Әйгілі модельер-дизайнер Версаченің өлімі

1977 жылы Майамиде өз үйінің маңында әлемге әйгілі Джанни Версаченің мәйіті табылды. Осыған дейін таңғы газетті алып келуді көмекшісіне тапсыратын Версаче қаралы 15 маусым күні газет алуға өзі шығу туралы шешім қабылдайды. Осы шешімі өлімге алып келгенін қазір білетін біз үшін – бұл расымен сенгісіз жағдай. Газет алардың алдында таңғы кофе ішу үшін кофейняға кірген Версаченің түры уайымға толы болған көрінеді. Кофейняның иесінің айтуы бойынша «өмірінің соңғы сағаттарын өткізіп жатқанын сезген сияқты».

Джанни үйіне қайтып келіп, кілтпен есікті ашып жатқанда 27-жасар қанішердің құрбаны болады. Осыған дейін бірнеше адамның жанын алған Эндрю Кьюненен – іздеу салынып жатқан қылмыскердің бірі еді. Ол модельерге қарай бірнеше рет оқ атып, оқиға орнынан тайып тұрған көрінеді.

Құрбанның мәйітін оның ғашығы Антонио Д’Амико тауып алады. Тауып алған сәтінде Джанниді құтқару мүмкін емес болады.

Қанішер Кьюнененнің не себеппен модельерді өмірінен айырғаны әлі белгісіз. Жігіттің гомосексуал болғаны белгілі, гей-клубтарда жасы біразға келіп қалған ер адамдармен материалдық көмек алу мақсатында танысқан. Тергеушілер де жасы келіп қалған гомосексуал Версаче әлемге әйгілі болғандықтан, материалдық жағдайы да жаман емесі анық, сондықтан өлтірудің басты себебі осы деп пайымдайды.

Бірақ қанішерді құрықтау мүмкіндігі ақыры тумады, оған себеп – 1997 жылдың 23 шілдесінде Майами-Бич маңындағы үйлердің бірінде өз-өзіне қол жұмсаған Эндрюдің мәйіті табылды.