Ашық сабақ "Бейбітшілік және келісім сарайы" 9-сынып

Педагогикалық практика жетекшісінің қолы:

Сулейман Демирель университетінің « 5B01701 - Қазақ тілі мен әдебиеті » мамандығының 3 - курс студенті Үркінбаева Аида Құдайбергенқызына педагогикалық практика бойынша жетекші

ПІКІРІ

Үркінбаева Аида Дарынды балаларға арналған үш тілде оқытылатын Әл-Фараби атындағы арнаулы гимназияда 18.02.2021– 23.04.2021ж аралығында педагогикалық практикадан өтті.

Практиканың алғашқы күні мектепте келіп бірден жұмыстарға белсене араласты. Бірінші мектеппен, оқушылармен танысу мақсатында сабақтарға қатысып, бақылау жүргізуі тапсырылды. Алғашқы екі апта 11- сыныптардың қазақ тілі мен әдебиет сабағына қатыстып, білікті ұстаздардан тәжірибе жинақтады. Екі аптадан кейін 9 «Г» сыныбымен танысып, сабақ өтуге кірісті. Оқушылармен тез тіл табысып, сабақтарына күнделікті қатысып отырды. Сонымен қатар, 9-сыныптың тәрбие жұмыстарына араласып, ұйымдастырушылық қабілетінің жоғары екенін көрсетті. Өзіне тапсырылған жұмысты жауапкешілікпен атқарып, әр сабаққа тиянақты дайындалып келді. Сабақта әр тақырыпқа байланысты көрнекіліктер пайдаланып, сыныптың көбінің сабаққа қатысуы, топпен жұмыс істеуі, уақыт бөліп үйренгенін көрсете білді. Оқушылардың қазақ тілі сабағына деген қызығушылықтарын арттырып, олармен сабақтан тыс та жақсы қарым – қатынаста болды. Емтихан уақыты мен тоқсан соңында да жетекшіге құжаттармен көмектесіп, сынып жетекшінің тапсырған жұмыстарын да катар алып жүрді. Аида өзін мұғалім тұлғасына сай, оқушылар алдында өзін еркін, сенімді ұстап, өз білімін оқушыларға бере алды. Практика бойынша 9 «Г» сыныбына қазақ тілінен «Бейбітшілік пен келісім сарайы» деген тақырыпта ашық сабақ өткізді. Сабақ барысында Аида қысқа уақыт ішінде оқушылармен жақсы тіл табысып, түрлі әдіс-тәсілдерді пайдаланып, АКТ-ны жақсы меңгергендігін көрсете білді. Ашық сабақта оқушылармен онлайн түрлі бағдарламалар мен платформаларда жұмыс жасады. Атап айтар болсам, «learning apps», «quizziz», «google slides» бағдарламаларын қолданды. «Тосын сұрақтар», «FILA кестесі», «экрандағы рефлексия» әдістерін қолданып, тәжірибе барысында жинақтаған білімін жақсы көрсетті. Үркінбаева Аида іс - тәжірибеден өту кезінде теориялық білімін тәжірибе жүзінде іске асырып, осы уақыт ішінде мектептегі практикадан өзіне керекті тәжірибені ала білді деп ойлаймын .

Үркінбаева Аида педагогикалық практикаға қойылатын талаптарды толық орындады және нәтижесінде 98 (А) «өте жақсы » деп бағаланды .

Мекемедегі педагогикалық

практика жетекшісі Досалиева А.Ж.