«Интеллектуалды және шығармашылық ойындар арқылы мектепке дейінгі балалардың танымдық қабілетін дамыту»

Мектепке дейінгі балалық шақ – баланың тұлға ретінде қалыптасуының негізі қаланатын ерекше кезең. Осы уақытта баланың танымдық процестері: ойлау, сөйлеу, елестету, есте сақтау, зейін сияқты қабілеттері белсенді дамиды. Бұл процестерді дамытуда ойын — ең басты құрал. Ойын арқылы бала әлемді таниды, логикалық байланыстар орнатады, сөйлеу арқылы ойын жеткізеді, қиялдайды және шешім қабылдауға үйренеді.

Интеллектуалды және шығармашылық ойындар – баланың ойлау жүйесін, шығармашылық белсенділігін, өз ойын білдіру және шешім қабылдау дағдыларын дамытатын маңызды әдістердің бірі. Бұл ойындар мынадай бағыттарды қамтиды:

- Танымдық ойындар: салыстыру, сәйкестендіру, ретімен орналастыру, құрастыру;

- Сөйлеу және сөздік қорды дамыту ойындары: әңгіме құрастыру, сөзді жалғастыру, жұмбақ шешу;

- Шығармашылық ойындар: ертегі құрастыру, суретпен жұмыс, құммен немесе ермексазбен әрекет;

- Қиял мен елестетуге негізделген ойындар: болашақты елестету, қиялдағы кейіпкер жасау, музыкамен бейне салу.

Интеллектуалды және шығармашылық ойындар мектепке дейінгі баланың жан-жақты дамуына ықпал етеді. Мұндай ойын түрлерін жүйелі қолдану арқылы балалардың танымдық қабілеттері күшейіп, өз ойын еркін жеткізетін, шығармашыл, ойлай алатын тұлға қалыптасады.

Осы бағыттағы әдістемелік құралдарды қолдану педагогтердің кәсіби шеберлігін арттырып, оқу-тәрбие процесін заманауи деңгейде ұйымдастыруға мүмкіндік береді.