"Алтынсың ғой Анашым"

Мақсаты: Ана ұғымының мән-мағынасын ашу,аналарына деген сүйіспеншілігін арттыру,өнерлерін көрсету арқылы аналарды ардақтауға, құрметтеуге үйрету.Оқушыларды тақпақ айту,ән-би арқылы ой-өрісін дамыту,үлкенді құрметтеуге ата-ананы сыйлауға,өнерді дәріптеуге тәрбиелеу.

Көрнекілігі: Суреттер,шарлар,гүлдер,ұлағатты сөздер.

Сабақтың барысы:

Мұғалімнің сөзі:

1-жүргізуші: Сымбат

Армысыздар,еліміздің асылдары,

Жайнасын көңілдердің жасыл бағы.

Сіздер үшін ән мен күй, жыр менен би,

Сіздер үшін мереке шашулары

2-жүргізуші: Адель

Жан жылуын көкірегіне толтырып ,аналардың дәстүрлі мерекесі 8-наурыз да алтын ұя мектебімізге келіп жетті.

Өздеріңізді шуақты, құлпырған қызғалдақтай әсем мерекемен құттықтаймыз!

Бүгінгі «Алтынсың ғой,Анашым!» атты ашық тәрбие сағатымыз өздеріңізге арналады.

1-2жүргізуші:( бірге) Сымбат.Адель.

Той пердесін ашайық,

Тойға шашу шашайық.

Аналарды құрметтеп,

Ән маржанын ашайық.

Хор:Ақ мамам

1-жүргізуші: Сымбат

Әлпештеген баласын,

Ана-бақыт,ана-күн.

Әркім сүйіп өзінің,

Мақтан етер анасын,-демекші балалардың аналарына деген ыстық лебіз тақпақтарын қабыл алыңыздар!

1-оқушы: Кәусәр

Шуақты көктем келді гүлін алып,

Көктемнің мерекесі бүгін анық.

Өмірдің көктемі де,гүлі аналар,

Ана деп бас иеді күллі халық.

2-оқушы: Жанер

Біз ғана емес,

Қадір тұтқан балалар.

Аналардан туған небір даналар,

Ана деген-тіршіліктің тірегі.

Армысыздар,қасиетті Аналар!

3-оқушы:Исмаил

Сендерден өскен балалар,

Батырлар мен даналар.

Құттықтаймыз мейраммен,

Құрметті аналар!

4-оқушы: Ғанимат

Достықты біз ойлаймыз,

Бірге күліп ойнаймыз.

Қыздарды да құттықтап,

Мерекесін тойлаймыз.

5-оқушы: Арман

Шалқып-тасып әніміз,

Жадырасын жанымыз.

Ана,сізді құттықтап,

Әндетеміз бәріміз.

6-оқушы: Еңлік

Жүре берсең қасымда,

Әйбат анам қуанам.

Ботам деген даусыңнан,

Мен мәз болып оянам.

2-жүргізуші: Адель

Би: Сынып қыздарының аналарға арнаған биі, Көктем биі

(Сынып қыздары)

2-жүргізуші:Ары қарай аналарымызға тілек өлеңдерімізді жалғастырайық.

7-оқушы: Исламбек

Ана –өмірдің қуанышы,тірегі,

Бала-оның жұбанышы,жүрегі.

Ана алдында ел жауы да бас иген,

Олар дәйім тыныштықты тіледі.

8-оқушы:Қанат

Ана десем,алғыс алам халқымнан,

Ана десем,теңіз болам шалқыған.

Ана десем,ашылады қабағым,

Ана десем,әділдікті ұғамын.

9-оқушы: Айнажан

Аяулы да,алтын нұрлы анашым,

Жүрегіммен мәңгі бірге боласың.

Сен-асқарсың, сен-аспансың, биіксің,

Сен – дарқансың, сен-жомартсың, данасың.

10-оқушы: Мансур

Ардақты ана, аяулы ана, қымбаттым,

Тәтті ұйқынды бөліп талай түн қаттың.

Өміріме нәрін берді ақ сүтің,

Кең құшағың – аясындай гүл бақтың

11-оқушы: Ильяс

Алақаны ақ самал,

Мәпелеген жан ана.

Көкте күнім батса да,

Өзің күнсің балаңа.

12-оқушы: Аслан

Теңдесі жоқ даласың,

Арқа тұтар панасың.

Еңбегінді ақтайтын,

Аман болшы анашым!

1-жүргізуші: Сымбат

Хор: «Жақсы көремін ата-әжемді»

1-жүргізуші: Сымбат

Ары қарай аналарымызға тілек өлеңдерімізді жалғастырайық.

13-оқушы: Ермухан

Бүгін – наурыздың сегізі,

Сұлулықтың негізі.

Әдемі сөз-

Адамның

Анаға айтар лебізі.

14-оқушы:Нұрәлі

Ақыл құйған санама,

Күннен де артық,расында.

Күн алыста,ал анам,

Ылғи менің қасымда.

15-оқушы: Дильназ

Әр сөзіңді жаттағам,

Жүрегімде сақтағам.

Анашым деп мақтанам,

Айналайын ақ мамам!

16-оқушы: Дильяра

Ана-көркі көгінің,

Ана-нұры жерімнің.

Ана-бағы баланың,

Мақтанышы елімнің.

17-оқушы: Ару

Ана дейміз бәріміз де аңқылдап,

Ана дейді жас сәби де жарқылдап.

Ана деген – бәйтерегі өмірдің,

Ана деген-алтын қазық,алтын бақ.

18-оқушы: Ақниет

Аналарды сүйеміз,

Сөзін ойға түйеміз.

Әжені де ардақтап,

Әдеппен бас иеміз.

19-оқушы: Бекзат

Әлпештеген баласын,

Ана-бақыт, ана-күн.

Әркім сүйіп,өзінің,

Мақтан етер анасын!

2-жүргізуші:Адель

Сынып ұлдарының аналарына арнаған билерін тамашалаңыздар.

«Сарбаздар» биі

20-оқушы: Ислам

Айтсаң болды тіл алам,

Әйбат мамам, ақ мамам.

Сені көрсем қуанам,

Сен керексің қайда да.

21-оқушы: Ансар

Ақ арман – аппақ анам,

Өзіңсің бақ та маған.

Шығамын ақ сүтінді,

Қалайда,ақтап анам.

2-жүргізуші: Адель

Балаға ең жақыны сіз-Аналар,

Сіздің ыстық құшағыңыз балаға пана болар.

Жүрегінің бір бөлшегі –бала үшін,

Сізден жақын адам бар ма аналар!-дей келе осымен «Алтынсың ғой, Анашым!» атты ашық тәрбие сағатымыз аяқталды.

Мұғалімнің сөзі: