«Анамыздың мейірімді жүрегі» атты ертеңгілік МАД топ

Музыкамен залға балалар кіреді.

Тәрбиеші:            Бар жақсылық күллі әлемге тараған              Аналардың ақ нұрынан жаралған          Құтты болсын мерекеміз бүгінгі,             Ардақты аналарға арналған

Парный би

Тақпақтар: :              Аналарды сүйеміз, Сөзін ойға түйеміз!              Әрқашан біз ардақтап, Әжеге бас иеміз!              Сенен өскен балалар – Батырлар мен даналар.              Құттықтаймыз мейраммен, Құрметті апа, аналар!

Ардақты ана‑ аяулы ана қымбаттым,             Тәтті ұйқыңды бөліп талай түн қаттың.              Өміріме нәр бердің ақ сүтіңмен,              Кең құшағың‑ аясындай гүл бақтың

Құтты болсын ақ анам,             Сегізінші наурызың!             Қасымда бол әрқашан,             Жансын жарық жұлдызың.             Тілейді бақыт бір саған,             Әлпештеген ұл‑қызың.

Құрметтейік, о адамдар аналарды,             Бізді өмірге әкелген аналарды.             Себебі ана деген асыл жан ғой,             Ойлауменен істелік әр қадамды.

Тәрбиеші: Құрметті біздің әжелер мен аналар, бүгін біз мерекеде сіздерді демалу              үшін шақырдық. Айтыңыздаршы аналар сіздер үйде демаласыздар ма?

Білесіздер ме біз бұл сұрақты балаларға қойып көргенбіз.Әрине, сіздердің күнделікті              қайталанып отыратын жұмыстарыңыз көп: үй тазалау, тамақ жасау, кір жуу,              балаларды мектепке апару. Десек те соңғы сұрақтардың нәтижесінде аналарымыз             теледидар көріп демалғанды ұнататынын, сүйікті бағдарламаларыңыз барын             түсіндік. Ендеше біздің балалар, сіздерге қажетті бағдарламалар дайындап қойды.               Енді «Жұлдызша» телеарнасынан өздеріңіздің сүйікті бағдарламаларыңызды               көріп     тамашалауға шақырамыз.

1-бала  Сегізінші наурызға,                           Сыйлаймыз деп сыйлықты                           Анамызға іздедік.                                                                                                          Әтір ме, далап па, каробка кәмпит пе,                           Әдемі открытка, бәйшешек гүлі ме,                       Мүмкін брошка деп шештік,                                 Аралап барлық дүкенді                           Таңқаларлық таппадық еш сыйлықты.

2- бала Көөп ойландық сыйлықты біз іздедік,                           Айтыңдаршы қай дүкенді көрмедік. Иә, иә, иә.                              Тон алайық десек шамамыз жоқ,                              Дубайға жолдама ала алмадық,                             Көлік алуға әкем ақша бермеді,                              Не сыйлаймыз аналарға енді біз?

Балалар: «Жұлдызша» телеарнасына билет!!!

2 бала: Бүгін тек сіздер үшін мерекелік бағдарлама «Анамыздың мейірімді жүрегі».

1. 1 бала шығады: Сіздермен «Ана мен бала» бағдарламасының жүргіжушісі,                   мен...              Біздің сүйікті асыл аналарымыз, көктем көзін сіздермен бірге мейірімді етіп ашуда,              сіздердің мейірімдеріңіз жүрек жылытады. Бүгін сіздерді мерекелік бағдарламада              «Жұлдызша» тобының балапандары құттықтауда, қазір тікелей эфирден олардың               құттықтауларын қабыл алыңыздар.

Шуақты көктем келді гүлін алып,              Көктемнің мерекесі бүгін анық.                                                                              Өмірдің көктемі де, гүлі аналар,             Ана деп бас иеді күллі халық.

Ана деген бәйтерегі өмірдің,             Ана деген қуанышы өмірдің.              Ана деген әрбір үйдің жылуы,           Ана деген гүлі туған өмірдің.

Айналдым ана деген асыл аттан,              Шуағын бар әлемге шашыратқан.              Ойнап жүрген құлынын даладағы,             Үйде отырып дауысынан ажыратқан.

Сәл ғана көрмесең,               Сағынып қаласың,               Қамқоршымсың анашым,                Мен үшін не керек,              Бәрін тауып бересің.

Мейірің ерекше              Өзгеден анашым,              Теңеймін күнге мен,              Көзіңнің қарасын.              Өзіңмен бірге мен              Жайнаймын анашым.

