Бас ақынға арнау

Ардақты алты Алашқа атың Абай

Қаладық мол мұраңнан алтын сарай.

Қалдырған қырық бес сөз, ғибадатты

Қадірлі қазақ үшін хакім Абай.

Бес асыл іс өзіңіз тізіп берген,

Санасында ұл- қыздың ізіңе ерген.

Қашықтап өзің айтқан бес дұшпаннан

Келеді өркен жайып бүгінгі өрен.

Деген едің ойын арзан, күлкі қымбат,

Жас ұрпақ әр сөзіңді үлгі қылмақ.

Ізіңнен ақын болып ерер болсақ

Жүрерсің желеп- жебеп, әркез қолдап.

Қалың елің, қазағың, қайран жұртың,

Қара өлеңнің қадірін ұғынды ұлтың.

Қазақ пенен Абай деген егіз ұғым

Бұзды ғой надандықтың қара құлпын.

Ғылым таппай деуші едің мақтанбаңыз,

Біз бүгін өзіңменен мақтанғанбыз.

Қара өлеңнің ошағын жағып берген

Хәкім Абай жастарға атың аңыз.