Ағаш ою технологиясы

Ертеде шеберлер бұйымдардың көпшілігін ағаштан ою, шабу арқылы жасаған. Мысалы: домбыра, қобыз, ер-тоқым, келі-келсап, ыдыс-аяқ, қасық, шөміш, астау т.б Бұл бұйымдардың барлығы мүсіндеу өнерімен өте тығыз байланысты. Өйткені ағаштан бірден ойған кезде қателіктер көп кетеді. Мысалы: қасық тігінен ойылмайды, оның басы қайқы келеді. Бұрын қолөнер шеберлігіне қажетті ағаштың бәрін шеберлер тікелей өз қолымен даярлаған. Оларды дер кезінде кесіп, мезгілінде кептіріп отырған.Қазіргі кезде ағаш өңдеу жұмысы механикаландырылған эл. ара, эл. сүргі, эл. бұрғы т.б жатады. – Сендер ағашпен жұмыс істеу үшін оны кесуді, шабуды, тегістеуді, өңдеуді,ішінара қашауды үйрендіңдер, ал бүгін сызба арқылы ойып, өнер салуды үйренесіңдер. Қасық ою. Кішкентай шай қасық отыз-отызбес мм қатты ағаш бұтағынан ойылады. Егер ол жаңа су ағаш болса, өңдегенге де, ойғанға да жеңіл болады. Қасық құрылымын жақсы игергеннен кейін, ол ою тез әрі сапалы орындалады. Бұтақ кесіндісі сыртқы қабығынан тазартылып, қарындашпен қасық бейнесі сызылады. Оны қысқышта өңдейді. Жоба сызығына дейін араланып, өткір пышақпен сызыққа дейін алынады. Содан соң қасықты іші науаша ыңғырумен ойылады, содан кейін сырты өңделеді. Дайын болған соң, оның сабы өңделеді. Су ағаштан жасалса, өңделген бұйымның пішінін бормен тұмшалап жағып қою керек.Борды ауа өткізбейтіндей етіп, қою жағылуы тиіс. Ол көленкеде үш-төрт күн кептіріледі. Қасықтың кепкенін бордың шытынауына қарап анықтайды, егер ол ағаштан еркін ажыраса, оны бордан тазалап, егеумен өңдейміз. Толық кепсе, оның жаңқасы тез алынады. Нақты өлшемге дейін өңделіп, тазаланып, әрленеді. Зімпара қағазымен тазалап, лакталады. Кеппесе бор екінші рет жағылып, толық кептірілуі тиіс. Жасалу технологиясы осындай. « Домино » ойыншығын даярлау. Доминоны ағаш қалдықтарынан жасауға болады. Доминоның қалыңдығы он мм-дей болған жөн. Бөлшектерді өлшеп, белгілеп, өңдеп бетіне өрнекті күйдіріп басады. Доминоны лактап, рең береді. Сонымен бұл ойншықты іні-қарындастарыңа сыйлық ретінде ұсынуға болады. Доминода нүктелер жазылады. Дайындама сыртына бедерлеп ою үшін геометриялық ою сызбасы орындалады. Үлгі сызбалар арқылы түсіндіріп өтемін.