Абай дара қазақта

Абай дара қазақта

Биыл барша ел болып қазақ ұлтының біртуар азаматы, данышпан, ағартушы, қазақ әдебиеті мен мәдениетіне өлшеусіз үлес  қосқан дара тұлға Абай Құнанбайұлының  175-жылдық мерейтойы .

Осы орайда, Қазақстан Республикасының Президенті Қасым-Жомарт Тоқаев ұлы Абайдың 175-жылдығын атап өту жөніндегі Жарлыққа қол қойды. Сонымен қатар, Мемлекет басшысының «Абай және XXI ғасырдағы Қазақстан» атты мақаласы жарыққа шықты. Аталмыш мақалада қазақ қоғамының рухани өмірінде, ұрпақ тәрбиесінде алар орны ерекше тұлғаның өмірі мен шығармашылығының мәні кеңінен сөз етіледі. Президентіміз өз мақаласында Абай мұраларының  қазіргі қоғамға қаншалықты қажет екендігін айтады. Абай өмір сүрген заман мен қазіргі уақыттағы адамдардың сана-сезімі, ой-өрісі, өркениеттік даму деңгейі түрлі болғанмен, ұлы ойшыл насихаттаған, өз туындылары арқылы болашақ ұрпаққа жеткізбек болған ойлары, бүгінгі күні де өз құнын еш жоғалтқан емес. Осы орайда біз, бүгінгі жастар, тәлім тәрбиесі тереңде жатқан Абай мұраларының мән мағынасын аша түсініп, өмірден өз орнымызды табу жолында іске асыра білуіміз керек. Қараңғы қазақ қамын жеп қартайған -Ұлы Абай атамыздың өкініш-мұңының ортын толтыра алардай оқу-білімге, ерінбей адал еңбек етуге құштар болуымыз керек. Сонда ғана мызғымайтын Мәңгілік елдің кірпіші болып қалана аламыз.

Дана да, дара Абай атамыздың мол мұрасының өзектілігін, рухани қажеттілігін түсінетін көкірегі сезімді, тілі орамды жастарымыздың қатары арта берсін!

Орындаған: С. Сейфуллин атындағы жалпы орта мектебінің 5^Бсынып оқушысы Сапар Аяулым Айбекқызы

Жетекшісі: Қазақ тілі және әдебиеті пәнінің мұғалімі Бекмырзаева Балнұр Бердалықызы