Ардақты ұстазым

АРДАҚТЫ ҰСТАЗЫМ

Мұғалім ісі сырттай қарапайым көрінгенімен-тарихтағы ең ұлы істің бірі.Ұстазы жақсының ұстанымы жақсы деген сөздің айтылуына не себеп болды екен?Баланың бойындағы жасырын талантты көруші қабілетке ие жандар ұстаздар болғандықтан,олардың артықшылығын бағалап,ардақтай білуіміз керек. Тарих беттерін ақтарсақ,ақын-жазушы аталарымыздың көпшілігі ұстаздықты серік еткен.

Оқушының бойында қабілет бар екенін байқаған ұстаз баладан үнемі бір үміт күтеді де,көптеген сындардан өткізеді.Шикі жұмыртқа күйде болғаныңда сені пісіретін жан-ұстаз.Бәлкім асқан қаталдық көрсетер,бірақ әлемдегі ең мейірбан жандардың саған зиян болсын демейді.Өзіңді өзің танитын деңгейге жеткенше, шәкірт болуды тоқтатпайсың.Елдің білімін ұстазымен бағалаудың себебі осы шығар?Ұстазын ардақтаған елдің-болашағы жарқын болары хақ.

Оған қоса балаларды бір-бірінен бөліп жару үлкен қателік.Осы жағынан ұстаздарға білім беруде қиындық тууы мүмкін.Бірақ ұстаздар болмаса талантты баланың қор болып,тасада қалары белгілі.Расында қандай баланың қандай болып қалыптасары ұстазға тікелей байланысты.Оқушы ұстаздың сөз саптауы мен ақылынан үлгі алып,жақсы болып бой түзеуге тырысады.

Жалпы алғанда,ұстаз мамандығының жоғары бағалануына себептер жеткілікті.Өз баласын бейімділігіне қарай қалай өсірсе,шәкіртінің белсенді әрі белгілі болуына зор үлес қосады.Жаман болу да,жақсы болу да өзіңнен,бірақ ұстаздың бойына көз жүгіртсек өмірімізге қажет құндылықтарды аламыз.Кішкентай нәрседен үлкен нәрсені көргің келсе,ұстаздай қырағы бол.

Түйіндесек,ұстаз -баланың тәрбесі мен адам болып қалыптасуында үлкен маңызға ие.Әлемде миллиондаған мамандық иелері болса да,оқу-білімді серік еткен мұғалімдерден асып түсе алмас.Ел боламын десең бесігіңді түзе демекші,адамның өмірлік ұстанымының қалыптасып,елінің дамуына үлес қосар ұрпақтың өсуі-ұстаздардың қолында.Ұстазын ардақтамайтын елде білім болмас