Әлемді алаңдатқан әлеуметтік желілер.

Ғаламтор, әлеуметтік желілер... Бұл осы заманның ермегі. Ғаламды шарлаған ғаламтор арқылы ақпарат алып,әлеуметтік желілер арқылы әлеумет жағдайын біліп отырмыз.Ия, пайдасы зор-ақ! Дегенмен,ғаламды өз торына ақырындап түсіріп жатқанын да сезбейміз. «Адам - дүние ажары, дүние - өмір базары» деген нақыл сөз бар қазақта. Дүниені көркейтетін адам - әлеуметтік желінің торына байланып қалуда. Тіпті, бесіктен белі шыға қоймаған балалар ата-анасына «ұялы телефон сатып алып бер» деп жылайды. Әрине, қатарынан қалмасын деп, қаражатын қиып, ұялы телефон сатып алып береді. Бірақ, білсін бе олар өз баласына өздері қиянат жасап жатқанын?! Атам қазақтың ізеттілігі келіннен тараған, қызын-арға, ұлын-нарға балаған. Өткірлігін - қылышқа, намысын - найзаға теңеген. От ауызды орақ тілінен от шыққан, көсемдері мен шешендері көп шыққан халық. Атам қазақ аттан құласа да,салттан құламаған! Сөзді тыңдай білген,саралай білген, сөзге тоқтай білген. Жеңілгенін мойындап,ат шапан айыбын берген. Ал , бүгінгі жастар сөзге тоқтайды ма? Меніңше,бұл сұрақтың жауабы дайын. XXI ғасыр жастары көркем әдебиет, газет-журналдар оқымайды, себебі, виртуальды әлемнің шырмауында. Ал, кітап оқымаған бала сөзді саптай алмайды, тіпті өз ойын дұыстап жеткізе алмайды. Қалта телефонына бағынышты десек те болады. Олар әлеуметтік желілердің құрбаны. Олар өмір сүретін әлем мүлде бөлек . Тек қара түнек... Шынайы өмірге бет бұрып, шынайы өмірдің адамдарына қарап түзелуі керек. Сонда ғана бүкіл әлемді түнертіп келе жатқан қалың тұманнан арыла аламыз. Айнаға қарап емес, адамға қарап түзел! Мен шынайы өмірді қалаймын....

Дайындаған - 8-сынып оқушысы

Файзулайева Айлин

Жетекші - Қазақ тілі мен әдебиеті пәні мұғалімі Д.Айнакулова

Жамбыл облысы, Байзақ ауданы, Н.Гоголь атындағы орта мектеп