Тәрбиеші: Құрметті қонақтар! Бүгінгі «Ақкөгершін» тобының балалары дайындаған «Берекелі алтын - күз» атты ертеңгілігіне қош келдіңіздер!
Армысыздар халайық,
Бармысыздар халайық
Күзгі тойды жұп жазбай,
Келіңдер қарсы алайық.

Ернас: Ән салыңдар күліңдер
Жайнап гүлдей жүріңдер.
Күздің тойын тойлайық
Би билейік, ойнайық.

Салтанат: Күздің қазан айында
Алма, алмұрт піседі.
Жапырақтар сарғайып,
Сыбдыр - сыбдыр етеді.

Жанель: Кун суытып
Жапырақтар түседі.
Астық - жеміс жиылды.
Қамбамызға құйылды.

Абылай: Қуандырып біздерді
Кел жемісті алтын күз,
Өлкеізге күз келді
Кемелдеисін халқымыз.

Хор: Алтын күз.

Амір: Жеміс мол теретін
Күз дос екен бізбенен
Бәрін тауып беретін
Жомарт екен күз деген

Байсерік: Берекесі сыйлауға
Өлкемізге күз келді
Жемістерін жинауға
Шақырады біздерді

Сезім: Ақтарады мырза күз
Уылжыған жемісті
Күзге бізде ризамыз
Аянбаған ел үшін

Бауыржан: Алтын, сары, қызыл, көк
Алуан - алуан жапырақ
Ағаштардан жамырап
Ұшты кенет жамырап

Темирлан: Көбейді құт береке,
Астық толы қамбамыз.
Құтты болсын мереке Алтын күзді тойлаймыз.

Би: Жапырақтар биі: Жанель , Каусар, Айгерім, Каусар. Әлинур.

Тәрбиеші: Біздің балалардың жемістер туралы тақпақтар бар екен.

Мирас: Апорт деген алма бар
Жер жаратын атағы,
Ондай алма қайда бар.
Алматы оның Отаны

Саят: Мен өріктен ірімін,
Алма, алмұртқа інімін
Тәттілердің бірімін,
Дастарханның гүлімін,
Сусыныңды қандырар
Салқын саумал шырынмын.

Айгерім: Пісіп тұрған алмамын,
Тамсандырар бал дәмім.
Жерге сілкіп түсірме,
Ісіп кетер маңдайым.

Әлинұр: Мен моншақты шиемін
Құмарсындар білемін,
Кетіп қалып жүрмесін
Тамағыңа сүйегім.

Ислам: Тіл үйірген алмұртпын
Таңсығымын бар жұрттың
Жақсы өсіре алмайды.
Қараса егер салғырт кім

Музыка әуенімен залға Күз кіреді.
Алтын түске боялды,
Тау мен қырқа дала, түз.
Келдім міне ортаңа,
Менің атым Алтын күз.
Тәрбиеші: Қош келдің Алтын күз! Төрлет

Күз: Сәлеметсіздер ме балалар, иә, мен Алтын күзбін. Қараңдаршы, айналаның бәрін алтын түске бояп та қойдым.
Менің жемістерім, көкөністерім, дән - дақылдарым мұнда жүр ғой

Хор: Сары алтындай - алтын күз.

Тәрбиеші: Күз сізді неге жомарт күз деп атайды.

Күз: Иә мен жомартпын.
Мереке басы ән болар,
Береке басы дән болар
Көктемде еккен мол астықты жинап
қамбаға толтырдым.

Тәрбиеші: Ендігі кезекте балалар дақылдар туралы тақпақтарын айтады.

Алихан: Қамба толды астыққа
Алғыс саған алтын күз.
Бір уыс дән шаштық та,
Қап - қап қауын алдық біз.

Амина: Нан анасы - бидаймын,
Нанды елге сыйлаймыз.
Піскенімде мен қырда
Қауызыма сыймаймын.

Айымжан: Қызыл мұратты арпамын
Ырыс құтты арпамын
Машинаға мініп ап,
Малды ауылға тартамын.

Айкоркем: Күнге ғашық күрішпін
Күллі жұртқа ырыспын
Аңқам кеуіп тұрған соң
Ала жаздай су іштім

.
Каусар : Жетті желмен алтын күз,
Жеміс жинау салтымыз.
Жиып - теріп болған соң,
Той жасайды халқымыз,
Елге бәрін сыйлайды.

Нұржан: Астық - жеміс жиылды.
Қамбамызға құйылды.
Ардақты күз - мың алғыс.
Алдық өнім сыйыңды.

