Ана - асыл жан

Тақырыбы: "Ана-асыл жан"

№1 қазақ орта мектебі

Ана- асыл жан

Сынып жетекшісі : Аккожина А.Б.

Білімділік: Қыз балалардың жан дүниесіндегі көркемдік талғамын қалыптастыру.
Дамытушылық: Балалардың танымдық және шығармашылық қабілетін, эстетикалық талғамын, шеберлігін дамыту.
Тәрбиелік: Көпшілік алдында өзін — өзі ұстай білуге, әдептілікке, мейірімділікке, сұлулыққа тәрбиелеу.Ананы құметтеуге, ардақтауға тәрбиелеу.

Мұғалім: Құрметті Ақ жаулықты аналар, ұлағатты ұстаздар, сұлу арулар! Сіздер 8- Наурыз Халықаралық аналар күніне арналған «Шуағын шашқан, Аялы алақан» атты мерекелік ертеңгілікке жиналып отырсыздар. Бауыржан: Азамат: Той пердесін ашайық
Тойға шашу шашайық
Аналарды құрметтеп
Ән маржанын ашайық.

Мұғалім: Көктем келді өзімен бірге мерекелерін ала келді.

Хор: «Наурыз көктем»

Азель
Армысыздар ақ тілекті әжелер,
Ертегімен өмірімді әсемдер.
Мерекеңмен аялаған аналар,
Бір өзіңнен бар қуаныш таралар.
Шуақ шашқан алтын көңіл арулар,
Дарынды боп өнерменен қарулан.

Мұғалім: Міне, алдарыңызда сіздердің балаларыңыз, еліміздің болашағы, менің шәкірттерім бар өнерін көрсетпек.
Құрметті жиналған қауым бәріміз ана деген асыл жаннан жаралған бір тұлғамыз. Сол аналарымызға ұзақ өмір, талмас қанат, таусылмас бақыт тілей отырып, мерекесімен шын жүректен құттықтаймыз.
Иә, бәрімізге де осынау әлемнің жарығын сыйлаған ана есімі қашанда биік, әрі қымбат.

Алишер
— Балалар, бүгінгі тақырыбымызға байланысты мен сендерге жұмбақ жасырғым келіп тұр. 
Бала, бала, бала деп
Түнде шошып оянған
Түн ұйқысын төрт бөліп
Түнде бесік таянған
Бұл кім?

Балалар: Ана,ана,ана.

(Жанслу, Айдана, Расул, Қ Адина, НАдина)
Мұғалім: Бала тілі бал демекші аналары туралы өлеңдерін тамашалайық

Мақсат

Ана деген-асқақ ән, 
Орындайтын әрқашан. 
Анадай қымбат сыйлықты 
Таба алмайсың ешқашан. 
Жанерке

Ана деген-ақылшың, 
Анаң барда батырсың. 
Қасыңда кім болса да, 
Тек анаңа жақынсың! 

Алишер

Мәпелейсің мені анам, 
Қолыңдағы құсыңдай. 
Құлпыра өсіп дем алам, 
Құшағыңда қысылмай. 

Мадина

Мамам менің,ақ мамам, 
Менсіз таңы атпаған. 
Менсіз күні батпаған, 
Мен ұйықтамай жатпаған. 

Аяла

Теңдесі жоқ данасың, 
Арқа тұтар панасың, 
Еңбегіңді ақтайын, 
Аман болшы анашым! 

Нұрлыбек

Бәрімізге анасың, 
Біз үшін көп жанасың. 
Құтты болсын мейрамың, 
Құттықтаймын мамашым! 

Аружан

Ана-біздің күніміз, 
Ананың біз гүліміз. 
Ұландарды қуантып, 
Ұзақ өмір сүріңіз! 

Еламан

Сегізінші наурыз келді, 
Шаттық сезім ала келді. 
Қуанышты күнменен 
Құттықтаймыз сіздерді

Асел     Бұл көктем ала келген мерекесін

                 Наурызғой елге берген мерекесін

                 Наурыздан бұрын тойын тойлайтын

                 Ардақты ана әйел сен екенсің

Адилбек   Көктемде күн сәулесі мөлдіреген

             Айнала жасыл тудай желбіреген

            Қазағым қыз-келіншек аналарды

            Қырдағы гүлге теңеп елжіреген

Айгерім  Сенен өскен балалар

              Батырлар мен даналар

              Құттықтаймыз мейрамыңмен

              Құрметті ата-аналар

Азамат: 

Сылаймын мен гүлімді

Теріп алған даладан

Мерекеңіз бүгінгі

Құтты болсын анажан

(Оқушылар сыйлықтарын сыйлайды)

Ән «Аяулы анашым»

Адилбек:

Әні қандай биі қандай жарасқан

Тек өнердің құдіретімен санасқан

Жібек мінез қазағымның қыздары-ай

Билері ай мың бұрала қыр асқан

«Ана » әні мен вальс би

Нұрлыбек

Аналар шаңырақтың сәулесі ғой

              Ана деген баршаның дәулеті ғой

              Адамды адам еткен ақ сүт беріп

              Жаңа өмірге сәбиін жетелеген

Ән: «Ақ мамам»

Мұғалім: Осымен 8 наурыз мерекесіне арналған "Ана-асыл жан" атты мерекелік кешімізді аяқтаймыз. Келгендеріңізге  көп-көп рахметімізді айтамыз.