Ақылдың Одиссеясы интеллектуалды ойын сайысы

Жоспары: 1. « Алтын қақпа» викторина сұрақтары

2. « Креатив MAN» креативті идея

3. Ақыл айнасы

4. Флипbook

5. Мульти эмодзи

Жүргізуші: Қайырлы күн,асыл ұстаздар, қымбатты достар! Ақылдың Одиссеясы атты интеллектуалды ойын сайысына қош келіпсіздер! Бүгінгі күн ерекше болмақ. Себебі , бұл күн қаһарлы қыстың алғашқы күндерінің бірі. Ендеше, бұл күнге сай келіп отырған «Ақылдың Одиссеясы » атты интеллектуалды ойын сайысымызды ерекше көңіл- күймен бастауға рұқсат етіңіздер. Бүгінгі сайысымыздың әділ қазылар алқасы «Қайнар » білім беру және бос уақытты қамту кешенінің шығармашылық клубтарының әдіскері: Жакупова Ағайша Сатыбалдықызы, қосымша білім беру педагогы: Сорокина Зинаида Викторовна!

Сіздерді сайысқа шақырамыз,

Сұрақтар мен бастарыңды қатырамыз

Ақыл- ойды ұғындырып, Аз да болса, білімдеріңізді толтырамыз.

1 сайыс : « Алтын қақпа» викторина сұрақтары: Сұрақтар саны – 9 Әр командаға 4 сұрақтан беріледі. Ең соңғы сұрақ жауаптары аз командаға қосымша балл ретінде мүмкіндік беріледі. Әр сұрақтың берілген жауабы 1 баллмен бағаланады . Ойын шарты: Алдарыңызда сандық лотоны командалар кезек-кезекпен алады. Сәйкесінше жауап береді. Ойлануға берілетін уақыт 20 сек. Ендеше бастайық.

Жүргізуші:

Мықты болсаң-алдағыны басып оз,

Мықты болсаң-арттағыны жеткізбе! деп « Креатив MAN» бөліміне кезекті береміз. Ойын ережесі мен таныстырып өтейін. Мұқият тыңдаймыз! Алдарыңызда екі плакат бір командаға бір плакат. Кубта өздеріңіз байқағандай түрлі сызықтар салынған. Кубты 8 рет айналдыру арқылы креативті адамның мүсінін салып шығамыз. Сәттілік тілеймін!

Жүргізуші:

Ақыл да ойлағанды ұнатады.

Ойланып толғанған адамға ғана ақыл дұрыс жол көрсетеді.

Бауыржан Момышұлы

3 сайыс : Ақыл айнасы

Шарты: Менің қолымдағы фотода қасық, шанышқы 3 секунд фото көрсетіледі . Сіздердің алдарыңызда қасық пен шанышқыны фотодағыдай рет-ретімен орналастыру қажет. Берілетін уақыт 1 минут

Сайыскерлерімізге сәттілік тілеп қошемет көрсетейік!

Жүргізуші:

Шын жүйрік шабысынан танылады

Нақты білім, терең ой саналады- демекші кезекті 4 сайысымыз Флипbook.

Ереже: Құрметті тәрбиеленушілер бұл командалық жүмыс . Берілетін уақыт 10 минут . Ең алдымен қайшының көмегімен қиып аламыз. Тапсырмаларды орындаймыз . Қорытынды блокнот жасап шығару керек. Іске сәт!

Жүргізуші:

Интеллектуалды ойынның көп сұрағы ,

Әр шәкірттің білгірі алға шығады

Асықпаңдар, ойланайық , балалар.

Көп жауап бар, біреуі дұрыс шығады .

Келесі 5 сайысымыз Мульти эмодзи деп аталады. Шарты: Үлестірме қағазда мультфильм жасырылған эмодзиларды мұқият қарап, мультфильм атауын дұрыс табуларыңыз қажет. 1 жауап -1 балл деңгейімін өлшенеді.

Жүргізуші;

Интеллектуалдық сайысымыздың қорытынды баллы мен жеңген команданы жариялап,марапаттау үшін сөзді сарапшы-мамандар алқасына береміз

Қазіргі өмір талабына сай ғылым жолы ауыр да қиын, әрі қызықты. Тек қана төзімділік еңбекқорлық пен тапқырлық сіздерді ғылым жолында алға жетелейді. Отанымыздың арқа сүйер азаматы болыңыздар!

.

: