Педагогтың аты жөні:

Күні:

Сыныбы:

Қатысушылардың саны:

Қатыспағандардың саны:

Тақырып сынып сағатының:

«Ананың аялы алақаны» челленджі

Сабақтың мақсаттары:

Оқушыларды ананың еңбегін ақтауға, анаға деген сүйіспеншілікке, ананы құрметтеп, сыйлауға тәрбиелеу 

Құндылық

Тәуелсіздік және отаншылдық

Дәйексөз

Тәуелсіздік – тәтті сөз ғана емес, ұлттық жауапкершілік

Сабақтың барысы:

Сабақтың кезеңі/ Уақыты

Педагогтың іс-әрекеті

Оқушының іс-әрекеті

Ресурстар

Ұйымдастыру кезеңі (5мин)

Ұйымдастыру кезеңі

Оқушылармен амандасу.

Шаттық шеңбері: Балалар бір-біріне жылы тілектер айтып, сабақты жағымды атмосферада бастайды.

Сабақтың тақырыбы мен мақсатын таныстыру.

Оқушылар мұғаліммен амандасады,түгенделеді.

Психологиялық ахуа

2. Сабақтың ортасы.

5 – 45 мин

Оқушылардың білімін өзектендіру

Қозғалысқа толы қала:

Ана-өмір қолдаушысы әлемнің 
Шаңырақтың шаттығы мен шуағы 
Сейілмесін жанарынан ананың 
Тіршілікке төккен нұрлы шуағы 
Аялайық аналарды әрдайым 
Қуанышқа бөлейікші өздерін 
Әжелердің,аналардың,қыздардың 
Мұң шалмасын күлім қаққан көздерін 
Ана- барлық өмірдің бастауы. Ол адамды өмірге әкеледі, оны тәрбиелейді,өсіреді. Адам бойындағы барлық асыл қасиет күннің нұрынан, ананың ақ сүтінен дариды. Ана -ұлы адам, Ана-құдіретті жан ,ендеше бүгінгі мерекелеріңіз құтты болсын, 
Аяулы аналар!!! 
Арулар! 
Сіздерді әйел жанымен байланысты тамаша көктем мерекесі – 8 Наурызбен шын жүректен құттықтаймын! Алғашқы көктем мерекесі Жер бетіне өмір сыйлаушы нәзік, ақылды, сымбатты, мейірімді жандарға арналғаны қандай тамаша мереке ! 
Тәуелсіз еліміз тұрғындары ертеңгі күнге сеніммен қарайды. Бұл сенімділік қойылған мақсаттарға қол жеткізуге және ауқымды жоспарларды іске асыру мүмкіндігіне көмектеседі. Әлемдегі ең асыл жан ол – Ана десек , жүрегімізде сүйікті жанға деген маххабат сезімі оянады. Ана бұл аяулы да мейірімді жан. Баланың тілі шыққаннан –ақ бірінші сөзін ана деп айтады. Өмірдің есігін ашқаннан соң осы өмірдегі өзіңнің жан анаңды көресің. 

Осы бір «АНА» деген үш әріптің аясында адамзат баласын қуаныш сыйлар қаншалықты қасиет бар десеңші! Ару-ана, Ару-асыл жар, Ару – көңілдің гүлі, 

Ару - өмірдің жыры, тіпті айта берсең сөз жетпейді. Әйел бір қолымен бесік тербетсе, екінші қолымен әлемді тербетеді деген екен бір ғұлама. Қандай нақты айтылған ой десеңізші! Расында бар әйел қауымынсыз мына әлемді елестету мүмкін емес! Иә, Құдайдан кейін құдірет иесі – ана. Мына жарық дүниеге әкелген Ана алдында бәріміздің де бас иетініміз сондықтан десек, бүгінде ұрпақ өсірумен қатар, ел еңсесін көтеріле түсуіне өз үлесін қосып келе жатқан қазақ әйелдері қандайда 
болмасын құрметке лайық. Бүгінде қоғам өмірінің әйелдер араласпайтын саласы жоқ десе болады. Бірі ғалым , бірі саясаткер, енді біреулері дәрігер, кәсіпкер тізе берсең жалғаса береді. Солардың бірі аяулы ұстаздар. Аналар өмірдің барлық саласын меңгергеніне шүбә жоқ бас иеміз. 

1-оқушы: 
Өзіңе еліктеп өсермін 
Борышты өтермін қалайда 
Тым нәзік, жұтаңдау жырымды 
Жүректе жылытшы, жарай ма? 
Хор «Ананың тілі.» . 
Мұғалім: -Аялы алақан ойыны 
Аналардың көзін байлап, оқушылардың ішінен өз балаларын тапқызу 
2-оқушы 
Азамат қуат алар ақ сүтіңнен, 
Мәпелеп әлдилеген пейілі кең. 
Аналық махаббатың кәусәр-бұлақ, 
Сөнбейтін ақ жүрегің мәңгі шырақ. 
Ән де шырқап, ойын да ойнап жатырмыз. 
Асыл ана бәрі осының сіздің ғана арқаңыз. 
3-оқушы: 
Дүниенің жарық күні анамыз 
Дана болсақ анаменен данамыз 
Тыңдаңыздар, көңіл қойып ағайын 
Анаға арнап тағы бір ән саламыз 

4-оқушы:
Құшағыңа кіргенде,
Жылынамын бір демде
Не жетеді көзіңе
Мейірімді күннен де

5-оқушы:
Үн қатасың бал тілмен,
Еркелеймін әр күн мен.
Құттықтаймын анашым
Сегізінші Наурызбен.