Ән «Сәби тілегі»

2. Назарларыңызға «Ауа райы болжамы» бағдарламасын ұсынамыз. Жүргізушісі                 мен...

Бүгінгі ауа райы болжамында «Жасұлан» балабақшасында күн бұлтты, жауын‑             шашын болады, ауа температурасы +2 градус. Міндетті түрде қолшатыр алуыңызды              сұраймыз.

Би «Қолшатырлар»

3. Қазір сіздердің назарларыңызға «Көріпкел» бағдарламасын ұсынамыз. Қазір біз             аналарымыздың «Өз балаңды қолынан таны» ойыны арқылы қандай көріпкелдігі бар             екенін білеміз.

Ойын.

4.Келесі бағдарлама «Әзіл әлемі». Сіздермен бірге мен Альтаир.            

Қайырымды, қасиетті ең ардақты ақ әжем,                Әрбір сөзі өсиетті, баға жетпес ақ әжем,                Аман есен жүріңізші бар тілегім сол әжем,‑ деп ортаға Шмән әжемізді шақырамыз.

Сценка

‑Достар, әжеміздің көңілі көтеріліп қалсын, оған арнап ән, тақпақтарымызды айтып              берейік.

Тақпақтар Әже деген көп шығар,              Әжемдейі жоқ шығар.               Мейірімді бұл кісі              Қандай ғажап күлкісі.

«Айналайын» дегені              Жанға рахат береді.               Көңіліңді табады,               Әнді қалай салады.

Ертекке ол сенеді‑              Күнде айтып береді.              Ертек қандай көп еді,              Таусылмай‑ақ келеді.

Таусылмайды өлеңі,              Күнде айтып береді.               Барған сайын қонаққа               Кәмпит алып келеді.               Әжем мені өйткені               Өте жақсы көреді.

Аналарды сүйеміз             Ақылын ойға түйеміз.             Әжені де ардақтап              Әдеппен бас иеміз.

Ән: «Жақсы көрем әжемді»

Ортаға 2 қыз шығады:

5. Келесі бағдарламамыз «Дала дәмі».

«Дала дәмі»бағдарламасын бастаймыз,                  Балаларға арналған рецептен қашпаймыз                  Аналарым жақындаш,                   Рецепт жазып тастаймыз.

Егер үйде жалғыз қалсаң              Келеді саған көмекке             «Батыл аспаз» қонаққа               Келіп сені ойнатады              Қазанға ас қайнатады.

«Аспаздар» ойыны

6. Келесі бағдарлама «Биле Қазақстан!»

             Құрметті аналар!              Теледидар қосайық,              Әсем әуен, көңіл күймен             «Ұлдар» биін қарсы алайық!

Би «Ұлдар»

7. Ортаға ұл мен қыз шығады:

Эфирде «Сен сұлу» бағдарламасы, оның жүргізушісі мен Ескендір және Альмира.

Мерекеде бүгінгі,               Бренттегі көйлекті,                Парижский модамен үлгі етіп киеміз,                Бізді ең сұлу, әдемі, принцесса деңіз.

Өспей жатып біздің қыздар              Требует модалар              Ұйықтағанша сәнденіп,              Тобымызда әндетіп,               Бір бірінің шашын тарап,               Тұрады күні бойы айна қарап.

-Мінекей көктем де келіп қалды, сондықтан біздің аналарымызға сән әлеміндегі            трендтерді ұсынамыз.

-Ендеше сәнқой қыздарымызды ортаға шақырайық!

Көктемгі киім сән үлгісі

8. ‑Назарларыңызда кезекті «Ән мен әнші» бағдарламасы. Оның жүргізушілері              сабырлы Мұстафа мен мен‑ әзілкеш Али. Мұстафа, сен осы білесің бе «Шеше, сен              бақыттысың, бақыттысың» деп жырлаған ақынды?

‑Әрине білемін. Ол‑ Мұқағали Мақатаев. Ал, сен «Маңдайымнан сипаған, Жылы              киіп жүр балам» деп ән шырқаған әншілерді білесің бе?

‑Әрине. Олар «Жұлдызша» тобының жас орындаушылары.

‑ «АНА» әнін қабыл    алыңыздар,  аналар!

Ән «Ана»

Демеңіз біз өнерді аяп қалды,                Мезгіл де біраз жерге таяп қалды.                Қош болып тұрыңыздар көріскенше,                                                                      Осымен бағдарламамыз аяқталды,