Тақырыбы : Қош бол, құтты Әліппе !

Мақсаты : Әліппені аяқтауды салтанатты түрде атап өту.

Көрнекілігі : шарлар, суреттер, нақыл сөздер

Барысы:

І Ұйымдастыру бөлімі

(патша сарайының уәзірлері мен ханшайымдары ертегілер әлемінің табиғатын тамашалап келеді.)

1 уәзір: Нұрлан

Уа, уәзірлер , қараңдаршы ! Үлкен мереке болғалы жатыр ғой деймін , көп қонақтар отыр.

2 уәзір : Рамазан

1 – сыныпта үлкен қуаныш екен, «Әліппемен қоштасу ертеңгілігі болады» деп естідім.

3 уәзір: Абдулла

Ой , неге тұрмыз, патшамызға хабарлайық !

Ханша : Дильназ

Уәзірлер , қараңдаршы ! Осында патшамыз да келе жатыр

Уәзірлер :

Патшамыз, төрлетіңіз, отырыңыз.

Патша : Бекнұр

Уа, уәзірлерім , ертегі әлемінде не болғалы жатыр ?

1 уәзір : Нұрлан

Қымбатты патшамыз , бүгін 1 – сыныптың ертегілер келіне келіп ән айтып, би билейтінін , Әліппемен қоштасатынын , сауаттарын ашып, әріп танып алғандарын ұзынқұлақтан естідік .

Патша : Бекнұр

Не дейді ? (ашуланып қолындағы алтын таяғын 2- рет қатты ұрып) Осыны ұйымдастырған кім екен , шақырыңдар !

Уәзірлер:

Құп, тақсыр ! (екі уәзір ұйымдастырушыны қолдарынан жетектеп ортаға патшаға әкеледі)

1-жүргізуші : Иә , білім патшасы , кешіріңіз. Сіз бүгін бізді тоқтата алмайсыз. Менің достарым сенің еліңнің барлық әріптерін танып , біліп, үйреніп, жазып оқи алатын жағдайға жетті. Осы қуанышымызды дүйім жұрттың алдында паш етеміз . Одан да ашуыңызды басып 1- сынып оқушыларының өнерлерін тамашалаңыздар. Мерекемізді бастауға рұқсат етіңіздер.

Патша : Рұқсат,рұқсат, жас бүлдіршіндер ертегілер әлемінде өнерлерін көрсетулеріне қарсы емеспін.

2 – жүргізуші : Рахмет білім патшасы!

Тыңдаңыздар ! Тыңдаңыздар !

Естімеген естіңіздер,

Тыңдамаған тыңдаңыздар,

Қазір бізде «Әліппе тойы» басталады.

1. Жүргізуші:

Нұрлы үмітін арқалаған арқаға,

Жан сәулесін тарататын баршаға

Шын пейілмен құрметімізді көрсетіп,

Бүлдіршіндерді шақырайық ортаға.

Мұғалім : Құрметті ұстаздар, ата-аналар, ата-аналар ,оқушылар , қонақтар, бала- біздің болашағымыз, еліміздің ертеңгі ел тізгінін ұстар ұрпағымызды жақсылыққа баулу, бойына ізгілік нұрын, білім шуағын беру – ұстаздың міндеті.Барлық ғылымның атасы, алғаш хат танытып, сауатымызды ашқан біздің жақын досымыз Әліппемен қоштасқалы отырмыз.

Өсті міне бойларың,

Өсті міне ойларың

Қуанышқа ортақпын

Құтты болсын тойларың!

2-жүргізуші : Бар білімнің бастауы

Бар ғылымның бастауы,

Жас балаға нұр шашқан

Әліппе кітап тіл ашқан.

1-жүргізуші : Олай болса «Рахмет сізге, сүйікті Әліппем!» атты ертеңгілігімізді ашық деп жариялаймыз.

Шашу , шашу шашыңдар,

Ақ сандықты ашыңдар.

Бұл мереке, бұл тойдың

Бастаңғысын жасаңдар.

Шашу, шашу шашылсын!

Ән : «Мектебім»

2-жүргізуші:

Балалар, мына музыка сендердің естеріңе ешнәрсе түсірмей ме ?

1. оқушы : Фарида

Иә, менің есімде алғашқы мектепке келгеніміз бірінші қыркүйекте мектеп есігін ашып, алғашқы ұстазымызбен танысқанбыз.

1жүргізуші: Ендеше сол ұстаздарға рахметтерімізді , ризашылықтарымызды айтайық.

2 оқушы: Сабина

Сипадыңда басымнан

Әліппені ұсындың

Бақытымның осыдан

Басталғанын түсіндім.

