Ұйымдастырылған іс-әрекеті

Ұйымдастырылған іс-әрекет міндеттері

Дене тәрбиесі

Негізгі қимылдар

Жүру. Әртүрлі бағытта шағын топпен және бүкіл топпен қарқынды өзгерте отырып, белгі бойынша тоқтап, иректелген лентаның бойымен жүру.

Тепе-теңдік сақтау жаттығулары. Заттарға шығу (гимнастикалық скамейкаға, жұмсақ модульге): тұру, қолдарын жоғары көтеру, түсу.

Жүгіру. Бағытты өзгертіп, шашырап, бірінің соңынан бірі (20 метр дейін) шағын топқа бөлініп және бүкіл топпен жүгіру.

Еңбектеу, өрмелеу. Биіктігі 10 сантиметр, ауданы 50 х 50 сантиметр модульге өрмелеу қабілетін дамыту.

Домалату, лақтыру. Екі қолмен, әртүрлі тәсілдермен әртүрлі бастапқы қалыпта 0,5–1,5 метр арақашықтықтағы нысанаға (төмен, жоғары) лақтыру; отырып және тұрып, түрлі заттардың астынан доптарды домалату.

Секіру. 10–15 сантиметр биіктіктен секіру.

Жалпы дамытушы жаттығулар. Еденде отырып, аяқтарды кезекпен бүгу және жазу. Шалқасынан жатқан қалыпта аяқтарын көтеру және түсіру. Тізерлеп тұрып, өкшеге отыру және тұру.

Қимылды ойындар. Балаларды қимылды ойындар ойнауға ынталандыру.

Спорттық жаттығулар. Шанамен сырғанау: шанаға отырып, төбешіктен сырғанауға, шананы жібінен сүйретуге, ойыншықтарды шанамен сырғанатуға үйрету.

Шынықтыру рәсімдерін жүргізу

Сөйлеуді дамыту

Сөйлеудің дыбыстық мәдениеті. Артикуляциялық және дауыс аппаратының, сөйлеу кезінде тыныс алу, есту қабілетінің дамуына ықпал ету.

Сөздік қорын қалыптастыру. Балалардың белсенді сөздігін еңбек әрекеттерін білдіретін етістіктермен байыту: жуу, суару, құю.

Сөйлеудің грамматикалық құрылымы. Өткен шақ түрінде сын есімді зат есіммен және етістікпен үйлестіру қабілетіне үйрету.

Байланыстырып сөйлеу. Балаларды кітаптардағы суреттерді қарауға баулу, оларды таныс заттарды атауға шақыру, мұғалімнің өтініші бойынша көрсету

Көркем әдебиет

Балаларға таныс өлеңдердің сөздерін, сөз тіркестерін түгел айтуға мүмкіндік беру

Сенсорика

Көлемі, пішіні, түсі бойынша ерекшеленетін біртекті заттарды топтастыру қабілетін жетілдіру

Қоршаған ортамен таныстыру

Бала, оның отбасы, үйі. Өз үйін, пәтерін тану қабілетін дамыту.

Заттық әлем. Белгілі бір объект үшін нақты әрекеттерді орындауға машықтану (допты айналдыру, машинаны итеру, қуыршақты жайып салу, пирамиданы құрастыру және бөлшектеу, бір текшені екіншісіне орнату).

Көлік. Көлік, көше, жол туралы түсініктерді жетілдіру.

Еңбекке баулу. Ересектердің жұмысына қызығушылық таныту. Балалардың ересектердің еңбегін бақылау шеңберін кеңейту.

Адамгершілік тәрбиесі. Бірге ойнауды, басқа балалармен бірге ойнауды, бір-біріне көмектесуді және бірге жетістіктерге, әдемі ойыншықтарға қуануды үйрету.

Табиғат әлемі. Жануарлар әлемі туралы бастапқы түсініктерді қалыптастыру. Үй жануарлары және олардың төлдерімен (қозы, лақ, бота), аңдармен (аю, қасқыр, қоян) және құстармен таныстыру, оларды ажырату және атау, сипаттамалық ерекшеліктерін ажырата білу. Өсімдіктер мен жануарларға қамқорлық жасауға тәрбиелеу.

Сурет салу

Ересектермен бірлескен әрекеттерге қызығушылықты ояту. Қағазға, құмға саусақпен сурет салу, ересектер салған суретті толықтыру

Мүсіндеу

Қарапайым және күрделі пішінді заттарды мүсіндеудің техникалық дағдыларын қалыптастыру: кесектерді біріктіру, қуыршаққа арналған әшекейлерді (білезік, жүзік, қол сағат) мүсіндеу, заттардың ұқсастықтарын табу

Жапсыру

Бейнелерді қағаз бетіне қойып, құрастыруға, кескінді конструктивті тәсілмен жасауға (жекелеген бөліктерден), ересектермен бірге түстерді таңдауға (қарама-қарсы түстер) үйрету

Құрастыру

Үлгі бойынша қарапайым ғимараттар салу қабілетін дамыту, өз бетінше бір нәрсе салуға деген ұмтылысты қолдау; қосымша сюжеттік ойыншықтарды, ғимараттардың пропорционалды масштабтарын (кішкентай гараждарға арналған шағын машиналар)қолдана білуге үйрету

Музыка

Музыка тыңдау. Әннің мағынасын түсіну, қоңыраулардың жоғары және төмен дыбысталуын, фортепианоның дыбысталуын ажырата білу.

Ән айту. Әнді жеке және топпен айту, әуенді интонациямен және ырғақты дұрыс жеткізу.

Музыкалық-ырғақтық қимылдар. Қарапайым би қимылдарын жетілдіру бойынша жұмысты жалғастыру: айналу; денені бұру, басты ию, қолдарды сермеу.