Абай Құнанбаевқа арнау өлең

Ұлы Абай рухымен сырласу

Ұлы Абай әлемге даңқың асқан,

Қазақтың даласына шуақ шашқан.

Өнер менен білімді үйреттіңіз,

Қараңғы қазағымның көзін ашқан.

Қазақты жер жаһанға паш еттіңіз,

Халқымның даналығын көрсеттіңіз.

«Қалауын тауып қар жаққан» надандарға,

Дұрыс жолды көрсетіп, сыр шерттіңіз.

Асқақтайды есімің заңғар көкке,

Қалдырған мұраларың қалмас текке.

«Асықпай жүріп, анық басқан шәкірттерің»,

Өзіңді оқып, әрқашан алғы шепте.

Бізге үлгі даналыққа тұнған тұлғаң,

Сусындаттың маржан теріп сұлу жырдан.

Қазақтың маңдайына біткен жұлдыз,

Өзіңдей ақын бар деп мақтан тұтам.

Фәлсафалық ойларың – жанған шырақ,

Әр сөзіңді түсінем оқып ұзақ.

Аудармашы, ұлы ойшыл, дана Абай,

Өсиетің – таусылмайтын қайнар бұлақ.

Абай үні – «қалғыған тауда жаңғырып»,

Абай үні – «желсіз түнде ай болып»,

Санамызда мәңгі есте қалады,

«Қаламқасқа сәлем айтып, ән болып».

Абай үні жүректерге конактап,

«Толық адам болыңдар» деп сараптап,

Асыл сөзін мұра етіп қалдырды –

«Адал термен, еңбектеніп ақша тап».

Бүгінде елің ағылшын тілін меңгерген,

50 елмен теңестірді иығын.

«Баяғы жартас», өзіңіз айтқан, өзгерген,

Экспоға қойды қара қазақ бүйымын.

Жастарымыз шетелде білім алуда,

Бас тартты және ядролық қару алуға.

Абай ата, елің бүгін тәуелсіз!

Өз туы бар, әнұранын салуда!

Абай ата, өзгерсе де бұл заман,

Қазағымның дәстүрі,тілі діні аман!

Өзіңіздей ұлы ақынды дәріптеп,

Ұмытпаймыз есіміңді ешқашан!