3 оқушы: Аман

Келгенімде алдыңа

Қызыл арай гүл алып

Жақын тарттың жаныңа

Шәкіртім деп қуанып

4 оқушы: Гүлімай

Пай , пай, пай

Ұстаздар неткен ер!

Білім нұрын сепкендер,

Ұрпақ үшін қашанда

Аянбай төккен тер

Халықтың баласын

Мейіріммен өпкендер

Ей, адамдар,

Сол ұлы ұстаздың

Алдынан бас иіп өтіңдер!

5 оқушы: Еркін Аделя

Біз бүгін шексіз қуаныштымыз

Өйткені алғаш қолымызға ұстап

Хат танытып, сауатымызды ашқан

Әліппені бітірдік.

6 оқушы : Айнагуль

Еркесі едім әкемнің

Еркесі едім анамның

Толып биыл жетіге

Мен оқушы атандым.

7 оқушы : Дильназ

Анамызды сыйлаймыз

Үйдің ішін жинаймыз

Бұрынғыдай бұртиып

Ашуланып тұрмаймыз

8 оқушы : Дильяра

Елімдегі атақты

Ғалым ата не тапты?

Бәрін – бәрін білесің ?

Оқи берсең кітапты

Хормен : Ата-ана сізге рахмет !

1. Жүргізуші: Бүлдіршін достарымызға жұмбақ жасырсақ қайтед?

2 жүргізуші :

Жасырсақ , жасырайық

Бар білімнің бастауы

Бар ғылымның бастауы

Жас балаға нұр шашқан

Қандай кітап тіл ашқан ?

Хормен : Әліппе

Әліппе :

Армысыздар, жас достар,

Армысыздар, қонақтар,

Болашаққа жол бастар

Әліппең келді ортаға !

Білім деген ғажаптың

Әліппесін меңгерген

Келешегі қазақтың

Басталады сендерден

Құрмет көрсеткендеріңе көп рахмет! Мен сендердің қуаныштарыңды бөлісуге келдім.

2 жүргізуші :

Әліппе , бүгін кешіміздің ең қадірлі қонағысыз. Сондықтан құрмет тағына жайғасыңыз. Бүлдіршіндердің өнерін тамашалаңыз.

Хор : Әліппе

1-жүргізуші : Әліппеден үйренгеніміз көп, соны тарту етсек қайтеді?

2 – жүргізуші : Жарайды.

Әліппеге көрімдік

Болсын сізден халайық

Не үйрендік , не білдік

Кәне ортаға салайық

9 оқушы: Бекнұр

Мынау менің Әліппем

Көгілдір туым түсіндей,

Ақылшы жақын досымдай

Қымбатты маған кісімдей

Бірінші беттен елімнің

Елтаңбасын таныдым

10 оқушы : Гүлімай

Үңіліп әліппенің сырларына,

Дыбыстың ілесіп ап ырғағына,

Ажыратып дауысты, дауыссызды

Бірін қызыл, бірін көк бөліп сыздық.

11 оқушы: Еркін Аделя

Дыбыстан буын жасап сөз құрадық

Мағынасына үңіліп

Кәне көңіл бұралық.

Таныған соң қырық екі әріпті

Жүгіріп тез оқымай

Қалай ғана тұралық.

12 оқушы : Эльдана

Барлық әріп бағалы,

Айттық әділ бағаны

Әріпсіз сөз болмайды

Буын онсыз толмайды

Адам барлық әріпті

Ардақтайды қолдайды.

13 оқушы : Рамазан

Әліппе деген - алтын жол

Апарар сені алысқа .

Жеңіл емес , ауыр жол,

Тырмысып бақ намысқа.

14 оқушы : Диас

Бар кітапқа бас болған

Әліппе – ғылым ағасы

Әліппеден басталған

Даналықтың данасы.

15 оқушы : Балауса

Әліппе – білім бұлағы

Әліппе – өмір шырағы

Әліппе – білім көзі

Әліппе – ұстазымның сан айтқан сөзі

16 оқушы : Айда

Әліппемен аштым өмір есігін

Тербетемін білім бөбек бесігін

Өмір деген өрлі өзенге шомылып

Жаттап өттім ұстазымның есімін

Мұғалім : Балалар, осы Әліппе сөзінің әр әрпін саралап айтсақ . Біз қай жерде өнер көрсетіп жатырмыз?

Ә – әлемге Аяжан

Л – легімен С. Аделия

І – ізгілік Нұрлан

П – парасатты Балауса

П – пейілмен Амина

Е – ертегідеміз Бекнұр

1 жүргізуші : Жарайсыңдар , біз әлем ертегісіндеміз.Енді осы сүйікті кітабымыздан не үйрендік ортаға салайық.

