Ана тілім-дара тілім

Ана тілім-дара тілім!

Қарағанды облысы, Қарағанды қаласы

«№137 негізгі орта мектебінің»

8 «А» сынып оқушысы

Еренсизова Ақбота

Ана тілім- ата-бабамыздан мирас болып келе жатқан баға жетпес мұра. Әр адам ана тілін көзінің қарашығындай қорғауға, оның тазалығын сақтауға тиіс. Қазіргі таңда тіл мәселесі бойынша елімізде мемлекеттік тілдің қолданылу аясын кеңейту мен оған деген құрметті арттыру мақсатында көптеген іс-шаралар ұйымдастырылуда. Алайда мені тіліміздің қазіргі жайы толғандырады. Әсіресе жастар, өкінішке орай ,ана тіліне менсінбей қарайды. Бүгінгі таңда біздің ортада неге ана тілін білмейтіндер көбейді? Көшеде жүрген екі қазақтың бірі орыс тілінде сөйледі, дүкенге барсақ та, қоғамдық орындарда жүрсек те көретініміз, еститініміз – сол. Жасы да, кәрісі де тілін бұрап орыс тілінде сөйлеп,өз ана тілінің қадірін түсінбей жатқаны. Өз ана тілінде ойын жеткізуге не себептен үйренуге тырыспайтыны мен үшін түсініксіз.Жалпы, қай тәрбиенің де бастауы отбасынан басталатыны рас, әр қазақ өз шаңырағында қолға алуы тиіс.Адам баласы тек қана білім арқылы дүниенің құпия сырын ашады. Ал білім алдымен тіл арқылы игеріледі. Тіл отбасында қалыптасады, бойға ұялайды.

Ең жақсы адам-ана тілін құрметтеген адам. Бұл сенің басқа тілді меңгеруіне бөгет болмайды. « Өзге тілдің бәрін біл, өз тіліңді құрметте!», -деп ақын Қадыр Мырза Әли атамыз айтқандай, басқа тілді біле отырып, ең алдымен сәби кезімізден қанымызға сіңіп келе жатқан ана тілімізді әрқашан құриметтеуіміз керек.

Тіліміз біздің бірінші байлығымыз, ырысымыз, қазынамыз. Ана тілін ұмытқан, білмейтін адам өз халқының өткенінен де , болашағынан да қол үзеді. Сондықтан да өз тілімізге жауапкершілікпен қарайық. Тіліміз –елді, қоғамды біріктіруші қуатты күш. Қазақ елінде, қазақ жерінде, қазақ тілі –мемлекеттік өркендеуі қажет , оған тек қазақ халқының ұрпақтары ғана емес, бүкіл Қазақстан елінде өмір сүріп жатқан адамдар үлес қосу керек. Тілдің ғұмыры уақыт тәрізді мәңгілік. Ана тілі – өткеннің ұрпаққа қалдырған аманаты, бүгінгі күннің абыройы , ертеңгі күннің кепілі. Тіл тағдыры- ел тағдыры екенін еш уақытты ұмытпайық. Әрбір адам өз ана тілін білу және

Мемлекеттік тілін меңгеру міндетті.