"Ана тілі" өлеңі

Андақұлова Назгүл Бодыққызы

Қызылорда облысы Жаңақорған ауданы

№229 орта мектептің мұғалімі

Ана тілі

Ана тілі-қасиеттім, қымбаттым,

Сенің бағаң бәрінен де қымбат тым.

Бұл дүниеде дәл өзіңмен тең келер,

Ешбір тіл жоқ,ана тілім, ардақтым.

Ана тілім-байлығым да, бағым да,

Ешқашан да бәз біреуге бағынба!

Өзге тілмен шұбарлатып сөзіңді,

Өз тіліңнен басқа тілге табынба!

Ана тілім-абыройым, беделім,

Сенсің менің-келешегім, кемерім.

Сенсің менің –мақтанышым мәңгілік,

Жырлап өтем тағдырыңды ән қылып.

Ана тілім-қуанышым, шаттығым,

Сенің мұңың бәрінен де тәтті мұң.

Қазағымның қасиетті от тілі-

Ғасырларға жалғассыншы шаттығың!

Ана тілім-дана тілім, бақ тілім,

Сенен басқа жерден бақты тапты кім?

Тамырыңды тереңге жай, өркенде,

Үзілмесін, солмасыншы бақ гүлің.

Ана тілім-асқар тауым, айбыным,

Сен бар кезде сезілмейді қайғы-мұң.

Өткел бермес асулардан әрқашан

Өте берсін кемелер мен қайығың.

Ана тілім-туған тілім,тірегім,

Ұзақ болсын ғұмырың деп тіледім.

Ана тілің-туған анаң ол сенің,

Өз анаңды құрметтей біл, ей, ұлым!