Ашық сабақ 5 сынып 60 метрге жүгіру

Cабақтың тақырыбы:

 Жоғары жылдамдықпен  60 метрге жүгіру

Сабақтың мақсаты:

1. Білімділік:

Жаңа білімді қалыптастыру, оқушыларды салауатты өмір салтына баулу, олардың денсаулығын нығайту.

Оқушылардың шапшандық,төзімділік дағдыларын қалыптастыру.

1. Тәрбиелік:

Дене тәрбиесі (Жаттығулар арқылы жасөспірімдердің денсаулығын нығайту).

Әрбір оқушыға көңіл бөлу арқылы дене бітімін дамыту.

Спорттық ойындарға қызықтыра ой қабілетін дамыту және денешынықтыру сабағынан тыс жекелеген спорт түрлерімен айналысуға оқушыларға мүмкіндік жасау.

Сабаққа керекті құрал-жабдықтар: Ысқырық, секундомер, секіртпелер, шығыршықтар, доптар

Сабақ өтілетін орын: Спорт алаңы немесе спорт зал

Сабақ барысы:

І. Ұйымдастыру кезеңі

ІІ. Кіріспе немесе дайындық бөлімі

ІІІ. Негізгі бөлім:

ІV. Сергіту сәті

V. Қорытынды бөлім:

Сергіту сәті:

Оқушыларды екі топқа бөле отырып түрлі тапсырмалар беру арқылы дененің шапшаң қимылдауына, жылдам ойлай алу қабілетін дамытуға баулу. Ол үшін екі топқа бөлінген командалар арасында жарыс ұйымдастырып ойындар мен математикалық есептер, ағылшын сөздерін қазақшаға немесе керісінше тәржімалау, сөзжұмбақтар шешкізіп, секіртпе мен шығыршықтарды пайдаланып сабақты басқа пәндермен байланыстыра қызықтырып өткізу.

Қорытынды бөлім: 5 минут

Жалпы сапқа тұрғызып сабаққа үздік әрі белсене қатысқан оқушыларды бағалау.Жіберілген кемшіліктер мен қателіктерді айтып, үйге тапсырмалар беру. Оқушылармен қоштасу.

«Науалы орта мектебі» КММ

Дене шынықтыру пәнінің мұғалімі:

Джакупова Дина Танатаровна

Көңілді эстафета

Тақырыбы: Көңілді эстафета

Сабақтың мақсаты: 1.Ойындардың,эстафеталардың тәртібін түсіндіру,қимыл-қозғалыс тәртібін түсіндіру,денсаулығын нығайтуға, ұйымшылдыққа ,тәртіпке,бірлестікке,әрекеттенуге үйрету.

2.Оқушыларды ұйымшылдыққа,достыққа,ұлтжандылыққа тәрбиелеу;

3.Оқушыларды жылдамдыққа,шапшаңдыққа үйрету.Білім,білік дағдыларын кеңейту;

Сабақтың түрі:командалық жарыс

Сабақтың әдісі:ойын

Өтетін орны: спорт алаңы

Құрал-жабдығы: доп,кедергілер,секірткіш,ысқырық,шығыршық,қап,эстафета таяқшасы

І.Ұйымдастыру кезеңі

1.Жарысымыздың қорытындысын шығарып,әділ бағалап отыратын әділқазылар алқасымен таныстыру.

2.Ортаға командалар шығады.Мұғалімнің командасы бойынша сапқа тұрғызылады.Мемлекеттік Әнұран орындалады.

ІІ.Жарыстың шарты.

1.Сәлемдесу.(ұраны,топ аты)

2.Эстафеталық ойындар

3.Қорытындылау:

1.«Эстафета таяқшасын алып жүгіру»

Әр топ ойыншылары төрешінің белгісі бойынша кедергілердің арасымен эстафета таяқшасын алып белгіленген жерге жүгіріп барып,кейін қайтады.Екінші ойыншыға береді.Бірінші келген команда жеңіске жетеді.

2.«Секіртпемен жүгіру»

Топ оқушылары төрешінің белгісі бойынша секіртпемен жүгіреді.Белгіленген жерге жүгіріп барып,кейін қайтады.Келесі ойыншыға береді.Ойынды бірінші аяқтаған топ жеңімпаз болады.

3.«Шығыршық тасы»

Төрешінің белгісі бойынша топ басшысы шығыршықпен белгіленген жерге топ мүшелерін біртіндеп тасып,кейін қайтады.Соңғы ойыншыны апарып,барлығын бірдей алып келеді

4.«Кім жылдам»

Төрешінің белгісі бойынша белгіленген жерге допты жерге ұрып барып,қайтарында жүгіріп келеді. Допты келесі ойыншыға береді. Ойын осылай жалғасып,бірінші келген команда жеңімпаз болады.

5.«Жұптасқан ұстаушылар»

Төрешінің белгісі арқылы топ мүшелері екеуден жұптасып белгіленген жерге жүгіріп барып,кейін қайтады.

6.«Қаппен жүгіру»

Төрешінің белгісі арқылы қапты киіп алып,белгіленген жерге секіріп барып,кейін қайтады.Қапты шешіп келесі ойыншыға береді.Бірінші аяқтаған топ жеңімпаз болады.

7.«Арқан тарту»

Команда мұшелері түгел арқан тартуға шығады.Белгіленген жерге қарсылас команда мүшелерін тартып келеді.Командалар бір-бірімен түгел арқанмен тартысады.

ІІІ.Қорытындылау.

Қорытынды сөз әділқазыларға беріледі.

Командалар сап түзеп қатарға тұрады.

Ұпай санын есептеп,жарысқа қатысқан командаларды марапаттау.

«Науалы орта мектебі» КММ

Дене шынықтыру пәнінің мұғалімі:

Джакупова Дина Танатаровна