Ән – жырымның арқауы – Тәуелсіздік

Қызылорда қаласындағы Ә.Молдағұлова атындағы №173 орта мектебінде 7 «В» сынып оқушыларымен кітапханашылардың ұйымдастыруымен 16 желтоқсан Қазақстан Республикасының Тәуелсіздік күніне орай «Ән- жырымның арқауы – Тәуелсіздік» тақырыбында әдеби патриоттық кеш өткізілді.

Мен – қазақпын, биікпін, байтақ елмін,

Қайта тудым, өмірге қайта келдім.

Мен мың да бір тірілдім мәңгі өлмеске,

Айта бергім келеді, айта бергім!

Бүгін біздің еліміздің сан мың жылдар бойы найзаның ұшымен, еліміздің ерен ісімен, кешегі дүниені дүр сілкіндірген желтоқсан оқиғасымен келген тарихымызда алтын әріптерімен жазылып қалған Тәуелсіздігі үшін күрескен, өз алдына қайта егемен ел болған күн. Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата-бабаларымыз ғасырлар бойы армандап, күтумен өткен. Шара барысында оқушылар елдің тәуелсіздігі үшін күрескенін, бабаларымыздың армандаған егемендігіне қол жеткізгендігімзді өз өлең шумақтарымен жеткізе білді. Бұл кештің маақсаты оқушыларды өз Отанын сүйетін ұлтжанды азамат болуға тәрбиелеу арқылы оқушылардың бойына патриоттық сезімді қалыптастыру, сыйластыққа, адамгершілікке тәрбие беру. Сонымен қатар кеш барысында «Желтоқсан желі ызғарлы» атты кітап көрмесі ұйымдастырылды. Көрмені мектеп кітапханашысы Досымова Қалдыгүл таныстырды. Кеш соңында кітапхана меңгерушісі Л.Омарова Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын – деп аяқтады.

Ә.Молдағұлова атындағы №173 орта мектеп

кітапхана меңгерушісі Ләззат Омарова