Ашық оқу қызметі,эссе,ертеңгіліктер

Білім беру саласы:Таным.

Ұйымдастырылған оқу қызмет: Жаратылыстану.

Мақсаты:Отан,туған өлке туралы түсініктерін нығайту.Туған жерге деген

сүйіспеншілік сезімдерін дамыту. «Отан», «Мәңгілік ел» сөздерінің құндылықтарын түсіндіру.Туған жерін,елін сүюге,табиғатын қорғай білуге тәрбиелеу.

Билингвальды компонент: Отан-Родина,өлке-край,теңіз-море,аққу-лебедь.

Тәрбиеші балаларды бастап шығып, «Алға,Қазақстан» әнімен маршпен келіп

флешмоб жасайды.

-Күнімді сүйем,сәулелі шуағы үшін,

-Жерімді сүйем,бау-бағы,топырағы үшін.

-Елімді сүйем достығы жарасқаны үшін

Теңізді сүйем,шипалы суы үшін.

Отаным-Қазақстан,

Мәңгілік ел-Қазақстан!

Тәрбиеші: Балалар,сендер –Мәңгілік ел болашағысыңдар! Ендеше,мәңгілік ел дегеніміз не?

Бекзат: Мәңгілік ел-болашақ қазақ елі.

Нуриман-Мәңгілік ел мына біздер.

Санжар-Дұрыс айтасың,біз өсеміз,оқимыз,еңбектенеміз.

Амина: Біздің балаларымызда осылай істейді.

Мадина: Иә,сонда Қазақ елі өсе береді,дами береді,әлемдегі керемет ел болады.

Айша: Иә,иә,Мәңгілік елге айналады.

Тәрбиеші: Балалар, біздің Елбасымыз кім?

Балалар: Нұрсұлтан Әбішұлы Назарбаев.

Тәрбиеші: Жарайсыңдар балалар,ендеше,Н.Ә.Назарбаевтың Мәңгілік ел туралы не айтқанын тыңдайық!

(Экраннан бейнетаспа көрсетіледі)

Тәрбиеші:Балалар,сендер бүгінгі Отанымыз-Қазақстан туралы білесіңдер ғой,

солай ма? Олай болса,мен сендерді ойнатып алғым келіп тұр.

Дидактикалық ойын: «Қазақстан қалаларын ата.»

Ойын шарты:Балалар экраннан көрсетілген қаланы атау керек.

Балалар жауабы: Астана,Алматы,Ақтау,Форт-Шевченко.

Тәрбиеші: Жарайсыңдар балалар! Ал біз қай жерде тұрамыз?

Балалар: Маңғыстау облысы,Түпқараған ауданы, Форт-Шевченко қаласы.

Тәрбиеші: Өте жақсы,дұрыс айтасыңдар.

(Экраннан бейнетаспа көрсетіледі)

Тәрбиеші:Балалар,біздің теңіз қандай әдемі! Біздің теңізіміз қалай аталады?

Бала жауабы: Каспий теңізі деп аталады.

Тәрбиеші: Ал теңіз сөзін орысша айтамыз, теңіз-море.

Теңізде көптеген балықтар тіршілік етеді.Балық адам денсаулығына пайдалы.Оның құрамында көптеген дәрумендер бар.

Балалар балық туралы не білесіңдер?

Балалардың жауабы: балықты адамдар аулайды,еті дәмді болады,

Балықтың басы,құйрығы,қабыршағы болады,суда тіршілік етеді,сусыз өмір сүре алмайды.

«Көзге жаттығу»(денсаулық сақтау технологиясы бойынша)

Тәрбиеші:Каспий жағалауында құстарда мекендейді: шағала-чайка,

Аққу-лебедь,қоқиқаз-фламинго.Құстар туралы мақалдар білемізбе?

Балалар жауабы: Құсқа тас лақтырма.

-Құс ұясын бұзба.

-Аққуды атпа,досыңды сатпа.

-Ит тамағы үшін жүгіреді,құс тамағы үшін ұшады.

-Шағала келмей жаз болмас.

Тәрбиеші:Теңіз суы адамның сүйегіне де,терісінеде өте пайдалы.Жағадағы

балшығы,шиыршық тастары,құмы да пайдалы,теңізге түсіп,күнге

қыздырынсаңдар,денсаулықтарың мықты,шымыр болып өсесіңдер.

«Теңіз тастары» табанға жаттығуы.(Денсаулық сақтау технологиясы бойынша)

Балалар бір-бірінің артынан саппен жүріп,тас қиыршықтарынан өтеді.

Табандағы белсенді нүктелерге массаж ретінде.

Балалардың тақпақтары:

1.Маңғыстау түбек мөлдір бұлақ

Қарт Каспийдің жағасы

Айналасы таулы қырат

Фор-Шевченко қаласы.

2.Табиғат егіз адаммен

Ұқсастық табам содан мен

Мәңгілік болсын егіздер

Жер-ана,көл,теңіздер.

3.Сарқылмайтын қуатым

Тірегімсің,Қазақстан!

Мәңгі соғып тұратын

Жүрегімсің,Қазақстан!

Тәрбиеші: Мәңгілік ел болу үшін сендер қандай болуларың керек?

Балалардың жауабы:

-Ата-анамызды құрметтеу керек.

-Тәртіпті болу керекпіз.

-Жақсы оқуымыз керек.

Балаларды мадақтау.

Ән «Туған өлкем»