Тақырыбы: Анаға мың алғыс

Күні: 06.03.2026

Өтетін орыны: АКТ залы

Жүргізуші: Керейбай Ілияс, Қайыржан Санжар

Жүргізуші:1

Біз ғана емес, қадір тұтқан бабалар.

Аналардан туған небір даналар.

Ана деген тіршіліктің тірегі,

Армысыздар, қасиетті аналар!

Жүргізуші:2

Кеш жарық, қымбатты ұстаз - аналар, арулар! Көңілдеріңізге көктем шуағындай сезім мен нұр құйып, тағы да 8 - наурыз халықаралық әйелдер күні келді. Осынау көркем мерекенің қай кезде де орны бөлек. Олай болатыны, аналарға деген ыстық сезім, алғыс пен құрмет ешқашан сөнбек емес. Олар - өмірдің гүлі, көңілдің жыры, әр отбасының алтын діңгегі. Мынау тынымсыз тіршілік пен кең дүниенің өзі тек аналармен ажарлы. Бүгінгі арайлап атқан нұрлы таңмен бірге әрбір сәби жүрегі өзің деп соқса, бүгінгі мерекелік кешіміз де аналарға арналады.

Жүргізуші:1

Десек те уақытпенен жарыспайды,

Қияға қиялменен қарыштайды.

Шәкірттер шын жүректен тебіреніп

Өнерлерін анаға бағыштайды. Хор бастауыш сынып оқушылары, Менің анам алтын.

Жүргізуші:2

Ана десем шешек ашып жанары.

Өмірімнің бастау алар ажары.

Ана деген тіршілікке пана боп,

Әрбір үйде жұлдыз болып жанады, - дей отырып, алғашқы мерекелік құттықтау сөзің мектеп директоры Әсел Казезқызына береміз.

Ән. Аружан мұғалім

Жүргізуші:1

Көңілің Алатаудың ақ қарындай,

Мейірімің күннің шуақ шақтарындай.

Қалайша аяулы ана тына алармын,

Ән болып сағыныштан ақтарылмай, - деп абзал аналарымыз бен қырмызы қыздарымыздың құрметіне мәнерлеп оқуға кезек берсек. Салтанат, Балсезім, Аяжан, Айару

Би. Бастауыш сынып ұлдары

Жүргізуші:2

Ана деген – бастауы ұлылықтың.

Ана деген - рәмізі сұлулықтың.

Ана деген - бір жыр бар шырқалатын,

Асқақтатар биікке ұрпақ атын.

Жүргізуші:1

Олай болса ортаға қарсы алайық.

Дауысына сүйсініп тамсанайық.

Ерке ұлдың талантына тәнті болып,

Уа, халайық, жұмыла қол соғайық!

Жүргізуші:2

Әркімнің де өмірден аласы бар,

Аласы бар адамның анасы бар.

Мерекесін құттықтап аналардың,

Өнерлерін жолдайтын 6- сынып ұлдарын қарсы алайық. Ән Мамау

Жүргізуші:1

Тіршілікке нәр берген ана сүті қандай құдіретті. Әлемдегі жақсылық көзі, адамдық қасиет, ақ тілек мейірбандықтың бәрі ана деген сөзбен астасып жатыр.

Аяулысың, аналар асылдарым,

Жайнасын көңілдердің жасыл бағы.

Сендер үшін ән менен күй, өлең мен би,

Сендер үшін мереке шашулары,- дегендей, алдарыңызда қыздардан бір би болсын.

Жүргізуші:2

Аналар адамды бесігімен баулиды... Өмірдің іргетасы солардың қолымен қаланады. «Жәннәт-аналардың аяғының астында» деп, ислам діні әйелдерді ерекше құрметтейді. Егер де бір үйде қыз бала дүниеге келсе, береке молшылық, бейбітшілік болады, ата-анасына қуаныш әкеледі деп жорыған екен.

Теңіздей тербетіліп көл бетінде,

Бишілер билеп кетті тербетіле.

Аққудай қалықтаған теңіздегі,

Бишілер өнерлерін көрсетуде,- алдарыңызда ән анашым. Жас мұғалімдер

Жүргізуші:1

Мен ана деген сөзді қанша айтсам да жалықпаймын. Өйткені , Ана дүниедегі ең ардақты жан. Ана баланы дүниеге келтіріп қана қоймайды, оны көзінің қарашығындай қорғап, аялап өсіріп аяғынан тік тұрғызады. Өмір есігін жаңа ашқан баланың бойына елінің рухын сіңіретін, жүрегіне жылу сыйлайтын ана. Келесі кезекті әсем әнге берсек. Арсен мен Санжар.

Жүргізуші:2

Ана, Сен бақыттысың! Жыламағың.

Жай түсіп жатқанда да құламадың.

Тәңіріңнен мен едім ғой сұрағаның,

Сондықтан жыламағын, жыламағын!

Жүргізуші:1

Бармын ғой, Тірімін ғой, Қасыңдамын.

Өлмеймін, мен өзіңдей асылданмын!

Таусылып, өз - өзіңнен шашылмағын,

Байырғы берекеңді қашырмағын!

Жүргізуші:2

Мен сенің қанықпын ғой көз жасыңа,

Өзім кепіл тот басып тозбасыма.

Екі жыр жазсам саған бірін арнап,

«Ана» деп жаздым ылғи сөз басына.

Жүргізуші:1

Тәңірім кеше көрсін кесірімді

Аспанға жазам сенің есіміңді!!!

Ана! Сен бақыттысың, бақыттысың

Тербете бер, Құба талдаи иілген бесігімді. Ән Қыздар 7-9 сынып қыздары

Жүргізуші:2

Әйел-Ана, Әйел-Өмір, Әйел-тіршілік өзегі. Өмір бесігінде іңгә тербетіп, адамзат баласына ұрпақ сыйлар ұлы құдірет иесінің есімі әрқашанда қастерлі, сөзі-өсиет, тұғыры биік. Алтын құрсағынан адамзаттың алабы жаратылған асыл ананың жүрегі үлкен, жүзі мейірімді, қолы қайырымды. Көңіл шуағына мейірім төгілген аяулы жанның өмірден алар несібе жемісі-алтын босағасы мен сүйкімді перзенті болар. «Анаңды Меккеге үш рет арқалап апарсаң да қарызыңнан құтыла алмайсың» деген ұлы ғұламалардың сөзі бар. Шынымен солай. Адамзат жүріп өткен небір ауыр жол, алмағайып заманнан ұрпағын аман-есен бүгінгі күнге жеткізген әйел-ана құдіретін жырмен өрнектеп, әнмен әлпештеп, сөзбен айтып тауысу мүмкін емес. Ана-болашақтың демеушісі,ұлттың жебеушісі,сәбилердің бақыты. Көрініс Қыздар жатаханасы 7- сынып

Жүргізуші:1

Ана –барлық қиындықты жеңетін сарқылмайтын күш,тіршіліктің қайнар бұлағы.Қазақ әйелінің дастарханы тоқ,қонағы ырза,дүниесі түгел.Олар үшін бірінші орында отбасының берекесі тұрады.Бөбегін бесікке бөлеп,әлдилеп аялаған ана бақыт құшағында емес пе?!

Бір өзіңнен бастап өмір жолдарын,

Жүрегіңе,жүрегімді жалғадым.

Өзің мына сыйға берген өмірде

Ақ сүтіңді ақтап өту-арманым. Ән Ілияс Шыңғыс.

Хор 9- сынып

Жүргізуші:2

Демеңіз біз өнерді аяп қалды,

Мезгіл де біраз жерге таяп қалды.

Қош болып тұрыңыздар көріскенше,

Осымен концертіміз аяқталды.

Бірге

Сау-саламатта болыңыздар!