Ақкөңілділік туралы

Мақсаты: Оқушыларға ақкөңілділік қасиеттің маңыздылығын түсіндіру арқылы қиянат жасамау құндылығының мәнін ашу.

Міндеттері:

1. Білімділік: Оқушыларға ақкөңілділік қасиетін түсіндіру.

2. Дамытушылық: Оқушылардағы жанашырлық, ақпейілділік, ақкөңілділік қасиеттерін дамыту.

3. Тәрбиелік: Оқушыларды шынайы болуға тәрбиелеу.

Ресурстар:

(материалдар, дереккөздер)

Сабақтың барысы:

1. Ұйымдастыру кезеңі.

5 Т ережесі:

1. Тәртіп.

2. Талап.

3. Тыныштық.

4. Тазалық.

5. Татулық.
   Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, әр күнімізді татулықпен өткізейік.

1. Тыныштық сәті. Нұрға бөлеу.

(Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініп, арқаларын тік ұстауын қадағалаймын. Жайлы, баяу музыка ойналады).

2. Үй тапсырмасын тексеру.

Ермек Өтетілеуов «Рақым» әңгімесі

Сұрақтар:

1. Сағаттың кеудешені ұсыну себебі неде?

2. «Шын жақсыда тарлық жоқ», дегенді қалай түсінесіңдер?

3. Сағаттың іс – әрекетінен қандай үлгі алуға болады?

4. Ақкөңілділікті адамның бойындағы тағы қандай қасиеттермен теңеуге болады?

5. Өзіңнің ақкөңілділік танытқан кезің болды ма? Қалайша?

3. Сабақтың дәйексөзі. Дәйексөзді қайталап айтқызып жаттату.

Ақкөңілдік – адам ойының тазалығының көрінісі.

Жүсіп Баласағұн

Сұрақтар:

1. Ақкөңіл адам деп қандай адамды айта аламыз?

2. Таза ой дегенді қалай түсінесің?

3. Дәйексөзден қандай ой түйдіңіз?

4. Оқиға айту (Мұғалім сыйы)

Ағайындылар

Бір ауылда екі ағайынды тұрыпты. Үлкені үйленіп, әке-шешесімен бірге тұрады, ал кішісі ауылдың шетінде тұрды. Екеуі де көп еңбектенсе де, өмірлері қиын болды, олар байымады. Бірде қуаңшылық жыл болады. Ағайынды екі жігіт бірлесіп егін салды. Шыққан өнімді екуі теңдей бөлісіп алды. Бірақ інісі бұл шешімге іштей келіспеді. Інісі былай ойлады: «Ағамның жағдайы қиын, әйелі мен балалары, әке-шешеміз - соның мойнында. Өзімнің қорларымнан бірнеше буда бидай апарып берейінші» -дейді.

Солай ойлап, жүріп кетеді. Қараңғыда жолда ол өзі сияқты бидай апара жатқан адамды көреді. Ойлағанын іске асырып, үйіне келсе, таң қалады: ондағы жиырма буда бидайы сол қалпында тұр екен. Арқасына қайтадан төрт буда бидай көтеріп, тағы да ағасына кетеді. Тағы да сол бейтаныс адамды көріп, ол өзінің ағасын таниды. Ағасы да солай ойлаған: «Інім қиналып жүр ғой, оған көмектесіп жіберейін».

Сұрақтар:

1. Ағайындылардың бір-біріне көрсеткен қамқорлықтарын немен түсіндіруге болады?

2. Ағайындылар бір-біріне неліктен жасырын түрде жақсылық жасады?

3. Жанашыр бауырдың бойында қандай құндылықтар мен қасиеттер болады?

4. Өздерің бауырларыңнан шынайы қамқорлық сезінгенде қандай күйде боласыңдар? Әңгімелеп беріңдер.

5.Шығармашылық жұмыс, жұптық жұмыс.

Оқушыларды түстер бойынша жұпқа бөлу.

1. тапсырма.

Ақкөңілділік қасиетті қандай сөздермен сипаттауға болатынын анықтаңдар.Ақкөңілділік қасиетін гүл күлтелеріне орналастырып, жұбына сыйлау.

Ой сергек. Берілген суреттерді ақкөңілділік қасиеттеріне қарай таңдау.

2- тапсырма. «Автор орындығы» әдісі бойынша қажетті сөздерді пайдаланып, сұрақтар қою.

3-тапсырма. Жеке жұмыс.

Сөйлемдерді өз ойларыңмен жалғастырып, дәптерге жазыңдар.

5. Топпен ән айту. «Жас дәуірдің гүліміз»

7. Үй тапсырмасы.

Е. Өтетілеуов «Мейірбан» әңгімесін оқу

8. Сабақтың қорытынды сәті.

Баяу музыка қойылады.