Ашық сабақ "Бесеудің хаты" 10-сынып

Бөлім:

«Тарих тағылымы»

Педагогтің аты-жөні:

Ескалиева Л.Г.

Күні:

25.04.2023

Cынып:10

Қатысушылар саны: 15

Cабақтың тақырыбы:

Шерхан Мұртаза «Бесеудің хаты» драмасының тарихи және көркемдік құндылығы

Оқу бағдарламасына сәйкес оқыту мақсаттары:

10.2.3.1 шығармадағы көркемдегіш құралдардың орны мен қызметін талдау

10.3.1.1 шығарманың тарихи және көркемдік құндылығын анықтап, бағалау

Сабақтың мақсаты:

Оқушыларды драмалық шығарманың тарихи және көркемдік құндылығына баға беруге, шығармадағы көркемдегіш құралдардың орны мен қызметіне талдау жасай білуге үйрету.

Сабақтың кезеңі/уақыт

Педагогтің әрекеті

Оқушының әрекеті

Сабақтың басы

7 мин

Ұйымдастыру бөлімі

Оқушылармен амандасады. Қызығушылығын ояту. Алматы қаласында ашаршылық құрбандарына арналған ескерткіш суреті көрсетіледі.

• Бұл ескерткіш қандай тарихи оқиғаларға байланысты тұрғызылған?

Үй тапсырмасын тексереді. Үй тапсырмасы Сталинге хат жазған 5 адам туралы мәлімет жазып келу.

Сабақтың тақырыбы, оқу мақсаттары айтылады.

Оқушылар 3 топқа бөлінеді. Мұғаліммен амандасады.

Ғабит Мүсірепов

Мансұр Ғатауллин

Емберген Алтынбеков

Мұташ Дәулетқалиев

Қадыр Қуанышев

туралы мәліметтерді айтып береді.

Сұрақтарға жауап береді. Сабақ тақырыбын жазады.

Сабақтың ортасы

8 мин

Көрініс «Бесеудің хаты» Оныншы сурет.

Интербелсенді тақтадан ашаршылық туралы бейнежазба көрсетіледі.

«Фишбоун» әдісі

Шығармада қолданылған көркемдегіш құралдарға талдау жасау

І топ – эпитеттер

ІІ топ – теңеулер

ІІІ топ – қанатты сөздер, мақал-мәтелдер

Көрініс. Он бірінші сурет.

І топқа:

Драмада Мүсірепов өзі өмір сүрген заман жайлы: «Жорғалар-жортақ, батырлар-қорқақ болған сұм заман»- дейді /189-бет/. Ал сіздер сол бір нәубет жайлы не айтар едіңіздер? Мүсіреповтың осы пікірімен келісесіз бе?

ІІ топқа:

Бір үзім нан сұрап, кеңсесінің алдын торыған аш адамдарға Голощекин қандай сыңай танытты? /193-бет/. Осы әрекетінен оған қандай баға бересіз? Ойыңызды деректі фильммен байланыстыра отырып, Голощекиннің шынайы бейнесі арқылы дәлелдеңіз.

ІІІ топқа:

Драматург Ш.Мұртаза «Бесеудің хаты» атты драмасында «Бұқпадан шыққан жау жаман, бүйірден шыққан дау жаман» /186-б/, «Мал аласы сыртында, адам аласы ішінде» /190-б/, «Төременен тіреспе, күштіменен күреспе» /193-б/, «Үрерге иті, сығарға биті жоқ» /197-б/, «Ат арыса-тулақ, адам арыса-аруақ» /199-б/, «Ораза-намаз тоқтықта» /200 бет/, «Қайрат-қыран, қайғы -жылан» деген қанатты сөз бен мақал- мәтелдерді қандай жағдайларға байланысты қолданған?

Драмадан үзінді қойылады.

Оныншы сурет.

Оқушылар «Бесеудің хаты» драмасының тарихи құндылығын қалай бағалар едіңіз?» деген сұраққа жауап беріп, балық қаңқасын толтырады.

Шығармадағы көркемдегіш құралдарды тауып, жазады

Проблемалық сұрақтарға жауап береді.

Сабақтың соңы

5 мин

Рефлексия «Classroomscreen» платформасы

Бағалау.

«Classroomscreen» платформасы арқылы оқушылар сабақ туралы әсерлерімен бөліседі.

Үй тапсырмасын жазып алады.