Армандар орындалады

Серік Айзере Аянқызы,

№12 жалпы орта білім беретін мектеп,

1а сыныбы,

Деркөл кенті, Литейная, 7

Жетекшісі:Темирбаева Н.Ж.

nadejda197@list.ru , 87752856203

Армандар орындалады

Ерте, ерте, ертеде,

Ғажайып елдің бірінде,

Тәуеліз елдің жерінде, Айзере деген кішкентай қыз боыпты. Ол өте ақылды, зерек қыз екен. Оның Рамазан есімді мысығы бар еді. Үнемі мысығына өзінің арманын айтып отыратын. Соның ішінде ең үлкен арманы – Елордасы Астана қаласына қыдырып барып, көркем ғимараттарын аралау екендігін жиі-жиі айтатын. Бірақ еш жолы түспепті.

Қиялының жүйріктігі соншалық...бір күні ұйықтап жатып түс көріпті. Түсінде әп-әдемі болып киініп, әсем қала Астананы аралап жүр екен. Жанында досы – мысығы бар. Әдемі қаланың әсем ғимараттарына көз алмай мәз болып қарай берді. Өзін бір ғажайыптар еліне тап болғандай сезінді.

Бір кезде жанындағы мысығы сөйлеп қоя берді. Айзере, бүгін сенің ең үлкен арманыңның орындалатын күн, екеуміз арман болған қаланы армансыз аралайтын боламыз. Тек бір шартым бар. Әр ғимаратқа кірер алдында сен менің қойған сұрақтарыма жауап беру керексің. Жауабын дәл тапсаң кез-келген ғимараттың есігі айқара ашылатын болады,- деді. Айзере қуана-қуана жауап беруге дайын екендігін айтты. Екеуі біраз жүріп «Бәйтерек монументінің» алдына келіп тоқтады. Мысық: - Елорданың символына айналған Бәйтеректің биіктігі неше метр? Айзере сәл ойланып «97 метр» деп жауап берді. Есік ашылып Айзере мен мысығы Бәйтеректің ең биігіне көтеріліп, Елбасының қолына қолдарын қойып, тілектерін тіледі. Айзере сондай қуанышты еді.

Мысығы екеуі жәймен басып Ақорданың тұсына келді. Мысық: - Қазақстан Республикасының тұңғыш президенті кім?. Айзере: - «Нұрсұлтан Әбішұлы Назарбаев» - деп толық жауап берді. Ұмытпаппын, мектепте тәрбие сағатында апайым айтқан кезде есіме сақтап алғаным қандай жақсы болды, - деп мәз болды. Ақорданың әсемдігіне тамсана отырып, ары қарай қозғалды.

- Астана қаласының ең үлкен ойын-сауық орталығы, бейнесі шатырға ұқсайтын ғимарат? – деп сұрағын қойып жатырған кезде Айзере асығыс «Хан шатыры» деп жауап берді. Мысық: - Дұрыс таптың, ендеше Хан шатырына баралық. Екеуі бұл ғимаратта кешке дейін аралаумен болды.

Бір кезде мысық: - Айзере, саған қоятын соңғы сұрағым: - Қазақстан Республикасының тәуелсіздігіне биыл қанша жыл болды? Есепке жүйрік Айзере тездетіп есептеп, «27 жыл» деп жауап берді. – Жауабың дұрыс, соңғы аралайтын ғимаратымыз «Бейбітшілік және келісім сарайына» келіп жеттік. Екеуі ғимараттың барлық жерін аралап шықты.

Мысық: - Айзере, саған көп рахмет, сұрақтарға дұрыс жауап бердің, керемет әсерде болдың деп ойлаймы, - деп Айзереге еркелеп, қолынан сүйе беркен кезде... Айзере ұйқысынан оянып кетті. Жанына анасы келіп, бетінен сүйіп, қызына сабаққа баратын уақыт болғанын айтып, оята бастады. – Саған жақсы жаңалығым бар, қысқы демалыста отбасымызбен Астана қаласына демалуға барамыз,- дегенде қуанып анасын құшақтай алды. Жанында жатырған мысығына « Армандар орындалады» деп жаймен сыбырлай берді....

n