Әл-Фараби атындағы мамандандырылған гимназияның 8-сынып оқушысы Қаниева Би Фатима

Менің сүйікті сыныбым...

Міне, осы оқу жылы да зымырал өте шықты. Осы жылы мектеп қабырғасында көптеген оқиғалар болды: мұңды да, көңілді де. Ал оқушылар ұзақ күткен жазғы демалысқа да жетті. Ал енді, осы оқу жылында қандай қызықтар болды екен?

Ең бірінші, жетістіктерді атап өтейін. Осы жылы біздің сыныптың балалары көптеген жетістіктерге жетті. Байұзақ Арайлымнан бастайық. Ол біздің әнші қыз. Бірақ, сонымен қатар, ол орыс тілі және әдебиетін үздік оқиды. Арайлым осы жылы орыс тілі пәнінен олимпиадаға қатысып, республикалық олимпиадаға өтті. Республикалық олимпиададан ол, өкінішке орай, тек алғыс хат алды. Бірақ “республиқалық олимпиада„ емес пе. Оның өзі үлкен еңбек және жетістік. Ал Махатжанова Азиза мен Жаманшина Меруерт осы жылы қазақ тілі пәнінен ғылыми жобаға қатысты. Олар бірінші қалалықтан 3 орын алып, облыстыққа өтті. Облыстан олар 2 орын алды. Республикалық тест тапсырған кезде, өтпей қалды. Сонымен қатар, Қапаров Ерасыл да физикадан жобаға қатысты. Ол қалалықтан екінші орын алды, өкінішке орай, әрі қарай өтпей қалды. Соған қоса, біздің сыныптың көп оқушысы әр түрлі пәннен олимпиада қатысып, жүолделі орын алды. Әрине, біздің сыныптың жетістіктері бастан асады. Бірақ, оның әрқайсысын айта берсек, тым ұзаққа созылып кетеді.

Енді, мен осы жылы біздің сыныптың қалай көңіл көтергені туралы айтайын. Осы оқу жылында біз сыныппен ең бірінші біз квестке бардық. Қандай қызық болды десеңізші! Негізінде, квест шыныменде қорқынышты болды және соған байланысты, көп бала квесттің кезінде қорқып жүрді. Басында көбісі қорқынышты болмайды деп ойлаған немесе "ой, мен қорықпаймын„ деп ойлаған. Бірақ, шындығына келгенде, көбісі қорықты. Квесттен кейін біз "Керуен ситиге„ жүріп қайтуға бардық. Ол жерде біздің қарнымыз ашқандықтан тамақ жеп алдық. Сонымен қатар, жақында біз қайтадан сыныппен отыруға шығамыз. Бұл жолы "Greenland„-ке. Ол жерде біз тамақ ішеміз, ойнаймыз, күлеміз. Оған қоса, біз су атқылағыш алып келіп, ойнауды жоспарлап отырмыз. Нағыз қызық болайын деп тұр!

Қорытындылай келе, осы оқу жылы керемет өтті. Мен тек сабақ оқып қоймай, сыныптастарым туралы өткен жылға қарағанда көбірек білдім. Оған қоса, көптеген жетістіктерге жеттім. Мен осы оқу жылын және өзімнің 8-сыныбымды жақсы көремін!