"Алтын күз" мерекелік бағдарлама

Күз мерекесіне арналған ертеңгілік: «Қош келдің алтын күз»
Музыка залы күз мерекесіне орай әдемі безендірілген. Балалар музыка ырғағымен залға кіріп, жарты шеңбер құрып тұрады.

1.Жүргізуші:                        
Тоңазып отырып
Көп жеміс піседі
Сарғайып жапырақ
Судырап түседі.
Үстінде егінжай
Салқын жел соғады.
Гүл,жапырақ шөптер де
Қурап солады.
Айтындаршы балалар
Бұл қай кезде болады?
Балалардың жауабы. /Күзде/
Балалар орындарына отырады.
Тақпақтар:

Ән: « Күз жомарт» 
(Балалар отырады, тарсылдаған жаңбырдың дауысы естіледі) 
Жүргізуші: Ой, балалар! Естіп тұрсыңдар ма? Жаңбыр жауайын деп тұрған сияқты. 
(Жаңбырдың дауысымен залға бұлт кіреді) 
Бұлт: Сәлеметсіңдер ме, балалар! 
Балалар: Сәлеметсіз бе! 
Бұлт: 
Күзгі көк бұлт мен болам, 
Көтеріліп теңізден, 
Аспанға биік барамын, 
Қаласам қазір сендерге, 
Жаңбыр болып жауамын. 
(Балаларға жаңбыр шашады) 
Жүргізуші: 
Жаңбыр, жаумай тоқтай тұр, 
Дабылыңды соқпай тұр, 
Саяғынды түгендеп, 
Үйіріңді соқпай тұр! 
- Біз сіз жайлы ән білеміз және осы әнді сізге сыйлаймыз. 
Ән: «Жаңбыр,жаңбыр жауады» (тық-тық)
Бұлт: Рахмет, балалар! Қандай әдемі ән! Сендер жаңбырдан қорықпайсыңдар ма? 
Балалар: Жоқ! (Жүргізуші білдірмей қол шатырды алады) 
Бұлт: Аяқтарыңды сулаймыз деп қорықпайсыңдар ма? 
Балалар: Жоқ! 
Бұлт: Қалай сендер барлықтарың батылсыңдар? 
Жүргізуші: Міне, біз қандай батылмыз! 
(қолшатырды жазып, балаларды астына тығылуға шақырады) 
Бұлт: Сендердің ойнағыларың келеді ғой, мен сендерді тез ұстап аламын. 
Ойын: «Қолшатыр» немесе «Жаңбырдан қорықпаймыз» 
(Әннің ырғағымен балалар жүгіріп ойнайды, Бұлт орындықта отырып ұйықтайды. Бұлт балалардың дауысынан оянып, оларға су шашады, сол кезде балалар қолшатырдың астына тығылады. Екі – үш рет ойнағаннан кейін орындарына отырады). 
Бұлт: Балалар , сендер барлығын жылдам және шапшаң екенсіңдер, мен сендерді ұстай алмадым. 
Жүргізуші: Бұлт, сенімен өте көңілді. Балалар сенімен ойнады, күлді, бірақ бізге әліде біреу жетіспейтін сияқты. Бізде күн жоқ екен. Қане, балалар, бәріміз мейрамымызға күнді қонаққа шақырайық ( балалар орындарына отырып, қолдарын шапалақтап, аяқтарын тыпырлатып, күнді шақырады). 

Балалар: Күн, күн. кел, кел!!
Күн келеді. 
Күн: Сәлеметсіңдер ме, балалар! Сендер мені шақырдыңдар ма, достарым? 
Балалар: Иә! 
Күн: 
Мен жарқырап төбеде, 
Нұрын төгіп тұрамын . 
Шуақ шашып бәріне 
Бала жанын ұғамын. 
Бұлт: 
Күн, күн тоқтай тұр! 
Сөзіме менің құлақ тұр. 
Ішім толы суға, 
Сусыз өмір бола ма? 
- Ендеше мен бәріне керекпін, мен мықтымын! 
Күн: Жоқ, мен мықтымын! 
(Бұлт пен Күн дауласып, аяқтарын топылдайды) 
Жүргізуші: Тынышталыңдар, дауласпаңдар! Балалар, Күн мен Бұлтты татуластыру үшін Күзді қонаққа шақырайық. Қолымызға жапырақтарды алып билесек, күз бізді байқап, өзіде келіп қалар. 
Би: «Күзгі жапырақтар» 
Күз келеді. 
Күз: 
Сәлеметсіңдер ме, балалар! 
Ырысқа толы қоймалар , 
Сабан тойы тойланар. 
Берекелі күз болам, 
Байлыққа мұртың майланар. 
- Сендер мені шақырдыңдар ма? 
Жүргізуші: Сәлеметсің бе, Алтын Күз! Сені шақырған біздің балалар. Алтын Күз, сіз бізге көмектесіңізші. Бұлт пен Күн екеуі кім мықты?, кім бірінші? Деп дауласып жатыр. 
Күз: Олар неге олай дауласады? Қане, балалар, Күн мен Бұлтты татуластырайық. Ол үшін ойын ойнайық. 
Жүргізуші: 
Күн менен су бар жерде, 
Бау – бақшад гүлденер. 
Ортаға шық , балалар, 
Кім көп теріп үлгерер..... 
Ойын: «Тамшылар мен жапырақтар» 
(кілем үстінде тамшылармен жапырақтар шашылып жатады.2-4 бала шығып, бірінші себетке тамшыларды, екінші себетке жапырақтарды жинайды). 
Күз: 
Жарайсыңдар , балалар! 
Күн менен Бұлт тату болса 
Бәріде көңілді. 
Орманда да әр жерден 
Саңырауқұлақтар көрінді. 
Би: «Саңырауқұлақтар» 

Күз: Міне балалар Күн мен Бұлтты татуластырдық.

Бұлт. Иа, рахмет сендерге балалар. Біз енді ренжіспейміз.

Күн: Біз екумізде керек екенбіз. Ренжісуге болмайды екен.

Жақсы балалар сау болыңдар, біз қайтайық.(екеуі шығып кетеді)
Жүргізуші:    Күзім-ау, күзім-ау!

                         Мінезің бұзық-ау  

                         Жаңбырың сіркіреп,

                          Келгенің қызық-ау!  

Би: «Қолшатыр биі»

Күз: Қандай керемет! Балалар мені де қайтатын уақытым келіп қалды

                             Берекелі бақ-дәулет,

                             Арта түссін тойланып.

                             Сау болындар, балалар,

                             Келгенше жыл айналып

(Күз шығып кетеді)

Жүргізуші: Мерекемізді әрі қарай жалғастырамыз.

Тақпақтар:

Ән: «Бұл Алтын күз»

Жүргізуші: Ал енді көкөніс пен жемістерді ортаға шақырайық.
(Осы кезде көкөніс пен жемістер ортаны бір айналып, қатарласып шығады)
Би: «Жемістер»

Жүргізуші: Осымен, Алтын күз мерекесіне арналған ертеңгілігіміз аяқталды. Тамашалағандарыңызға рахмет!