ауыспасын деген тілегімізді орындау - ұрпақ алдындағы ұлы міндет деп түсінейік.