Би: Қолшатыр биі: Салтанат Сезім Айымжан Айкөркем Томирис

Тәрбиеші: Күз мезгілінде құстар туған жерін қимай, жылы жаққа қайта бастайды.

Балалар құстар туралы тақпақтарын айтады.

Талапкали: Қош бол өскен жеріміз
Айдын шалқар көліміз.
Аман болып тұрыңдар
Қамқор болған еліміз.

Әлімжан: Қатерлі қыс өткенде,
Қайтып келіп көктемде.
Күнде думан құрармыз.
Күн шуағын төккенде.

Томирис: Сау - сау етіп жапырақ
Сабағынан үзілді
Қоңыр тартып атырап,
Көкте құстар тізілді.

Мүсілім: Мен торғаймын, торғаймын
Суықтан да тоңбаймын,
Құрт - құмырсқа жәндіктен.
Бау - бақшаны қорғаймын.


Хор: Біз дәуірдің түлегіміз.
Вальс
Тәрбиеші: Құрметті қонақтар, бүгінгі Ақкөгершін тобының балаларының күз мерекесіне арналған ертеңгілігі аяқталды.
Хош сау болыңыздар!

Білім беру саласы: Әлеуметтік таным.

Ұйымдастыру оқу-іс әрекет түрі: Өзін-өзі тану.

Тақырыбы: Менің балабақшам.

Мақсаты: Білім тұралы мағлұмат беру. Сөздік қорларын молайтып, тілдерін дамыту. Достыққа, бірлікке тәрбиелеу. Балабақшаға деген сүйіспеншілігін дамыту, өзінің балабақша ұжымының мүшесі екенін санасына сіңіру, достық қарым - қатынас сезімдеріне тәрбиелеу.

Оқу іс-әрекетінің көрнекілігі: Балабақша суреті, балабақша қызметкерлерінің суреті.

Әдіс-тәсілдер: сұрақ - жауап, түсіндіру, көрсету, әңгімелеу.

Әрекет кезеңдері

Тәрбиешінің іс-әрекеті

Баланың

іс-әрекеті

Мотивациялық қозғаушы

Ұйымдастыру кезеңі

Өткен сабақты қайталау

Жаңа тақырыппен таныстыру.

Балалардың назарын

тәрбиешіге аудару.

Іздену ұйымдастырушы

«Ізгі сөздер»
Бақшамызға барғанда,
Жолыққан бар жандарға,
«Қайырлы таң!»- деймін мен.
Күндіз де елді елеймін:
«Қайырлы күн!»- тілеймін.
Үйге кешке келемін,
Не дерімді білемін:
«Кеш жарық!»- деп кіремін.

Тәрбиеші ұжымдық жұмыс арқылы балаларға балабақша қызметкерлерінің еңбегімен таныстырып, оларды бағалауға, құрметтеуге үйрету мақсатында «өз үйім – менің бірінші үйім, балабақша – екінші үйім»деген тақырыпта әңгіме жүргізеді.

- Балалар балабақша дегеніміз не?
- Балабақшада біз не істейміз?
- Ал балабақшаны біз екінші үйіміз деп айта аламыз ба?
- Бұл үлкен үйімізде бізге кім қамқорлық көрсетеді, аялайды?
- Балабақшада сендер үшін қаншама адам жұмыс істейді?
- Қане, олар кімдер және не істейді екен?

Жүректен жүрекке шеңбері. Алдын ала берілген өлеңді жатқа айту.

Балабақша туралы әңгімелейді.

Тазалықшы – екінші үйімізде өз үйіміздей жылы, таза болсын деп бөлмемізді жуып, тазалайды.
Аспазшы - біз үшін дәмді тамақ әзірлейді.
Дәрігер – сендердің дендеріңнің сау болуын қадағалайды.
Кір жуушы – біздің сүлгілерімізді жуып береді.
Тәрбиеші апайлар – сендер жақсы адам болып өсулерің үшін бәрін үйретеді.

Жүректен жүрекке шеңбері.
Жақсылыққа құмармыз,
Жақсы адам боп шығармыз.
Бізді жақтап отырған,
Сендерге де мың алғыс!

Рефлексті коррекциялау

Қорытынды. Балалар бүгінгі сабақта не жайында әңгімелестік?

Білуі керек: Балабақша туралы.

Болуы керек: Балабақша суреті, балабақша қызметкерлерінің суреті.

Баланың қолынан келуі: Әңгіме құрап айту, өлеңдерді жатқа айту.