Ағашты кесумен механикалық өңдеудің негізгі әдістері

Ағаш биологиялық, механикалық немесе химиялық әсерге ұшырауы мүмкін органикалық, өсімдік текті кеуек материал болып табылады. Ағашты биологиялық өңдеу - сапасы төмен ағаш пен миллиондаған тонна әртүрлі ағаш және ауылшаруашылық қалдықтарын аса маңызды өнім - азықтық ақуыздық ашытқыларға айналдыру, сондай-ақ этил спирті, фурфурол, ксилит өндіру. Ағашты биологиялық өңдеу ауылшаруашылық өндірісін микробиологиялық синтездің бағалы өнімдерімен қамтамасыз етеді. Ағашты механикалық өңдеу - ағаштың өзі өзгермй, көлемі мен формасы өзгеретін өңдеу. Ағашты мұндай өңдеу ағаш заттегі өзгеретін химиялық өңдеуден ерекшеленеді. Ағаш материалдардың басым көпшілігі талшықтар арасындағы байланыстың бұзылуымен өңделеді. Ағашты бұлай өңдеу бөлінушілік қасиетіне негізделген және негізінен кесумен өңделеді: аралаумен, сүргілеумен, жонумен және т.б. Талшықтар арасындағы байланысты бұзбастан өңдеу баспақтау,майыстыру айтарлықтай сйрек қолданылады. Бұл кезде ағаштың иілгіштік қасиеттері, яғни сыртқы күштердің әсер етуі тоқтағаннан кейін оған берілген түрдің сақталу қабілеті пайдаланылады. Алайда ағаштың иілгіштігі металл сияқты материалдардың иілгіштігімен салыстырғанда өте төмен, осыған байланысты бұл қасиет ағашта аз дәрежеде ғана пайдаланылады. Ағашты химиялық өңдеу- ағашқа әртүрлі химиялық қосылыстармен әсер ету процесіндегі өңдеу. Ағашты химиялық өңдеу бірнеше өндірісті біріктіреді: целлюлозақағаз өндірісі- қағазы бен картон өндірісі; гидролиз өндірісі; ағашпиролизі құрғақ айдау ағаш көмірін, метил спиртін, сірке қышқылын, фенолды шайырлар, әртүрлі органикалық еріткіштер береді; канифолъ- скипидар өндірісі канифолъ, скипидар алуға мүмкіндік береді, олар лак және бояу, парфюмерия және дәрі- дәрмектік өнеркәсіпте пайдаланылады.