Алғыс

Сабақтың тақырыбы: «Ризашылық»

Сабақтың мақсаты: 1.Оқушыларға ризашылқ,алғыс туралы түсінік беру,
үлкен-кішіге деген сүйіспеншілігін ,сыпайылық
қарым-қатынасын дамыту

2.Оқушыларды әдептілікке, кішіпейілділікке, ізеттілікке,сыпайылыққа,достарын құрметтеуге тәрбиелеу.

3.Оқушылардың ойлау,есту,есте сақтау,көру қабілетін жетілдіру.Сөздік қорын молайту,сөйлеу мәдениетін қалыптастыру.

Сабақтың әдіс-тәсілі: әңгімелеу,түсіндіру,сұрақ-жауап.

Сабақтың көрнекілігі: слаид,шар,тақырып,суреттер

Сабақтың барысы:

І Ұйымдастыру кезеңі

-Оқушылардың назарын сабаққа аудару.

Ризамын бүгінге,
Ризамын бүгінге,
Ризамын бүгінге,
Ризамын қазірге!
Ризамын,ризамын,ризамын бүгінге,
Ризамын,ризамын,,ризамын қазірге.

ІІ Кіріспе

-Қазір жылдың қай мезгілі?

-Көктем мезгілдерін ата.

- Алғыс дегенді қалай түсінесіңдер?
-Адам өзінің ризашылығын,алғысын қандай сөздермен білдіреді?
-Сендерге кім қандай жағдайда  алғыс айтты?
-Өздерің қандай жағдайда алғыс айтып көрдіңдер?

Наурыз айының алқашқы күні -1 наурыз –Алғыс айту күні.Бұл күні көктем шығып,адамдар арасындағы өкпе-реніштің бәрі ұмытылып,бір-біріне алғыс айтады.

Алғыс күні аталыпты 1 наурыз

Парыз екен бәріне айту алғыс

Өмір берген ,жан берген,

Аллахыма айтамын мен шексіз алғыс

-Слаид арқылы суретті әңгімелеу.

ІІІ Негізгі бөлім

Сабақтың тақырыбы: «Ризашылық»

Автобус тоқтайтын аялдамаға келдік.Көп ұзамай көк автобус келіп тоқтай қалды.Екі есігі бірден ашылды.Адам көп.Бірі мінсе,бірі түсіп жатты.Алдыңғы есіктен мамам екеумізішке кірдік.-Мұнда отырыңыз деп менен сәл үлкендеу екі бала анама орын ұсынды.-Рақмет балалар!-деді анам отырып жатып.-Мама рақметті не үшін айттыңыз ?-Құрметі мен кішіпейілдігі үшін.Сен де солардай бол!Үлкендерді құрметте.Сонда үлкендер саған да рақмет айтып,алғысын білдіретін болады.

Алғыс-біреудің екінші біреуге ықыласын білдіруі,қимыл,іс-әрекет ,заттай сыйлықберу,тіпті жақсы қарым-қатынас түрінде де білдіруге болады.Әркім Алғыс алу арқылы өзінің басқалармен қарым-қатынасын ,өмірдегі орнын бағалай алады.Қазақ халқының ұғымында неғұрлым көп алғыс алған адам бақыттыт болады «Алғыспен ер көгерер» деген мәтел соған меңзейді.Алғысқа қарсы мағына –қарғыс.Алғыс айту-бұл ең алдымен елімізде тыныштық пен үндестік және өзара сенімділік пен құрмет көрсету яғни күрделі заманда иық тіресе бірге еңсеріп,қысқа мерзім ішінде сол баяғы сенің жан дүниеңдегі аласұрып лаулап өртеніп жатқан қиыншылықты бірге арқалап ,алдыға жетелеп,әрдайым жаныңның жаршысы ,жылы лебіз сөзін тілге тиек етуі деп білемін.Ризашылық адамның басқа адамнан көрген жақсылығы ,көмегі,көңілі үшін қанағаттанушылық және алғыс білдірушіліқ қасиеті.Алғыс-адамның адамға жасаған жақсылығы,көмегі,көңілі үшін ризашылық білдіріуі,сондай ақ оның ойы мен іс-әрекетіне жоғары баға беруі.

-Пысықтау сұрақтары

Ойын: «Тамшы-тамшылар»

Ойын шарты: Сұрақтарға жауап беру арқылы қолшатырға тамшы жапсыру.Қай оқушы көп жауап берсе марапатталады?

-Бүгінгі сабақтың тақырыбы қалай аталады екен?

-Әңгімеде кімдер туралы айтылған?

-Анасы мен баласы неге отырды?

-Анасына орынды кімдер берді?

-Анасы не деп рақмет айтты?

-Баласы не деп сұрады?

-Анасы не деп жауап берді?

Сергіту сәті: Көңілді күн

IV Қорытынды

-Бүгінгі сабақтың тақырыбы қалай аталады?

-Бүгінгі сабағымыз не туралы болды?

Балалар,жылы сөз,қайырымды іс,жақсы ой,кіршіксіз сезімдеріңді ешкімнен ешқашан аямаңыздар. «Рахмет» деген қасиетті сөзді жиі айтыңдар.Адам алғыс пен ризашылықты естіген сайын,жақсылық жасағысы келіп тұратынын есте сақтаңдар.Өмірдің әрбір сәтін бағалай білуге үйреніңдер және Табиғат –Анаға мейірімді күні үшін ,көңілді жаңбыры мен ақ қары үшін,жұмсақ ақ ұлпа бұлты үшін,жақын адамдарға қайырымдылығы мен риясыз махаббаты үшін алғыс айтуды ұмытпаңдар.

V Бағалау

-Оқушылардың білім деңгейіне қарай мақтап-мадақтау