«Ақтөбе облысының тарихи орыны –Абат – Байтақ кесенесі»

Ақтөбе қаласының жас туристер стансасы жас ұрпақтың бос уақытын тиімді ұйымдастыратын және туристік – өлкетану қызметіне баулитын, бірден – бір қосымша білім беру орталығы.
Абат-Байтақ сәулет құрылысы Ақтөбе облысының Қобда ауданы Талдысай кентінен оңтүстікке қарай 12 шақырым жерде Қобда өзенінің аңғарында орналасқан діни жерлеу кешеніне оқушылармен экскурсияға барды. Зират XIV ғасырдың соңы - XV ғасырдың бас кезінде салынған. Кесененің құлпытастарында арабша әріппен адам аттары, қысқаша өмірбаяндары жазылып, ру-таңбалары салынған. Жоғарыдағы қазақ ұлттық энциклопедиясы келтірген деректерде, Абат Асанқайғы жыраудың баласы деген аңызды көрсетеді. «Халық аузындағы аңыздарға қарағанда, кесене атақты ойшыл Асанқайғы жыраудың ұлы Бесқопа аңғарында кенеттен қайтыс болған Абат батырға арналып, бүкіл аймақ халқының қатысуымен («кең»). Бірақ құрылыстың сәулеттік құрылымы  оның төрелерге тән екенін байқатады»,-делінген.
Жас ұрпаққа танымдық тәрбие беруде үйірме оқушыларына жыл сайын тарихи орындарға экскурсия ұйымдастырады.Кесенеге барған оқушылар батыр баба туралы тарихи деректер жинап, үлкен әсер алып қайтты. Батырдың рухына тағызым етіп, оның теңдесі жоқ ерлігін бағалап, құрметтеу – бүгінгі ұрпақ үлесінде. Әрбір оқушы туған жеріндегі батырлар және олардың ерлік -істері жайында білуі тиіс.

Алмақ Гаухар Серікқызы

Ақтөбе қалалық жас туристер стансасының
қосымша білім беру педагогтері