6-оқушы::
Ана дейміз бәріміз де аңқылдап
Ана дейді жас сәби де жарқылдап
Ана деген-бәйтерегі өмірдің.
Ана деген –алтын қазық, алтын бақ.

7-оқушы:
Ана деген- асыл жандар болаттай
Ана деген- мөлдір жандар бұлақтай.
О, адамдар қадірлей біл ананы
Жат қылыққа ақыл-ойды тонатпай.

8-оқушы:
Ана десем сезім билер тым ыстық
Жарасымды адамдарға туыстық.
Бар адамға берсе ананың мейірін,
Орнар еді бар әлемге тыныштық.

9-оқушы:Ана десем, шешек атып жанары
Өмірімнің бастау алар жаңа әні.
Ана деген тіршілікте пана боп,
Әрбір үйде жұлдыз болып жанады.
Мұғалім: 
Ән «Анаға сәлем» 
Мұғалім: Гүл құрастыру. 
Мына гүлдерді көзін байлап орнына құрастыру 
Мұғалім: - «Анашым» әні 
-Ерте заманның бірінде қазақ даласына шабуыл жасаған дұшпанның қалың қолы бір қаланы қоршап алады. Қалаға келетін ауыз суды тоқтатып қорғаннан өте алмаған жау халықтың берілуін күтіпті. Бірнеше күн өтсе де, қала берілмепті. 
Сонда дұшпанның әскер басы мынадай бұйрық шығарыпты. 
- Қаладан көтергенше жүк алып, әйелдердің кетуіне рұқсат етемін,- дейді 
Әйелдер бір-бір қапшық арқалап қаладан шығып кетеді. 
Дұшпан қалаға кіріп қараса, бір де бір еркек жоқ. 
Әйелдер ер азаматтарын қапқа салып көтеріп кетіпті. 
Кішкене қыздар ұл балаларды,кемпірлер шалдарды көтеріп қаладан шығып кетіпті. 

-Осылай бір халықты әйелдер аман алып қалған екен. 
Кішкене қыздар ұл балаларды көтеріп шығарыпты. 
Сен осылай жасай алар ма едің? 
- Мүмкін мен тек біреуін ғана алып шығар ма едім? 
-Ол бақытты жан кім екен ? 
- Білмеймін. Тек күшімнің келері сол болар дегенім ғой. 
Алтын анам жасымнан аялаған, 
Мен үшін игілікті аямаған. 
Сабақтан шаршап үйге келгенімде, 
Бал сөзі жаным деген сая маған. 

-Мұсылман қауымы анаңды Меккеге үш рет арқалап апарсаң да парызынан құтылмайсың деген екен. 
-Бәріміз де ана алдында борыштармыз. Сол борышты өтеу бізге міндет. Сынып оқушыларының орындауында «Әлемнің жарығы.» әнін 
қабыл алыңыздар! 
Мұғалім: 
-Сөзімнің соңын мынадай оқиғамен аяқтағым келеді: Екі дүниенің сардары, кісіліктің киесі өмірдің үлгісі болып, Аллаһтың хақ дінін насихаттаған пайғамбарымыз Мұхаммед (с.ғс.) –ға сахабалары келіп 
-Алланың елшісі бұл өмірде кімге бірінші сәлем беру керек деп сұрағанда: - Ол анаңа,- деді, екінші кімге дегенде: - тағыда Анаңа,- деді, үшінші кімге дегенімізде: -тағыда Анаға,-деді төртінші кімге дегенді: 
-Әкеңе,-деді . 
Міне бұл тек аналарға деген ерекше құрмет. Осындай хақ діннің заңына бағынған халқымның салт-дәстүрін құрметтеген адам аналарын құрметтеуі тиіс. Әрқашан да аналар беделі биік болсын!-дей отыра тәрбие сағатымызды аяқтаймыз.

Қауіпсіздік сабағы

«Жағдайларда ата- аналарға сену неге маңызды?»

Оқушылар мұғалімді тыңдайды

Дескриптор:

Тыңдайды , сурақтарға жауап береді

Дескриптор:

Тыңдайды , сурақтарға жауап береді

Дескриптор:

Сұрақтарға жауап береді

Дескриптор

Балалардың жауаптары

Дескриптор:

Тыңдайды , сурақтарға жауап береді

Суреттер

Суреттер

Карточкалар

https://www.youtube.com/watch?v=QO-rBfC4lcY&t=2s

е3. Сабақтың соңы.

40 - 45 мин

Р ефлексия жасау.

Мұғалімнің сұрақтарына жауап береді, сабақтағы іс-әрекетін бағалайды

Рефлексияға арналған суреттер.