Анашым

Анашым

Анашым менің -өмірдегі тірегім,

Анам менің кеудемдегі жүрегім.

Егер менің қасымда сен болмасаң,

Бұл өмірде қалай ғана жүремін....

"Жердің жұмағы аналардың табаны астында " дегенді біреу түсінсе,біреу бұл сөздің мәнісін түсіне бермейді.Менің ой толғауым ең асыл да, қымбатты жан -ана жайлы болмақ.Ол біздің тілеуімізді тілеп,тек біздің жағдайымызды жасап,алыста жүргенде хабар күтіп,алаңдап отыратын асыл ана ғана екенін өзіміз аналы болғанда ғана түсінген сияқтымыз.Иманды болғай оның қайтқанына бірталай жыл толыпты.Сағынасың,аңсайсың бірақ не илаж өмір осылай жалғаса береді. Әрине, тұмсықтыға шоқтырмай,қанаттыға қақтырмай өсіріп,өмір сыйлап тәрбие берген анашымды еске түсірмесем болмас.

Ана!Осы керемет сөзді қанша рет қайталасаңда,айта бергің келеді,айтқан сайын ләззат алып,бойыңа күш-қуат құйылатындай. Дүниеде анадан асқан дана,мейірімді,анадан асқан жан жоқ шығар.Асыл анамыз бізге жарық дүние сыйлады,әлемнің сан қырлы қияларына жол ашты.

Орыстың ұлы жазушысы М.Горкий"....Дүниеде не жақсылық болса,соның бәрі ананың ақ сүті мен күннің нұрынан жаралған"деген сөзі еріксіз еске түседі.Ана үшін бала-бақыт.Ананың балаға деген махаббаты таусылмайтын,шексіз сезім.Бауыр еті баласының бақыты үшін өз жанын қашанда құрбан етуге даяр әр дайым ана емес пе?!Аузынан жырып баласына беретін,түн ұйқысын төрт бөліп,сәбиі үшін өмір сүретін ата-ананың ақысын төлеу жер басып жүрген әрбір перзенттің парызы мен атқарар борышы.Өйткені,анамыздың бетіндегі әжімінде баласының қуанышы мен қайғысы,жүріп өткен жолы бар.

Мұхаммед пайғамбарымыздың хадистерінде "Әуелі анаңа,тағы да анаңа,содан соң әкеңе жақсылық жаса","Егер әкең мен анаң бір мезгілде үн қатса ,әуелі анаңа жауап бер" деген сөз бар."Ата-анаңның қадірін-балалы болғанда білерсің"деген қазақтың ұлағатты нақыл сөздеріне

келсем,шындықтың түбіне көзім жеткен сияқты.

Қазіргі кезде мен де анамын.Анамның берген тәрбиесін,ақылын бойыма жинап,сол кісіге ұқсағым келеді.Ананың шуағымен жылынып,ана құшағында мейір алып жүрген біз -аналарды мәңгі қадірлеп,қастерлеп өтейікші!