Адамдардың табиғатсыз күні жоқ бастауыш сынып

«Адамдардың табиғатсыз күні жоқ,табиғаттың мұны айтуға тілі жоқ!»сахналық қойылым.

(Әдемі әуен қосылып тұрады)

Табиғат аясы.Жайқалған гүлдер,күлімдеген күн,құстар үні.Бір бала табиғат аясында қуана ,шаттанып билеп жүр.Мына өлең шумақтарын қайталауда:

Қайырлы күн, күнім, далам, орманым,
Қайырлы күн, гүлім, құсым, көлдерім.
Қайырлы күн, өсімдіктер, жәндіктер
Қайырлы күн, бар тіршілік иесі!

Айналасында гүл болып киініп алған қыздар айналып билеп ,шаттануда.

ОЛ құстарға ұя жасап іледі де: Айдын көлде аққу қандай әдемі
Сұңқар құстың самғағаны әдемі
Даланы әнге бөлеген құстарым қандай әдемі
Мөлдіреген көздері киігім қандай әдемі-деп әндетіп,құстарға мейірлене қарайды.

Бір кезде бір сотқар бала шығады.Ол жан-жағындағы гүлдерді жайпап,құстарды атып,ағаштың жапырақтарын жұлады.Мұны көрген ақылды бала шошынып,сотқар баланың қасына келеді.

-Сәлем! Танысып қояйық.Атың кім болады?

-Сотқарбек. Сенің қандай шаруаң бар менің атымда?

-Менің атым Ақылбек.Танысқаныма қуаныштымын! Ал ,сен үйіңде де барлық заттарды сындырып,бүлдіресің бе?Ата-анаңды,бауырларыңды қол жұмсайсың ба?

-ЖООҚ. -Балалар,айтыңдаршы!Сотқарбек дұрыс жасап жатыр ма?Табиғатқа қол жұмсауға бола ма?Сендер де осылай жасайсыңдар ма?

-Ендеше,мына табиғат та сенің үйің.Ал,жан-жануар ,өсімдіктер сенің бауырларың.Егер табиғат болмаса,ауа,жылу,тамақты қайдан алар едің ,А?

-КЕшір,Ақылбек!Кешіріңдер ,балалар! Мен енді олай жасамаймын!

Ақылбек:Табиғат, сен тіршілік, тұнып тұрған,
Сен Күнсің көтерілген күліп қырдан.
Сен көлсің, сен ормансың, сен бұлақсың,
Адамға сұлулықты шын ұқтырған

Сотқарбек:
Табиғат егіз адаммен,
Ұқсастық табам содан мен,
Мәңгілік болсын егіздер,
Жер — Ана, көл, теңіздер.

Екеуі бастарын иіп,сахна артына кетеді.