Мұғалім : Бүгінгі күндері Отанымыздың сендер сияқты мыңдаған балалары «Әліппе» оқулығымен қоштасып жатыр.

Оқуды көп ойладық

Қызығына тоймадық

Әріптерді үйреніп

Сауат аштық , тойладық

Әліпбилер шығыңдар

Орындарыңа тұрыңдар

Бастайық кәне айтысты

Жібермейік намысты

Эльдана

А «А» дегенің ана ғой

Ана деген дана ғой.

Дильяра

Ә: Әжем әнге басады

Әтеш ұйқы ашады.

Батыр

Б : «Б» дегенің бала ғой

Жұмсаса апаң бара ғой.

Айда

Г : «Гу» деп алғаш бөбектер

Гуілдейді ақырын.

Рамазан

Ғ : Ғалым, ғылым, ғасырды

«Ғ» білімге асырды.

Айсұлу

Д : Дүлділ аттар баптаған

Дәркенді жұрт мақтаған.

Дулат

Е : Елге есті ер керек

Ер жет өсіп ертерек.

Балауса

Ж : Жан, жақсылық, жаңалық

Жатыр «ж» дан таралып.

Гүлімай

З : Зауза ұшады зыңылдап

Зымыранша зырылдап.

Сабина

К : Кекілік ау , кекілік

Кетіп қалма секіріп.

Фарида

Л : Лашын биікке самғайды

Ашын көкті шарлайды.

Бекнұр

М : мектеп берген біліммен

Марқаясың, жас ұлан !

Аман

Н : Наурыз айы келгенде

Наурыз тойы тойлансын.

Аяжан

Р : Роза шықса ән салып

Риза болған бар халық.

С. Аделия

С : Сыйламаған жолддасың

Сыйлай алмас өз басын.

Амина

И : Игі іске батыл бол

Игілікке жақын бол.

Абдулла

Т : Тырау , тырау, тырналар

Тамаша әнін тыңдап ал.

Айнагүл

Ұ : Ұлытауға «Ұ» шығыпты

Төбесінде «Ү» шынықты.

Нұрлан

Х : Хадиша сөмке көтерген

Хат хабар күнде әкелген.

Е.Аделя

Ы : Ыдысты саздан жасаған

Ықылас біздің жас маман.

Дильназ

Я : Мен «я» ең соңғы әріп

Менен әрі барып көр

Даурықпаңдар әріптер

«Я» - ны кей жұрт дәріптер.

17 оқушы : Аяжан

Таныстырған қырық екі әріппен

Қош бол, менің қасиетті Әліппем !

Сенің арқаң оқи , жаза білгенім

Сауатты адам санатына кіргенім

18 оқушы : С. Аделия

Бізге оқу үйреткен

Бар уақыты бірге өткен

Әліппеге рахмет!

Ән :

«Бұл қай әріп ?» ойыны.

19 оқушы : Дильназ

Ата аналар , балаларыңыз тек Әліппені ғана игерген жоқ, математика деген пәнмен сауаттанды. Сандарға кезек берейік.

Сабина

Бір : Мені келсе білгің

Мен таяқша бірмін

Барлық санға жол ашып

Ең басында тұрамын.

Нұрлан

Екі : Бірден кейін тұрағым

Бірден кейін тұрамын

Бірді бірге қосқанда

Мен шығамын шырағым.

Дильяра

Үш : Екіден соң әрқашан

Үш саны мен тұрамын

Орныма барамын

Екі айшық саламын.

Рамазан

Төрт : Үш сызықты таяғым

Оқушылар қояды

Төрт дегенің баяғы

Төрт түліктің аяғы.

Гүлімай

Бес : Төрттен кейін бесті

Білу оңай десті

Санашы бір қолыңның саусағын

Оңай табасың бесті

Амина

Алты : Мен өзімді қатарға

Бестен кейін қоямын

Басым бірден басталып

Нөлден бітер аяғым

Бекнұр

Жеті : Қара мына қызықты

Көсеуді кім ұмытты?

Жеті болам бір тартсаң

Бел ортамнан сызықты.

Аяжан

Сегіз : Менің атым сегіз

Жетіден соң деңіз

Жазылғанда қос дөңгелек

Мен боламын сегіз.

Еркін Аделя

Тоғыз : Сегізден кейін тоғыз

Алты төбесінен тұрғыз

Сонда боламын тоғыз.

Дулат

Он : Он дегенім –Отан

Отан – ұлы атаң.

