Қызылорда облысы,Жаңақорған ауданы,

Қожакент ауылы И.Әбдікәрімов атындағы №168 орта мекетбінің

жанындағы «Ақниет» шағын орталығының

тәрбиешісі Карарова Жулдызай Балтакожаевна

Білім беру саласы: «Коммуникация» 

Ұйымдастырылған ашық оқу қызметі: «Драма»

Тақырыбы:  «Адасқан құмырсқа» ертегісі

Мақсаты: Таныс сюжеттер бойынша ертегілерді драмалау, достық қарым-қатынас және өзара көмек көрсету дағдыларын қалыптастыру.

Көрнекілігі: үстел-үсті театры,суреттер

Әдіс-тәсіл: сұрақ-жауап,әңгімелеу,драмалау

Оқу қызмет кезеңдері:

1.Мотивациялық қозғаушы кезең

2.Іздену-ұйымдастырушы кезең

3.Рефлекцивті коррекциялаушы кезең

4.Тәрбиешінің әрекеті

5.Балалардың әрекеті

-Балалар қазір жылдың қандай мезгілі?

-Күз айларын атаңдаршы балалар?

-Күзде жердің беті қандай күйде болады?

-Күздің тағы қандай ерекшеліктерін білесіңдер ,балалар?

-Далаға,көшеге шыққан кезде нелерді байқайсыңдар?

-Жоғарыдан нелерді көресіңдер,ал төменнен нелерді,кімдерді байқайсыңдар?

-Аспаннан құстардың ұшқанын, жерден

адамдар,жануарлар,жәндіктерді көреміз.

-Бұлар табиғаттың бізге берген сыйы, екен балалар.

-Ендеше, мен сіздерге жұмбақ жасырғым келеді,жұмбақ тың жауабын кім тез табады балалар?

Жұмбақ жасыру.

2.Қиналып көтеріп,өзінен ауырды.

Жорғалап кетеді,жүкшідей кәдімгі.

Кіріспе әңгіме

-Балалар,бүгін біз «Адасқан құмырсқа» ертегісімен танысамыз.Ертегіні мәнерлеп, нақышына келтіріп оқып беру.

Б аяғыда бір құмырсқа өзінің бауырластарына өкпелеп,өз илеуінде тобынан бөлініп, сол маңдағы ара, қоңыз секілді жәндіктермен дос болыпты.

Жем іздеп шыққан құмырсқа жол үстінен бір дән тауып алыпты. Жалғыз өзі әрі-бері әуреленіп, дәнді орнынан қозғалта алмапты. Сонан соң көмек сұрау үшін әлгі қанатты достарын іздейді.

Бір уақытта гүлден-гүлге қонып, шырын жинап жүрген араға жолығады

– Досым, бір дән тауып алып едім, жалғыз өзім көтере алмағаным. Маған көмектесіп жіберші, – деп өтінеді.

– Көрмей тұрсың ба, мен де жұмыс істеп жатырмын ғой, – деп, ара көнбей қойыпты. Солайы солай ғой, мейлі деп, құмырсқа әрі жүріп кетіпті. Ол енді қоңызды тауып алады.

Ол мән-жайды айтып, көмек сұрапты.

– Сен үшін өз еңбегімді еш қыла алмаймын, – деп, қоңыз ызыңдап ұшып кете барады.

Достарынан күдер үзген құмырсқа мұңайып қайтып келе жатады. Жолда өзінің илеулестерімен ұшырасып қалады. Олар мұның түрін көріп:

– Не істеп жүрсің? – деп, жөнін сұрайды.

Жалғыз құмырсқа өзінің басынан кешкенін айтып береді:

– Жалғыздық деген сол, – деп, илеулестері жұбатады да құмырсқаның дәнін көтерісіп, әрі алып кетеді. Құмырсқа үйіріне қайта қосылады.

«Жаңа достың қадірі ескі досқа жетпейді» деген екен сонда бір кәрі құмырсқа.

Сұрақ-жауап

-Ертегі қалай аталады?

-Құмырсқаға бал ара мен қоңыз көмек көрсетті ме?

-Құмырсқа қандай жәндік?

-Көрдіңдер ме,балалар,құмырсқаның өз илеуіндегі достары бір-біріне көмек көрсетіп,осындай ауыр сәтте қиындықты бірге жеңіп шықты.Ендеше сендер де, балалар,бір-бірлеріңе мейірімді,қайырымды болып өсулерің керек.

Дид-қ ойын:«Құмырсқаның илеуіне жолды тап»

Қортындылау.

* «Жолдасы көптің,олжасы көп”

* “Әрқашан тілектес,досыңа көмектес” деген мақал осыдан қалған екен балалар.Балалардың жауаптарына баға беріп,мақтап,мадақтау.Балаларға жұлдызшалар тарату.

Күтілетін нәтиже:

Нені білді: әңгіменің мазмұнын біледі; 

Қандай түсініктерді игереді: өз ойларын еркін айта білуі; 

Меңгерген дағдылары мен іскерліктері: көмектесу арқылы бір-біріне көмек көрсете білу,адамгершілік,мейірімді қасиеттерді бойларына сіңіру.