« Өмір жайлы түсінігім »

Өмір...

Өмір түзер бар адамның надандығын

Я болмаса өшірер әр адамның даралығын

Ей пенделер бұл өмір ақ пен қара

Жолды ашар толы болса бар ниетің

Өмір деген тұжырым мен үшін сенің өтіп жатқан әр минутың, секундың , сағатың мен күндерің іспеттес. Әр күлгенің, қуанғаның мен қайғырғаның. Өткен уақытын, бүгінгі кезенің. Мен өз өміріме разымын ба? Осы сұрақты мен өзіме бір аралықта қойып отырамын. Сондағы он төрт жылымның біреуі де босқа кеткенін қаламаймын. Туылған мезетімнен , алғаш мектеп табалдырығын аттағаннан мен шаттыққа толы балалық шақты өткіздім. Бастауышты тәмамдағанша жақсы қыз болдым. Бесінші сыныптан , қазіргі уақытқа дейін саналы болуға тырысып келемін. Бойымда тек имандылық, инабаттылық , ұят болғанын қаладым. Сол қасиеттерді өзімде көру үшін әлі де еңбектеніп келемін. Осы өмірде өзімнен қатты разы болған қасиетім – менің талпынысым. Алдыма қойған қарапайым мақсаттардан , үлкен арманға қол созып келе жатқан талпынысым мені қатты разы қылады. Сол үшін де мен тынбай еңбектенуді жөн көремін.

Менің бір тұжырымым «Жасаған еңбегіне разы болма, онда сен жеңілдейсің. Керісінше ізден, талпын, құлшын, сонда алға қадам жасай бересің». Адам баласы алдында көптеген кедергілерді көреді, кездестіреді , жеңеді. Сол жеткен жетістігі адамды бір сатыға көтерер. Ойыңда, санаңда және миыңда жігер, еңбек пен сабырлық болса, онда ол жақсы белестердің бастауы.

Өмір жайлы өлеңдерді , әңгімелерді оқуға құмармын. Жүрегің сілк етер сезімге жетесін. Өмір шыны керек қамшының сабындай тым қысқа. Сүріп жатқан ғұмырыңның қай уақытта, қай жерде үзілетінін білмейсіңдағы. Тек тіршілігіңді қыласың. Ол табиғи заң болып табылары сөзсіз. Біреуі кетеді, артынан келеді. Ал тірі жан тіршілігін жасайды. Өмір ол сенің өмірбаяның. Бұған көп тоқталмайын...

«Ата-анам қасымда, достарым молшылық, санам мен ойым бар, аз болса да ермегім де бар. Жаратушы АЛЛАҒА бұндай берген бақ үшін разымын. Нәзік болмасам да, бәріне ұнамасам да, мен ол мен! Менің қанатым талмайтынына мен шүбәсіз сенімдімін. Осыдан асқан бақ бар ма? Білмеймін.. Барып ойланайын»

Рустемова Малика