Ана тілім -дара тілім

Батыс Қазақстан облысы Бөрлі ауданы

Ақсай қаласының №4 ЖОББМ бастауыш сынып мұғалімі

Ахишева Мулкат Бауыржановна

Сабақтың тақырыбы: «Ана тілім ардақты»

Сабақтың мақсаты:Жан-жақты болуға үйрету.

Балалардың ой-өрісін,сөздік қорын,тіл байлықтарын дамыту.

Балаларды туған тілін сүюге,оны қорғауға және қамқорлық жасауға тәрбиелеу.

Сабақтың әдіс-тәсілі:сұрақ-жауап,әнгіме,ойын

Сабақтың көрнекілігі:текшелер,мазмұнды суреттер.

Сабақтың барысы:

I.Ұйымдастыру кезеңі.

Тәрбиеші:

Тіл – халық тарихы, тіл – ұлттық қазына, тіл – біздің намысымыз,арымыз, байлығымыз барымыз.

Бүгін біздер тіл апталығына байланысты «Тіл ашар» сабағын өткізгелі отырмыз отырмыз.

Балалар:Күндей жадырап,

Жұлдыздай жарқырып,

Судай мөлдіреп,

Бүгінгі сабағымызды бастаймыз.

Тәрбиеші:Балалар,енді бір-бірімізге жылы лебіздер тілейік мына күннің бетін ашайықшы.

1-бала:Еліме тыныштық тілеймін!

2-бала: Ата-анамыз аман болсын!

3-бала:Аспанымыз ашық болсын!

4-балаДеніміз сау болсын!

5-бала:Нанымыз көп болсын!

7-бала:Көк туымыз биік болсын!

8-бала:Күніміз жарық болсын!

Тәрбиеші: Жылдың қай мезгілі? (күз мезгілі)

-Күз мезгілінде табиғатта қандай өзгерістер болады?

-Күз мезгіліне байланысты тақпақ білесіңдер ме?

Балалар:

Берекесін сыйлауға,

Өлкемізге күз келді.

Жемістерін жинауға,

Шақырады біздерді.

-Күз мезгілінде неше ай бар?(3 ай бар)

-Күз айларын кім айтады?(қыркүйек,казан,қараша)

-Бір аптада неше күн бар?(1 аптада 7 күн бар)

Балалар:

Дүйсенбіде доп ойнадық алаңда,

Сейсенбіде серуен құрдық далада,

Сәрсенбіде сурет салдақ сәнді етіп,

Бейсенбіде би биледік әндетіп.

Жұма күні жидек тердік қыратта,

Сенбі күні суға бардық бұлаққа,

Жексенбіде үйде болдық, демалдық,

Осылайша өте шықты бір апта.

Бүгін аптаның нешінші күні?(төртінші күні,бейсенбі)

Жарты шеңбер жасап отыру. Доппен ойнау.

• Сенің аты-жөнің кім?

• Жасың нешеде?

• Қай республикада тұрасың?

• Қазақстанның бас қаласы қай қала?

• Елбасы кім?

• Мемлекеттік тіл қандай тіл?

Жұмбақтар шешу (жауабын буынға бөлу)

Сергіту сәті.

Тіл туралы тақпақтар жаттау.

Ана тілін ардақтап,

Ана тілін біз сүйдік.

Сурет салып,ән жаттап,

Оқып, жазып үйрендік.

Тілім менің тірегім,

Мақтанышым,жүрегім.

Қуат алып өзіңнен,

Қыран құстай түледім.

Қорытынды

Бүгін сабақта не істедіңдер?

• Күннің бетін бұлттардан аштық.

• Жыл мезгілдерін аттадық.

• Отан,елтаңба,Астана туралы жаттаулар айттық.

• Тіл турала жаттаулар айттық.

- Міне,балалар,біздің сабағымызда аяқталды.