20 оқушы : Аман

Көлге айналған бұлақтың

Қайнар көзін көріп пе ең ?

Том – том қалың кітаптың

Басы болар «Әліппең»

21 оқушы : Балауса

Қолыңа тұңғыш қалам ап

А әрпін алғаш жазарсың

Біліп ал А-ны саралап

Б –сына көзді саларсың

22 оқушы : Дәулет

Алғаш рет өзіңнен

Білім алды балалар

Оқу сырын өзіңнен

Біліп алды балалар !

23 оқушы : Эльдана

Ең алғаш алғанымда әліппені

Қызығып қарай бердім әріптерді

Мен үшін жұмбақ болып қалар ма еді

Ұстазым оның кілтін алып берді

24 оқушы : Айсұлу

Әліппемен қош айтысып қаламыз

Енді қолға басқа кітап аламыз

Ата – ана , қунышқа ортақ бол

Сауатты боп шықты міне балаңыз

Әліппе : 42 әріпті игердің

Әріптен буындап сөз тердің

Ризамын балалар сендерге

Рахмет айтар кез келді.

-Рахмет , балалар ! Әріпті танып, тақылдап сөйлей аласыңдар. Енді сауатты жазуға мәнерлеп оқытатын досыммен таныстырайын.Ол –Ана тілі ! Қош сау болыңдар , жас достар!

Ана тілі : Сәлеметсіздер ме балалар ?

Хормен : Сәлеметсіз бе ана тілі!

Ана тілі : Мен сендермен танысқаныма қуаныштымын. Енді сендер бұрынғыдан да көп оқисыңдар. Ақын – жазушылардың ертегі – әңгімелерін ынта қойып оқыңдар. Сонда сендер көп нәрсені үйренесіңдер.

Ана тілі – пәніңмін

Ана тілі – ұраның

Ана тілі құралыңмын

Ана тілің болмаса

Болмас еді Отаным.

Мен сендерді Ана тілін жақсы оқиды деп сенемін. Мен сендерге жұмбақ алып келдім , жасырайын шешуін таба алар ма екенсіңдер?

Ән :

25 оқушы : Нұрлан

Әріптерді жаттаймыз

Есте мықтап сақтаймыз

Ұмытпаймыз бәрінде

Атын, затын, түрінде

26 оқушы : Фарида

Біз жазамыз ана деп

Біз жазамыз дана деп

Біз жазамыз қала деп

Біз жазамыз дала деп.

(осы кезде бастарына кеспе әріптеден қиып, ана, дана , қала, дала сөздері жазылған оқушылар шығады)

1 жүргізуші : Балалар, мына жазылған сөздерді оқимыз.

Би :

Ана тілі : Сендер аз уақыттың ішінде көп нәрсені үйреніпсіңдер , осының бәрін үйреткен кім ?

Хормен : мектеп, мұғалім, әліппе, ата-ана.

2 жүргізуші : Балалар, ендігі сендердің достарың Ана тілі . Сондықтан Әліппені қалай меңгерсеңдер Ана тілін одан да жақсы меңгеуге ант бересіңдер ме ?

-Ия

-Кітапты ұқыпты , таза ұстауға

-Ант береміз!

-Ішіндегі білімді маржандай теруге

-Ант береміз!

-Сабақты жақсы оқуға

-Ант береміз!

28 оқушы : Батыр

Әріптерді танып

Білімге еркін қанып

Қадіріңді ұқтық

Тәліміңді алып.

Көрініс :

1 жүргізуші : «Талап , еңбек терең ой, қанағат рақым ойлап қой» деп ақын атамыз жырлағандай осы бес қасиетті бойымызға дарыту үшін Ана тілін меңгеруіміз керек.

2жүргізуші : Бойларына жақсы қасиеттерді жинаған биші бүлдіршіндерімізді ортаға шақырамыз.

Би :

Мұғалім : Ана тілің біліп қой

Еркіндігің теңдігің

Ана тілің біліп қой

Мақтанышың елдігің - дей келе енді біздер қолымыздағы жаңа оқулық Ана тілін оқитын боламыз. Әріптерді толық таныдық , мәтіндерді оқи аламыз, оқыған мәтіндердің мазмұнын айтуға үйренеміз. Мен сендердің Ана тілін жақсы меңгеретіндеріңе сенемін.

-Қонақтар , ұстаздар, ата – аналар , бүгінгі 1 – сынып оқушыларының «Рахмет сізге, сүйікті Әліппе » атты ертеңгілігі өз мәресіне жетті. Көңіл қойып тыңдағандарыңызға рахмет!