Әдебиеттік оқу

Оқушының аты-жөні:___________________ Күні: __________

«Өнер» ортақ тақырыбы бойынша жиынтық бағалау №5

Сөйлеу әрекетінің түрлері

Тыңдалым және айтылым, жазылым

Оқу мақсаты

3.1.2.1 Шығарманың мазмұнын бірлесе құрастырған жоспар бойынша немесе өз сөзімен толық,

таңдауына қарай мазмұндау, сахналау

3.1.5.1 Өз ойы мен сезімін көркем-бейнелі сөздерді қолдана отырып жеткізу

3.2.5.1 Көркем шығармадағы оқиғаның басталуын, дамуын және аяқталуын анықтау

Бағалау критерийі Білім алушы

-Мәтінге жоспар құрады

-Мәтіннің мазмұнын жоспар бойынша айтады

-Сөйлеу барысында көркем сөздерді қолданады

- Мәтіннің құрылымдық бөліктерін (басы, ортасы, соңы) ажыратады

Ойлау дағдыларының Қолдану

деңгейі

Орындау уақыты 20 минут

1-тапсырма

Мәтінді мұқият тыңда. Тапсырмаларды орында.

Қоңырау соғылды. Шымылдық ашылды. Сахнаға әнші Әміре шықты. Басында

оюлы тақия, үстінде жеңіл шапан, қолында домбыра. Өзге шығушылардан оның киімі

де, түрі де, жүріс-тұрысы да өзгеше еді. Ол әуелі халыққа ізет көрсетіп, басын иді. Шеті

түпсіз көрінген кең залға қарады. Домбырасын күйлеп алды да, «Қанапия» әнін айтты.

Зал тым-тырыс болды. Әміре кісіге емес, әнге айналды. Ән салса ол өзін-өзі

ұмытады, әннің әуеніне беріледі. Оның ерекше күшті, ашық даусы Еуропа

тыңдаушыларын қатты таңдандырды. Әннің аяғын созып барып, домбыраны желпіндіре

бітіргенде, тілдің керектігі болмады. Ән аяқталғанда, сүйсініп отырғандар қайран

қалысты. Ән тым тез біткендей.

Ұйып тыңдаған халық әнші орнынан тұрып, бас игенде ғана ду қол шапалақтады.

Залдан «бис…бис…» деген дауыстар жамырай естіліп жатты.

Мәтін кім туралы? _______________________________________________

______________________________________________________________________

Мәтіннің басын, ортасын, соңғы бөліктерін тауып, қоршап сыз.

Сұрақтардың көмегімен мәтінге жоспар құр. Кестеге жаз.

Сұрақтар	Жоспар
Сахнаға кім шықты? Ол не істеді?	1)
Тыңдаушылар қандай күйде болды?	2)
Халық әншіге қандай қошемет көрсетті?	3)