Ал,кәнекей қыздар

Қайырлы кеш құрметті ақ жаулықты,ардақты аналар! Армысыңдар қымбатты арулар .Сіздерді 8-наурыз халықаралық әйелдер мерекесімен шын жүректен құттықтаймыз! Адам бойындағы жақсы қасиет күннің нұрынан, ананың ақ сүтінен жаралған.

Мерейлі сәт мерекеге ұласып, 
Сегізінші наурыз келді қыр асып. 
Қыз- келіншек, нәзік жандар мейрамы- 
Көктемімнің шапағатын тұр шашып.

Құттықтаймыз аналарды, қыздарды, 
Мерекеден шуақты бір із қалды. 
Болсын әркез көтеріңкі көңілдер, 
Нұрын шашсын мерекеге өңірлер!

Дүниеде ең кемеңгер дананы, 
Ана табады, аялайды бағады. 
Сол үшінде құдіретіңе бас иіп, 
Құрметтейік қасиетті – ананы-деп «Ал,кәнекей, қыздар»атты сайысымызды бастауға рұқсат етіңіздер.

Сайысымыз 8 бөлімнен тұрады:

1.Таныстыру

2.Породия

3.Қол өнер

4.Шаш өрімі

5.Мода

6.Би

7.Салат

8. 8 наурызға арналған сұрақтар

Жүргізуші: Әділдікпен баға берер аруға

Әділдікпен қара қылды жаруға

Әділқазы алқаларын сайлайық

Жеңімпаздарды таңдап бүгін алуға

Бес балдық жүйемен бағаланады

1 кезең

Жүргізуші: Міне, қыздар келіп жетті танысуға

Бойындағы бар дарынды дарытуға

Қорықпастан сахнаға шығып тұр

Әдеппен ізетпен танысуға – дей келе Таныстыру сайысымызды бастаймыз.

1 сынып оқушыларының «Үнді биін» тамашалаңыздар

2 кезең

Жүргізуші: Өнері өрге жүзер таңғалмаңыз

Таланты талмай ұшар таңғалмаңыз

Таңғажайып әлемі өнер аты

Пародия өтсін лебімен таңғалмаңыз

3 кезең

Жүргізуші: Шалқытып мерекеде ән салайық

Өнерпаз өнерлеріне тамсанайық – деп қыздарымыздың қол өнерлерін тамашалайық.

3-4 сынып оқушыларының орындауында «Гүлдер биі»

4 кезең

Жүргізуші: Сұлулық табиғаттан басталады

Көктеммен олар бірге шаттанады

Бәйшешектей құлпырып гүлдей жайнап

Шаш өрімі сайысына барлығы аттанады

2 сынып оқушыларының орындауында «Вальс»

5 кезең

Жүргізуші: Бүгінгі кеш өтіп жатыр өз мәнімен

Әр сұлу әсем болар өз сәнімен

Өздері таңдап киген киім үлгісін

Сіздерге көрсетеді өз сәнімен

Ұлдардың орындауында ән

6 кезең

Жүргізуші: Бойыңа бар сұлулық жиналғандай

Мүсінің ақ мәрмәрден құйылғандай

Жарқ етіп шыға келген ел алдына

Бишілерді шақырайық сахнаға

7 кезең

Жүргізуші: Шырқап салған әнімен

Мерекелік сәнімен

Топталып ойнап қыдырып

Бөлісіп ішкен дәмімен – дей отырып аспазшыларымызды ортаға шақырайық

8 кезең

Жүргізуші: Жаңарған сананы

Ұмытады мұңы кім

Ата салты бабаның

Алып келді осы күн

Келесі сайысымыз 8 наурызға байланысты сұрақтар

Жүргізуші: Сайыста жеңісте бар,жеңілісте бар

Қуанып шаттанып күлу де бар

Өнерін тамашалап отыр қауым

Сайыста әділқазылар тағы да бар-«Жүзден жүйрік мыңнан тұлпар» демекші бүгінгі сайысымызды таразылап әділ бағасын беруге келесі сөзді әділқазылар алқасына береміз.

Аналар қалқып бақыт аралында

Лайым мұң қонбасын жанарыңа,

Осымен кешімізді аяқтайық,

Гүл бітсін баріңіздің қадамыңа.

Ардақты аналар,сымбатты арулар мейрамдарыңыз құтты болсын!

Астрахан ауданы

«Жамбыл орта мектебі»ММ

Ал, кәнекей қыздар

2017-2018оқу жылы