Менің мектебім—менің
мақтанышым!
Мектеп-жас ұрпаққа білім мен
тәрбие беретін, барлық рухани өркениеттің ошағы, білім ордасы әрі
мүмкіндіктерге толы орта.Сонымен қатар, балалар болашағын қалаушы,
жарқын өмірдің кепілі.
Әр адамның өмірінде
мектептің алар орны ерекше.Менің мектебім—қоғамның орасан зор
міндетін абыроймен атқарып келе жатқан білім ордаларының бірі,Арыс
қаласына қарасты Сырдария елді мекенінде орналасқан «Садықбек
Адамбеков» атындағы жалпы білім беретін орта мектеп.Ықылым
заманымыздан бері «Сөздің ең ұлысы—тарих»,-деп қазақтың ақыны әрі
қоғам қайраткері Ахмет Байтұрсынұлы атамыз айтып өткендей,
мектебіміздің шежіресін айтпай өткеніміз жарамас. Сондықтан
мектебіміз, алтын ұямыздың тағылымы терең тарихына үңілсек. Мектеп
тарихы ауыл тарихымен тікелей байланысты.Ауылды қалаға жақындату,
қала балалары мен ауыл балаларына бірдей дәрежеде білім беру
мақсатында жоспарланған.Мектебіміздің алғашқы директоры Әнуарбек
Шекербеков ағамыз сол бір тарихи күндерді аңыз етіп айтып отырған.
Сол тарихи күндерде ауыз толтырып айтарлықтай
техникалық-материалдық жабдықтар болмағанымен, нағыз еңбек
майданында шыныққан білікті ұстаздардың арқасында бәрі де өз орнына
келді. Оқушы санының артуына байланысты мектеп-интернат 1971жылы
«Арыс» бастауыш мектебі, сәл кейінірек «Арыс» орта мектебі болып
қайта құрылып, ғимараты да жаңарды.«Елу жылда—ел жаңа» демекші, сол
жылдар белесінде мектеп ұжымы көптеген оң өзгерістерге куә болды.
Білім ұямызға 2004 жылы сатира сардары, ақын, драматург, сықақшы
Садықбек Адамбековтің есімі беріліп, қазақ қаламгерінің рухы тағы
бір мәрте асқақтай түсті.Бүгінгі таңда 50 жылдық тарихы бар білім
ордасын білімді де, білікті, ұтқыр ұйымдастырушы Асқарова Мейіркүл
Отарбекқызы басқарып келеді.
Халық пен халықты, адам мен
адамды теңестіретін—білім.Сол білім жолында маған ақыл айтып,
тәрбие берген мектебім, яки, ұстаздарыма алғысым шексіз. Мен
осындай тарихқа толы, нағыз еңбек майданында шыныққан білікті
оқушылары бар ыстық ұямның барына қуанамын.Менің мектебім-менің
мақтанышым!
