Әліппе туралы айтыс

Айзере

Әліппем, сен керексің, мен үшін,

Білімнің аштың міне есігін.

Әріптерді үйретіп көп, оқуды,

Өмірімнің бастайсың сен жеңісін.

Ерзат

Дұрыс айттың, Әліппе – ол қазына,

Жетелейді биік білім тауына.

Әр әріптің мағынасы терең ғой,

Барлығы бар, А-да Я- да мағына.

Айзере

Алғашқы әріп – А деген дауысты,

Оқысаңыз, сөз басталып, ауысты.

Ал сен, Ерзат, Әліппеден не үйрендің?

Айтшы енді, шығарып қатты дауысты

Ерзат

Мен "Ата", "Ана" сөзін жаттадым,

"Бала" сөзі менің ғажап тәтті әнім

Әліппеден не білесің Айзере-ай

Оқуды да, жазуды да, мақтаным.

Айзере

Әліппеміз – жол бастаушы алғашқы,

Үйретеді білімнің ең алғашқы.

Ерзат досым, қымбат бізге әр әріп,

Әріптермен өмір сыры жалғасты.

Ерзат

Дұрыс айттың, досым, мен де қосылам,

Әліппе барда демеймін ғой тосылам

Оқушылар, бәріміз де уәде етейік,

Әліппені өмір бойы сүйейік.