Алғысым шексіз

Тақырыбы: «Алғысым шексіз!»

Мектеп: Шымкент қаласы химия-биология бағытындағы Назарбаев Зияткерлік мектебі

Уақыты: 25.02.2025 ж.

Тәрбиеші: Қалдыбаева А.Т

«Болашақ» тобы

Қатысқан оқушылар саны:

Қатыспағандар:

Мақсаты: 

Оқушыларды әдептілікке, кішіпейілділікке, ізеттілікке, үлкен-кішіге деген сүйіспеншілікке тәрбиелеу; «Алғыс айту күні» ұғымының мағынасын ашу, ризашылық пен алғыс туралы түсінік беру.

Көрнекілігі

Интерактивті тақта, өлең, презентация, маркерлер

Тәрбие сағатында қамтылатын білім беру құндылықтары

• Құрмет

• Ашықтық

• Адалдық

• Отбасылық құндылықтар мен дәстүрлер

Құндылықтар

• «Skillfolio» курсынан  алынған тәжірибені қолдану;

• Тарихтың, мәдениет пен тілдің ортақтығы.

Ресурстар

Интернет ресурстары, слайдтар, бейнежазбалар

Жоспар

Уақытты жоспарлау

Тәрбие сағаты барысы

Басы

Тақырыпты ашу

5 мин

Жаңа білім

10 мин

Ортасы

20 мин

Сәлемдесу.

Үлкенге де сіз,

Кішіге де сіз,

Сәлем бердік сіздерге

Құрметпенен біз.

Психологиялық дайындық.

Бір, екі, үш,

Сынып іші тып-тыныш.

Жалқаулықты тастаймыз,

Сабақты біз бастаймыз.

Жарайсыңдар, балалар, олай болса тәрбие сағатымызды бастайық.

Қызығушылықты ояту. Бүгінгі сабағымызды бастамас бұрын, төмендегі сұрақтарға жауап берейік.

• Алғыс дегеніміз не?

• Алғыс айту неліктен маңызды деп ойлайсыңдар?

• Айналамыздағы адамдарға қаншалықты жиі алғыс айтамыз?

• Сендерге кім, қандай жағдайда алғыс айтты?

• Өздерің соңғы рет кімге, не үшін алғыс айттыңдар?

Алғыс – адамның адамға жасаған жақсылығы, көмегі, көңілі үшін ризашылық білдіруі, сондай-ақ оның ойы мен іс-әрекетіне, жасаған істеріне жоғары баға беруі.

Алғыс айту күні – Қазақстан халқын мәңгілікке біріктіруге бағытталған «Мәңгілік Ел» жалпыұлттық патриоттық идеясының, қазақстандық бірегейліктің негізгі арқауы – еліміздегі барлық ұлт пен ұлысты бір шаңырақ астына топтастыратын Қазақстан халқы Ассамблеясының күні.

2016 жылғы 14 қаңтарда Қазақстан Республикасының Президенті Н. Ә. Назарбаев Қазақстан халқы Ассамблеясының құрылған күні 1 наурызды елімізде Алғыс айту күні деп жариялап, № 173 Жарлыққа қол қойды. Қазақстан халқы 2016 жылы тұңғыш рет Алғыс айту күнін атап өтті.

Жалпы «Рахмет!» сөзі ағылшын тілінде «thank you», испан тілінде «gracias», украин тілінде «спасибі», қырғыз тілінде «ыракмат», француз тілінде «merci» деп аударылады екен.

Қазір барлығымыз бірге Әнуарбек Дүйсенбиевтің «Не деу керек?» өлеңін оқиық.

Апаң сенің базардан

Алма сатып әкелді.

Ең үлкенін жақсысын

Саған таңдап әперді.

Не деп барып жеу керек?

«Рахмет» деу керек.

- Балалар жүр көшеде

Естіледі айқай - шу.

Сен де шықтың көршіңді

Қағып кеттің байқамай.

Мұндайда не деу керек?

«Кешіріңіз» деу керек.

- Әжең сенің түскі асқа

Қант - кәмпит салды мол.

Жұрттан бұрын ыдысқа

Өз бетіңмен салдың қол.

Жөн еді не айтқаның?

«Рұқсат па» деу керек.

- Добын апар Назардың

Деді ағаң, бармадың.

Тапжылмадың, сазардың,

Аға тілін алмадың.

Сен қай сөзді айтпадың?

«жарайды» деу керек.

«Жақсылық қылсаң өзіңе» бейнеролик тамашалау. https://youtu.be/MaiaXJbl7pY?si=WyasKl8Nm7JTgNLp

«Алғысым шексіз!» ұялы телефон арқылы сөйлесу сәті. Қазір біз тікелей байланысқа шығып, келесі адамдарға алғыстарымызды айтайық.

1. Президентке алғыс

2. Мұғалімге алғыс

3. Мектеп қызметкерлеріне

4. Досына алғыс

5. Ата-анаға алғыс

«Автограф» ойыны. (Әр оқушыға артына қағаз бекітіледі. Осы қағазға басқа оқушылар алғыстарын жазуы қажет)

Қорытынды

5 мин

Оқушылар, жақсылық пен алғыс егіз ұғым. Адам алғыс пен ризашылықты естіген сайын, жақсылық жасағысы келіп тұратынын есте сақтаңдар. Өмірдің әрбір сәтін бағалай білуге үйреніңдер және Табиғат – Анаға мейірімді күні үшін, көңілді жаңбыры мен ақ қары үшін, жұмсақ ақ ұлпа бұлты үшін, жақын адамдарға қайырымдылығы мен риясыз махаббаты үшін алғыс айтуды ұмытпаңдар.

Кері байланыс

Іс-шарадан алған әсерлерімен бөліседі.