«Адал азамат – ұлт болашағы»

«Ұлттық ойын – ұлттық тәрбие құралы»

Қостанай қаласы №16 балабақшасында «Адал азамат» біртұтас тәрбие жобасы аясында балалармен ұлттық тәрбиеге негізделген ойын – «Ханталапай» өткізілді.

Мақсаты– балаларды адалдыққа, әділдікке, достық пен шынайылыққа тәрбиелеу, ұлттық ойын арқылы ой-өрісін, жылдамдық пен ептілік қабілетін дамыту.

Ойын басталмас бұрын тәрбиеші балалармен адалдық, әділ ойын, бір-біріне көмектесу туралы қысқаша әңгіме жүргізді. «Адал азамат қандай болу керек?» деген сұраққа балалар белсенді жауап беріп, шынайы ниеттерін білдірді.

«Ханталапай» ойыны кезінде балалар асықтарды тез жинауға тырысты, бірақ ең бастысы – ережені бұзбай, адал ойнау болды. Тәрбиеші әр баланың әрекетіне назар аударып, жақсы мінез көрсеткендерді мақтап отырды.

Ойыннан кейін балалар өз ойларымен бөлісіп, «Адал болу – дұрыс жол», «Досыңа көмектесу – жақсы іс» деген пікірлер айтты.

Қорытынды: «Адал азамат» бағыты аясында өткізілген ұлттық ойын – тәрбиелік мәні жоғары, рухани құндылықтарды дарытатын шара болды. Мұндай іс-шаралар арқылы баланың бойында адалдық, әділдік, сыйластық сияқты қасиеттер қалыптасады.

Жусупова Жанар

№16 бөбекжайдың тәрбиешісі,

Қостанай қаласы.