Ашық сабақ 9 сынып

Пәні: Сызу

Сыныбы: ІХ^А,Ә

Сағаты: 3

Сабақтың тақырыбы: Негізгі көріністер

Сабақтың мақсаты: Оқушыларға бүгінгі өтілетін тақырыптар бойынша

түсінік беру. Сызу пәніне деген қызығушылықтарын

арттыру.

Сабаққа қажетті жабдықтар: Қарындаш, өшіргіш, сызғыш, циркуль, сызба

қағазы т.б.

Сабақтың жүрісі:

І.Ұйымдастыру: Оқушыларды түгендеу, үй тапсырмасын тексеру, жаңа сабақ.

ІІ.Негізгі бөлім: Күрделі тетікбөлшектің кейбір элементтері негізгі көріністерде бұрмаланып проекциялануы мүмкін. Мысалы, 93,а-суретте кескінделген тетікбөлшекті қарастыралық. Осы тетікбөлшектің басты және үстіңгі көріністері 93,ә-суретте салынған. Горизонталь проекцияда үстіңгі көріністе тетікбөлшектің оң жақ бөлігі бұрмаланып түскен. Тетікбөлшектің бұл бөлігі негізгі көріністердің бірінде де өзінің нақты шамасын сақтамайды, барлық негізгі көріністерде де бұрмаланады.Нәрсенің бұл бөлігінің бұрмаланбаған көрінісін алу үшін, оны басқа жазықтыққа проекциялау керек. Жаңа П₄ жазықтықты негізгі көріністерде бұрмаланып кескінделетін тетікбөлшек бөлігінің жағына параллель етіп орналастырады (93,а-сурет). Осы жаңа жазықтықты қосымша проекциялар жазықтығы деп атайды. Қосымша проекция жазықтығына тетікбөлшек тік бұрыштап проекцияланады. Содан кейін қосымша жазықтықты фронталь проекциялар жазықтығымен беттестіреді. Алынған проекцияны тетікбөлшектің қосымша көрінісі деп атайды. Кейде тұтас көріністің орнына нәрсенің бізге керек шағын бөлігінің проекциясын көрсетуге болады. Нәрсенің бізге керек бөлігінің проекциясын жергілікті көрініс деп атайды. Жергілікті көріністі пайдаланғанда сызбада басы артық, көлемі үлкен әрі қиын тиетін салулар орындалмайды.

Өз бетімен жұмыс. 93 – суретті сызу.

ІІІ.Қорытындылау: Оқушыларға бүгінгі өткен тақырып бойынша сұрақтар қойып, жауап алу, бағалау.

Үйге тапсырма: 93 – суреттегі сызбаны аяқтау.